Naba 18:9 - Buka Blahi Ka Cheke Holo

⁹ Glepo te blahi teke theome gahu ghotilo ka olta na are, nomi ghotilo. Neuba neke fafara ka flaoa, ba fafara mala ke doglo kaisei mae ka tathagu iara na, ba kaisei fafara eigna poloru, keha vidodi glepo blahi teke theome gahu te knoro re nomi ghotilo.

Naba 18:9 ပူးပေါင်းရင်းမြစ်များ

Levitikas 7:7

Lord ne cheke eghu, “Kaisei vetula au maladi phei nafnata fafara igre, fafara mala doglo naikno na ka tathagu iara na, nei fafara mala poloru igne. Vetula igre chekedi nafnahidi phei fafara igre ghedi mae pris, mae ihei te edi fafara igre.

Levitikas 14:13

Mana mala aknu falehe sipu igne lamna ka vido gna Suga tapuale te Blahi na, ka vido te mala aknu falehe glepo tautagu gna fafara tuana mala ke doglo naikno na ka tathagu iara na eghuteuna fafara te thofno knoro. Igne mala aknu falehe ka vido tuana naugna nafnahi gna poloru fafara tuana mala ke doglo naikno na ka tathagu iara na fafara te thofno krono tuana. Mana mala aknu falehe ka vido tuana naugna nafnahi gna poloru fafara tuana thofno blahi fara, eghuteuna mala ghedi mae pris kolho jateula nafnahi gna fafara tuana mala ke doglo naikno na.

Levitikas 4:27

“Jame kaisei naikno huhughu ni nogu vetula iara na nu mana theome laseni te jafra na, glepo igne fathona ni mana ka tathagu iara na.

Levitikas 4:22

“Jame kaisei mae lida huhughuni kaisei nogu vetula iara, nu mana theome laseni ne jafra teuna, glepo igne fathona ni mana ka tathagu iara na.

Levitikas 10:17

“Fafara igne mala doglo naikno te gnafare ka tathagna Lord! Eghume naugna unha si ghotilo te theome ghamu thofno nafnahi blahi igne ka glalaba blahi gna Suga tapuale te Blahi gnea?

Levitikas 7:1

Lord ne cheke eghu, “Igne vetula eigna fafara te mala poloru na: Nafnahigna fafara igne blahi fara.

Levitikas 5:6

Eghuteuna te mala fadoglini glepo igne, mana atha kaisei sipu gaꞌasegna ba kaisei nanigot gaꞌasegna, mala fafara mei ka iara Lord, eghuteuna mae pris tangomana te fafara mala doglo mana ka tathagu iara na.

Levitikas 5:1

“Jame kaisei mae au ka fate mala cheke thakleni glepo teke filoni ba te lase fakelini, nu theome cheke thakleni teuna, mae igne ei nakhibo eghuteuna mana nabagna te papara na.

Levitikas 6:30

Nu jame mae pris biꞌo fafara mala doglo ka tathagu iara Lord, eghuteuna mana atha mei dadaragna na lamna ka Suga Tapuale te Blahi na, eghuteuna blahi kaisei naikno te ghamu nafnahigna fafara igne. Mare mala thofno gnubra fahui ka khaꞌaghi.”

Levitikas 7:6

Kaisei mae ka tharaknadi mae pris igre tangomana te ghamu nafnahigna na, nu mare mala ghamu lamna ka Suga Tapuale te Blahi na naugna fafara igne thono blahi fara.”

Naba 18:10

Eghume mae ka ghotilore kolho tangomana te mala imadi gobigna lepo te blahi tuare. Nu ghotilo ginau ima kolho ka vido blahi na.

Profet Esikiel 42:13

Mae igne neke cheke eghu ka iara, “Phei suga igre blahi, naugna vido aheva mae pris te mala mei te namo ka Lord te mala fafara, nei tangomana te ghamu vido gano teke fafara te thono blahi fara te maladi mae pris kolho. Jaola ka vido igne hatimare mae pris te lilisei unha teke hata teke mei naiknore, jateula ngau flaoa teke edi ka wit te thofno keli fara, nei fafara te mala doglo naiknore ka tathagna Lord, nei fafara mala poloru.

Profet Esikiel 44:29

Naiknore hata mei gano ka mae pris, igne jateula kaisei fafara eghu ka iara. Uve, flaoa ka famane wit te fafara te mala doglo ka tathagu iara na, nei fafara mala poloru teu igre ngala gano te mala nodi mare na. Eghuteuna gobigna lepo teke fablahi mare teke tusu mei ka iara Lord, igre jaola nodi mare.

Levitikas 2:10

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Levitikas 6:19

Lord ne cheke eghu ka mae Moses,

Levitikas 22:11

Nu jame kaisei pris foli kaisei naikno sneka, naikno sneka igne tangomana te ghamu gano blahi na. Jaola, thugna mae sneka teke karha mei ka sugagna pris tangomana te ghamu gano blahi na.

Diutronomi 18:1

Mae Moses ne cheke eghu, “Mae pris nei keha mae la ngau teu ka vikegna Livae igre ginauna theome khotogna kaisei vido ka glose ka keha vikemi ghotilo maemi Israel. Nu mare ginauna karha ka glepo blahi te hata te mei fafara ka Lord. Glepo blahi igre te nodi mare re.

Fapea Kings 12:17

Ka narane tuana, King Hasael gna Siria tei ne magra Gat ne hata namono biꞌo tuana. Ke leghugna igne, mana ghaoghatho mala mei snura Jerusalem.

Nehemaea 10:36

“Eghuteuna ghehati ginauna hata mei ka hatimare mae pris thumi nalhaꞌu teke kulu karha, nei buluka teke kulu karha, nei sipu teke kulu karha, nei nomi nanigot, mala fablahidi, leghuni unha te chekeni ka vetula na.