Naba 18:23 - Buka Blahi Ka Cheke Holo

²³ Vikegna Livae kolho te mala reireghini Suga Tapuale te Blahi na. Eghuteuna jame kaisei mae theome leghuni vetula gna Suga Tapuale te blahi na, vikegna Livae igne naba te papara na. Mare mala leghuni fabrahu vetula igne. Vikegna Livae igre ginauna theome khotogna kaisei vido glose.

Naba 18:23 ပူးပေါင်းရင်းမြစ်များ

Naba 3:7

Mare mala toghodi mae pris are mala loku ka Suga Tapuale te blahi na. Ka puhi igne mare ginauna mala loku ranghidi naikno te gnafa Israel.

Naba 18:20

Lord ne cheke eghu ka mae Eron, “Iagho nei mae ka vikemu iagho teure, ginauna theome tangomana te khotodi kaisei vido glose kate tufa iara ka naikno te gnafa Israel re, naugna gobigna lepo te magnahagheidi ghotilore mei funudi ka iara.”

Naba 18:1

Lord ne cheke eghu ka mae pris Eron, “Jame kaisei glepo diꞌa thokedi glepo blahi igre ba Sugablahi igne na, iagho baludi thumure nei ihei ka vikegna mae Kohat teure, ghotilo tangomana au papara eigna igne. Nu iagho nei mae thumure eghu kolho mala mae pris na, eghuteuna jame te loku fadiꞌa ghotilo eigna nodi gloku mae pris na, ghotilo kolho ginau jaola au papara eigna igne.

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Naba 26:62

Eghume khaputudi mae nalhaꞌu ka vikegna mae Livae te funu kaisei nhigra te haghe re, ne thokeni varadaki thilo thogha. Nu mare neke theome kaha fodu vikegna mae Livae gre baludi keha vike are, naugna God theome tufa lao kaisei vido glose ka mare jateula te tufa mana ka keha vike are eghu.

Profet Esikiel 44:10

Lord God ne cheke eghu ka iara, “Vikegna Livae te tei koko ghau iara te tei loku fodu ka keha vikedi Israel te tarai ka mumuju igre, iara ginauna thofno paradi fara eidi glepo te diꞌa te edi mare are.

Naba 19:21

Igne vetula te mala leghuni ghotilo tifa tifa. “Mae ihei te mala fuafusa khoꞌu blahi te mala klino naikno ra, mana jaola mala wasi nogna pohe re. Eghuteuna ihei te habo ka khoꞌu blahi igne na, mana mala theome klino ka tathagu iara na ghilei rafi.

Naba 35:29

“Vetula igre malami ghotilo gnafa ka namono te gnafa ghotilo are. Eghuteuna leuleghu fata na ghotilo mala leghudi fabrahu u vetula igre.

Diutronomi 10:9

Naugna igne mae Livaet gre theo thufadi ka glepo ba vido glose jateula keha vikedi Israel te au thufadi ba au nodi vido glose teu igre eghu. Naugna Lord nomi God ghotilo igne mana la chekehi ka mare te mana tangomana te tusu lao gobigna lepo te nabadi mare te mala karha tagna na.)

Josua 13:14

Lord neke chekehi ka mae Moses te vikegna mae Livae igre ginauna theo nodi glose, nu mare ginauna au ghedi gano ka unha keha vike are te hata te mei te mala taraidi nei fafara eghu ka Lord.