Naba 19:2 - Buka Blahi Ka Cheke Holo

² “Igne keha vetula teke chekeni Lord na: Cheke eghu ka naiknodi Israel, ghotilo mala atha mei kaisei buluka ukru te theo kaisei thuthubu ka thinigna na, nei te theome loku ghotilo tagna eghu.

Naba 19:2 ပူးပေါင်းရင်းမြစ်များ

Diutronomi 21:3

Aonu, mae lida gna namono tuana tei vahini kaisei sua buluka te theome eni teu kaisei gloku.

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Ululahu Samuel 6:7

“Eghume, ghotilo tarabana kaisei chariot majaghani baludi phei buluka te au thudi majaghani, nu phei buluka igre theome korho chariot ngau tifa na. Ghotilo mala nhaꞌa lao nhugha ka repa mala korho repa chariot na, nu ghotilo hata fadelei phei thudi repare mala ke pulo ka nodi suga buluka re.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Ululahu Pita 2:22

“Mana neke theome eni kaisei nakhibo, eghuteuna theo kaisei cheke chaichaghi te jifla mei ka foflogna na.”

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Lamentations 1:14

“Nogu funei neke hata nakhibogu gre neke loku fodu. Nakhibo igre jateula glepo tahu te nhaꞌa mei ke klignadi fafragu iara ra eghu, eghume iara thofno glaꞌe soru fara. Mana lisa lao ghau iara ka khamedi nogu naokare, eghuteuna iara theome nheta te mala magra ka mare na.

Profet Isaia 1:18

Lord neke cheke eghu, “Mei ghotilo mala fadoglini tahati glepo igne! Neuba ne jateula dadara ka pohe vegha ra neu ne ninhigrana fara atha kokodi nakhibomi ghotilore, iara tangomana te togho ghami ghotilo te mala thofno gae fara jateula khakla sipu teu ghotilo na.

Naba 31:21

Aonu mae pris Eleasa ne cheke eghu ka mae soldia teke tei ka magra re, “Igne u vetula teke tusu lao Lord ka mae Moses na:

Naba 19:6

Aonu mae pris Eleasa ginau atha kaisei khodo ka gaju sida, nei kaisei grege gaju hisop, nei kaisei gnarho ukru te ikoi, eghuteuna koko lao thilo glepo igre ka khaꞌaghi na.

Levitikas 14:6

Pris ginauna atha keha nanghaji te karha teuna balu gaju nei gnarho nei grege hisop tuare. Eghuteuna lisei lao gobigna lepo igre ka dadara tuana,

Naba 19:1

Lord ne cheke eghu ka mae Moses ghe mae Eron,

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Levitikas 1:10

“Jame kaisei mae ka ghotilo magnahaghei fafara sipu ba nanigot te thofno krono, mana atha kaisei nalhaꞌu gna te theo kaisei thona ka thinigna na.