Naba 18:24 - Buka Blahi Ka Cheke Holo

²⁴ Naugna fabothodi unha te atha te mei naiknodi Israel te tusu mei jateula fafara teu ka iara Lord, iara la tusu laohi ka vikegna Livae mala khotogna mare. Eigna iara la chekenihi te vikegna Livae igne theome tangomana te khotogna kaisei vido glose ka nomi glose ghotilo naiknomi Israel.”

Naba 18:24 ပူးပေါင်းရင်းမြစ်များ

Naba 18:26

“Iagho tei cheke eghu ka vikegna Livae, ‘Kate hata ghotilo fabotho igne ka naiknodi Israel, ghotilo mala jaola mala fafara mei fabotho di glepo igre mala kilo fnakno ghau iara.

Naba 18:25

Lord jaola ne cheke eghu ka Moses,

Naba 26:62

Eghume khaputudi mae nalhaꞌu ka vikegna mae Livae te funu kaisei nhigra te haghe re, ne thokeni varadaki thilo thogha. Nu mare neke theome kaha fodu vikegna mae Livae gre baludi keha vike are, naugna God theome tufa lao kaisei vido glose ka mare jateula te tufa mana ka keha vike are eghu.

Diutronomi 10:9

Naugna igne mae Livaet gre theo thufadi ka glepo ba vido glose jateula keha vikedi Israel te au thufadi ba au nodi vido glose teu igre eghu. Naugna Lord nomi God ghotilo igne mana la chekehi ka mare te mana tangomana te tusu lao gobigna lepo te nabadi mare te mala karha tagna na.)

Diutronomi 26:12

“Leuleghu thilo finogha, ghotilo eni fabothodi gano te hata ghotilo ka nagare are. Eghuteuna ka finogha tuana ghotilo tusu lao fabothodi gano igre ka mae Livaet, nei ka mae phosa te au balumi ghotilo, nei goro sua glehe kokoi, nei goro naikno biꞌo tela lehehi khetodi ra. Ghotilo eni igne, mala tangomana naikno te kuma igre te au ghedi naba gano ka namonomi ghotilo are.

Levitikas 27:30

“Eghuteuna ka gano te gnafa teke hata ka nomi nagare ghotilo re, ba ka nomi gaju ghotilo re, ghotilo mala tusu mei kaisei ka fabothodi glepo te gnafa tuare ka iara. Kaisei ka fabotho igne blahi nei nogu iara Lord.

Josua 13:14

Lord neke chekehi ka mae Moses te vikegna mae Livae igre ginauna theo nodi glose, nu mare ginauna au ghedi gano ka unha keha vike are te hata te mei te mala taraidi nei fafara eghu ka Lord.

Nehemaea 10:38

Kate tei mae Livaet igre te mala salo fabothodi igre, kaisei mae pris ka tharaknagna mae Eron igre ginauna tei baludi mare. Eghuteuna mae Livaet igre ginauna jaola tei hata mei kaisei vido ka fabothodi nodi glepo re, eghuteuna mare hata glepo igre tei lilisei ka choghogna nogna Sugablahi God na, ka vido aheva te lilisei mare keha glepo blahi te mala loku ka Sugablahi na.

Nehemaea 13:12

Aonu naikno te gnafa Juda igre hata neke mei fabothodi wit nei waen majaghani, nei oliv oel teu igre neke lilisei ka chogho te mala liliseidi glepo igre ka nogna Sugablahi God na.