Naba 18:13 - Buka Blahi Ka Cheke Holo

¹³ Eghuteuna gano saro ulu teke atha naikno ka nagare te fafara mei ka iara Lord igre, gobigna lepo tuare nomi ghotilo. Eghuteuna iheire naikno te gnafa te klino ka tathagu iara te au ka sugamu iagho are ngala te tangomana imadire.

Naba 18:13 ပူးပေါင်းရင်းမြစ်များ

Eksodas 22:29

“Ghotilo thosei thodo te atha wit nei oliv oel nei waen mala fafara ka iara. Thumi nalhaꞌu teke kulu karha ka ghotilo are, nei

Profet Maeka 7:1

Iara kokhoni ghau fara! Iara diꞌa nagnafagu fara! Iara jateula mae te rofo fara te tei tafri mala hiro sisi mala ghamu teura eghu kolho. Nu theo kaisei sisi te au ka gaju fig nei gaju grep. Mare la atha fateohi sisi te gnafa re.

Profet Hosia 9:10

Lord ne cheke eghu ka naiknodi Israel, “Iara neke vahidi kuꞌemi ghotilo tifa ra mala nogu naikno iara. Ka narane tuare mare neke jateula fig te fuꞌa ulu te muita ra neku. Nu kate tei te posa mare ka thogele Pio igne, mare neke funu tarai neke pogho soru ka mumuju Baal. Kate magnahagheni mare mumuju Baal te diꞌa igne, mare ne jateula mumuju neu ne diꞌa fara.

Profet Jeremaea 24:2

Kaisei kharaꞌo fodu ka sisi fig te keli, nu keha na fodu ka sisi fig te diꞌa te theome naba kaisei naikno te ghamu na.

Eksodas 23:19

“Ghotilo atha mei ka nogna Grorofe Blahi nomi Lord nei God na gano majaghani te thofno keli fara te salaꞌui ka nomi nagare na are. “Ghotilo thosei kuki sua nanigot na ka kholo chuꞌugna idogna na.”

Eksodas 34:26

“Leuleghu finogha, ghotilo ginau atha mei famane gano saro ulu ka nagare ghotilo ra ka nogu suga iara Lord, nomi God ghotilo, mala fafara ka iara. “Eghuteuna jame ghotilo kuki kaisei sipu majaghani ba nanigot, ghotilo ginauna thosei kuki sua nanigot ka kholo chuꞌugna idogna gna.”

Diutronomi 26:2

ghotilo mala hata gano saro ulu ka nagare ghotilo are. Ghotilo mala lilisei gano igre ka kaisei kharaꞌo. Aonu ghotilo mala hata tei ka vido blahi teke vahini Lord aheva te mala au nanghagna mana na.

Profet Esikiel 44:30

Gano saro ulu te hata ghotilo ka nomi nagare are, eghuteuna gano hata te mei ghotilo are eghu maladi mae pris. Leuleghu fata na, ghotilo mala jaola tufa bret teke edi ghotilo ka flaoa saro ulura nodi mae pris, eghuteuna iara ginauna fablahidi tharaknami ghotilo are.

Levitikas 23:17

Ghotilo te gnafa funu aheva te au ghotilo, hata mei phei bret, mala pala mei pris ke ulugu iara jateula kaisei fafara eghu ka iara. Phei bret igre, ghotilo mala edi ka fati kilo flaoa, eghuteuna keha isi. Igne nogu fafara iara funudi ka gano saro ulu ka nagare ghotilo ra.

Diutronomi 18:4

Eghuteuna ghotilo jaola tufa ka mare keha glepoi eghu ka vikegna mae Livae. Glepo ululahu ka gano nei grep nei oel teke hata ghotilo ka nomi nagare are, nei vido ululahu ka khakla sipu teke kuchi ghotilo are.

Fapea Kings 4:42

Kaisei fata ke leghudi igre, kaisei mae jifla ka namono Baal-Salisa hata ne mei varadaki bret balu keha bali. Bret igne eni ka bali te saro ulu ka nagare are. Mana hata ne tei gano igre ka mae Elisa. Aonu profet Elisa ne cheke eghu ka nogna mae gloku na, “Hata tei gano igre ka hatimare mae profet ra mala ghamu mare.”

Fapea Kronikols 31:5

Kate chekeni king igne, naiknore ne kelitadi fara te hata te mei gano saro ulu ka nagare nei oel majaghani, nei oliv oel, nei jujurukuli, nei keha gano ka nagare. Mare hata mei fabothodi nodi glepore.