Naba 18:19 - Buka Blahi Ka Cheke Holo

¹⁹ Eghuteuna leuleghu fata na, unha glepo teke nhaꞌa fadelei ka fafara te blahi teke tufa mei naikno ka iara Lord na, gobi lepo tuare, iara na tufa ari ka iagho baludi naikno te gnafa ka vikemu iagho are. Igne ngala kaisei nhaꞌa cheke te eni iara balumu iagho nei ka vikemu iagho re. Igne ngala kaisei nhaꞌa cheke balumu iagho nei vikemu iagho te theome tangomana iara huhughuni na.”

Naba 18:19 ပူးပေါင်းရင်းမြစ်များ

Fapea Kronikols 13:5

Lord noda God tahati maeda Israel, mana neke eni kaisei nhaꞌa cheke balugna King Devet nei vikegna te mala theome tangomana kaisei naikno te lopini. Te chekeni ka nhaꞌa cheke igne na, Devet nei thugna mana re eghu te au nodi nolaghi te mala king fruni Israel fabrahu na. Ba, ghotilo theome laseni igne?

Naba 18:11

“Keha nafnata fafara te ginau tufa mei naikno gre ka iara na, tuare jaola nou iagho. Iara ginauna tufa ari glepo tuare ka iagho baludi thumu nalhaꞌu nei thumu gaꞌase teu iaghore. Eghuteuna iheire te klino ka tathagu iara te au ka sugamu iagho are kolho te tangomana ima na.

Levitikas 2:13

Flaoa te edi ka famane wit te atha te mei ghotilo ka iara igne, ghotilo lilisei tahi tagna, naugna tahi igne fagaglana gna nhaꞌa cheke teke eni iara balumi ghotilo ia. Ghotilo mala lilisei tahi ka gano te atha te mei ghotilo ka iara re.

Fapea Kronikols 31:4

King Hesekaea ne cheke ka iheire te au Jerusalem mala hata mei glepo thufa maladi mae pris nei mae Livaet, mala loku kolho mare ka unha te chekeni ka nogna vetula Lord na.

Diutronomi 12:6

ghotilo nate hata te mei unha te mala fafara na. Fafara te thofno krono nei keha nafnata fafara la ngau, nei kaisei nomi fabotho re, nei nafnata fafara te nheta eigna nhaꞌa cheke, nei keha nafnata fafara te edi ghotilo leghuni unha te magnahagheni ghotilo, nei nomi sua buluka te karha ulu.

Naba 31:41

Aonu mae Moses ne tusu lao ka mae pris Eleasa nogna takis Lord re, jateula teke chekeni Lord ka mae Moses na.

Naba 31:29

Ghotilo ginauna tusu lao ka mae pris Eleasa mala fafara mei ka iara.

Naba 18:8

Aonu Lord neke cheke eghui ngala ka mae Eron, “Uve, fafara te blahi te funu ka naiknodi Israel te theome raꞌe gahu te knoro igre, iara ginauna tufa ari fafara igre ka iagho nei thumu iaghore eghu. Eghuteuna glepo tuare ginauna nomi ghotilo fabrahu.

Levitikas 7:14

Mana tusu mei kaisei vido ka fati nafnata bret te gnafa igre mala famei ka iara Lord. Thufa igre malagna pris mae ihei teke atha dadaradi glepo tautagu mala fafara eghuteuna totofa ka geri olta na.

Diutronomi 12:26

“Hata tei glepo teke fablahi ghotilo igre nei glepo teke nhaꞌa chekehi ghotilo mala tusu ranghini Lord tekura, ghotilo hata tei ka vido blahi aheva teke vahini Lord nomi God.

Fapea Kings 12:16

Nu sileni te fafara kate poloru, nei sileni te fafara te mala doglo ka tathagna Lord na teu igre theome mala lilisei ka bokis, naugna mala nodi mae pris kolho.

Profet Esikiel 43:24

Iagho mala hata mei jateula fafara eghu ka iara Lord, eghuteuna hatimare mae pris mala toatofa tahi ka thinidi re, eghuteuna mare mala falelehe eghuteuna gahu jateula fafara te thono krono fara ra eghu malagu iara Lord.

Eksodas 29:27

“Iagho lisei fadelei phei vido ka sipu nalhaꞌugna igne mala taofini mae Eron baludi thugna re. Igne baludi phei babango gna nei grege ghahe nhetagna eghu sipu igne mala pala mei haghe ke ulugu iara.

Levitikas 21:22

Nu mana tangomana te ghamu vidodi fafara te mala ghedi mae pris, neuba vido gna fafara igne ne blahi, ba thono blahi fara.