Naba 18:5 - Buka Blahi Ka Cheke Holo

⁵ “Iagho nei mae ka vikemu iaghore eghu kolho te mala loku ka chogho te blahi nei ka olta na, mala theome tangomana iara te diꞌatagu ka naiknodi Israel re.

Naba 18:5 ပူးပေါင်းရင်းမြစ်များ

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Naba 16:46

Eghuteuna Moses ne cheke eghu ka Eron, “Ei! Lord na la diꞌatagnahi! Kaisei fogra te diꞌa la falehedi naiknore! Iagho faghose tei hata nou dis ia, eghuteuna hata khaꞌaghi mala lilisei balu insens mala hata tei ka mare, mala fafara ka Lord mala hata fadelei mana nakhibodi re.”

Levitikas 24:3

Leuleghu bongi na, Eron fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo mala leghuni fabrahu vetula igne.

Ululahu Timoti 6:20

Ghema Timoti, iagho mala reireghi fakelidi gobigna lepo fateo teke lisei arihi God ka khamemu iagho igne. Figri lao thagrumu na ka nafnata cheke te diꞌa fara te theo nafudi nei ka nafnata cheke te chaichaghi te chekeni “Puhi glalase.” Cheke igne theome kaisei ka gaoghathogna khiloau na.

Ululahu Timoti 5:21

Iara cheke faheta ka iagho ke ulugna God nei Jisas Kraes nei hatimare mae engel te blahi, iagho mala famane leghudi cheke igre. Eghuteuna kate leghudi cheke igre, iagho thosei filo ka tatha me vahini kolho mae ihei te magnahagheni themu na.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Ululahu Timoti 1:18

Uve thuguo Timoti, cheke te edi iara igre leghudi kolho nodi cheke hatimare mae profet teke cheke eimu iagho tifa ia. Iagho famane leghudi farirhiu igre mala togho nigho nei magridi eghu puhi diꞌa fateo ka nauthoglu igne.

Profet Sekaraea 10:3

Lord ne cheke eghu, “Iara diꞌatagu fara ka mae mala baubatu igre naugna mare ne theome reireghidi nogu naikno iara gre, eghuteuna iara ginauna paradi mae mala baubatu igre. Naikno igre jateula nogu sipu eghu iara, eghuteuna iara thegu ginauna reireghidi mare. Iara Lord mae ihei te au nolaghi fateote'o igne ginauna toghodi mare mala nheta jateula hose mala magra eghu.

Profet Jeremaea 23:15

Eghume, Lord mae ihei te au nolaghi fateote'o igne mana ne cheke faparidi mae profet igre ne cheke eghu, “Iara ginauna tusu lao khori ka mae profet igre mala koꞌu mare kholo gna te diꞌa na mala fameomekro mare. Naugna mae profet igre ne batudi naikno heva heva ka kantri te gnafa igre ne au fakhaba ka iara.”

Ululahu Kronikols 24:5

Phei tharakna igre kafe au nodi mae pris nei mae biꞌo eghu ka Sugablahi na. Aonu mae Devet, mae Sadok nei mae Ahimelek, thilo mare ne lalahu khale mala laseni mae ihei nate hata nafnata gloku tuana. Tuana puhi te eni thilo mare te fofotadi mare ka puhi te doglo.

Ululahu Kronikols 9:33

Keha mae lida ka vikegna mae Livaet, mae igre mala baubatu fei khoje ka Sugablahi, mare au ka choghogna Sugablahi igne. Mae igre theome mala edi keha nafnata gloku, naugna bongi narane na mare mala kaikaliti mala koje.

Ululahu Kronikols 9:23

Eghume iheire te karha mei ka vikedi mae igre na, mare reireghini fabrahu grengatha te mala tei ka nogna Sugablahi Lord na.

Ululahu Kronikols 9:19

Aonu mae Salum nei hatimare nei mae kheragnare eghu ne neke reireghi ni grengatha ke ulugna Sugablahi na. Mae Salum gne thugna mae Kore. Mae Kore gna thugna mae Ebiasaf ka vikegna mae Kora. Tifa te mei na, kuꞌedi mae igre neke reireghi ke ulugna nogna Suga Tapuale te Blahi Lord.

Naba 8:19

Eghuteuna iara ginauna falaodi mare ka mae pris Eron phei thugna mana re mala toghodi thilomare. Mare kolho te tangomana loku ka Suga Thapuale te blahi igne malami ghotilo na. Ka puhi te tughu ghami ghotilo gnafa igne, ghotilo ginauna theome thoke ghami hoholo. Nu jame kaisei naikno ka keha vikei te mei namo rhegna suga thapuale igne mana ginauna lehe.”

Naba 8:2

“Cheke ka mae pris Eron, kate nhaꞌa haghe mana fitu juta ikodi igre, juta igre ginauna mala phae mei ke ulu.

Levitikas 10:6

Mae Moses ne cheke eghu ka mae Eron baludi phei thugna mana igre, mae Eleasa ghe mae Itama, “Ghotilo thosei fakakhana te diꞌanagnafa ghotilo ka glehedi phia mae igre, eigna ghotilo mala thosei pore, ba rerheku nomi pohere. Jame te eghu ghotilo na, Lord ginauna diꞌatagna na falehe ghami ghotilo. Nu kherami te gnafa ghotilo Israel igre tangomana te tanhidi phia mae te lehe ka khaꞌaghi teke kuru mei Lord igne.

Naba 1:53

Nu vikegna mae Livae gne te mala au faligohoni Suga Thapuale te Blahi igne, mala fiofiloni nei reireghini eghu, mala theome tangomana kaisei naikno te mei goigonini na. Ka puhi igne, iara ginauna theome diꞌatagu ka naiknodi Israel.”

Naba 18:4

Mare ginauna loku balumi ghotilo mala reireghigna Suga Thapuale te blahi igne, mala edi mare nodi gloku re tagna, mala theome tangomana keha maei te mei namo tagna na.

Profet Esikiel 44:16

Mae igre kolho tangomana te mei ruma ka nogu Sugablahi iara na, eghuteuna mae igre kolho tangomana te loku ka nogu olta iara na, eghuteuna batudi naiknore mala tarai ka iara.

Naba 1:50

Nodi gloku vikegna mae Livae gre mala reireghini Suga Tapuale te Blahi igne baludi gobigna lepo te au ke lamnagna. Leuleghu fata na mare mala lisei haghe nodi suga tapuale re faligohoni Suga Tapuale te Blahi na, eghuteuna ghotilo ginauna na pala balumi Suga Thapuale te Blahi igne kate tei ghotilo ka keha vido re. Eghuteuna mae ihei nga ke kosigna vikegna mae Livae ne mei ke lamnagna vido te blahi igne, ghotilo ginauna faleleheni mae tuana.

Naba 4:18

“Kate mei tharaknagna mae Kohat gre mala pala gobi lepo te blahi igre teuna, ghopa ginauna fiofilo fakeli na eghu nu dofi tharaknagna mae Kohat gre ka vikegna mae Livae gre. Ghopa ginauna edi gobi lepo igre ka puhi te keli mala theome lehe mare kate mei namo ka glepo te blahi igre. Mae Eron baludi phei thugna re kolho mala mei lamna te mala tufa gloku ka mare na. Eghuteuna facheke thilomare glepo mala pala re eghu, naugna jame te mei maedi Kohat ke lamnagna Suga Thapuale te blahi igne nei filodi teu glepo blahi igre na, mare ginauna lehe.”

Ululahu Kronikols 23:24

Igre nanghadi mae biꞌodi teke tharaknagna nei vikegna teku mae Livae re. Nogna mae gloku king igre neke rioriso soru ka buka nanghadi re, eghuteuna kahadi mae iheire te funu ka varadaki finogha te haghe igre mala loku ka nogna Sugablahi Lord.

Ululahu Kronikols 23:32

Ulu lahu na, nodi gloku mae Livaet gre mala fiofiloni nogna Suga Tapuale te Blahi Lord, eghuteuna ke leghu na mare mala loku ka nogna Sugablahi Lord nei mala toghodi mae pris ka tharaknagna mae Eron.

Profet Esikiel 44:15

Lord God ne cheke eghu, “Neuba naiknodi Israel igre ne tei koko ghau iara, hatimare mae Livaet teke karha mei ke leghu ka vikegna Sadok igre faꞌuve ghau iara te mala loku ka nogu Sugablahi iara na. Mare loku ranghi ghau iara jateula pris eghu. Mare mala mei namo ka iara mala hata mei fafara ka nogu Sugablahi iara na. Mare mala hata mei garofadi nei dadaradi eghu buluka mala fafara mei ka iara. Tutuani, iara Lord God neke chekeni igne.