Naba 17:5 - Buka Blahi Ka Cheke Holo

⁵ Eghuteuna mae ihei te vahini iara mala edi nogu gloku iara na, nogna khodo mana na ginauna kotu. Ka puhi igne, iara ginauna au baludi naiknore mala theome khuru cheke fabrahu mare.”

Naba 17:5 ပူးပေါင်းရင်းမြစ်များ

Naba 16:5

Kate gnafa tarai na, mana ne cheke eghu ka mae Kora baludi keha mae kheragnare, “Hamerane nathui Lord ginauna fakakhana ka tahati mae ihei teke vahini mana mala nogna pris, eghuteuna mae tuana kolho mala loku ka nogna olta te blahi mana na.

Profet Hosia 14:5

Iara ginauna nake toghodi mala ke au fakeli mare jateula nakhete te soru ke kligna glose teke keli fapulo glose te moja na ia eghu. Mare ginauna na jateula famane sisi eghu. Uve, mare ginauna na kegra haghe jateula gaju sida gna Lebanon te soru pari lamna glose glathigna ia eghu.

Profet Esikiel 16:41

Mare ginauna gnubra nou suga iagho re, eghuteuna iara ginauna para nigho iagho ke uludi tathadi keha gaꞌase te loku fodu mei. Iara ginauna lhoti nigho iagho mala thosei ke eni puhi vine na, eghuteuna iagho thosei ke folidi mae nalhaꞌu te thuru balumu re.

Naba 17:8

Ka keha narane na, kate mei mae Moses ka Suga Thapuale te blahi na, mana ne filodi nodi khodo vikegna mae Livae te au nanghagna mae pris Eron tagna na ne kotu. Khodo igne ne au khaklagna nei sisigna neu, nei jaola au keha ganogna gaju amon tela muitahi!

Naba 16:11

Iagho baludi keha kheramu teu are, ne cheke faparini hila mae pris Eron eghu si ghotilo gaoghathomi na ia. Theo fara! Tutuani, ghotilo cheke faparini kolho Lord!”

Profet Esikiel 23:27

Iara ginauna theome ke snakredi teke edi iagho puhi te diꞌa fateote'o, nei nakarha vine eghu teke fufunu iagho Ijep te ghilei mei thoke ka narane gognarogne. Eghuteuna iagho ginauna thosei ke ghathodi glepo igre ba magnahaghei teke ngolho leghudi maedi Ijep.

Profet Isaia 27:6

Ka narane igne nate mei, Israel ginauna kotu jateula kaisei gaju te soru glathigna na ke lamna glose te keli, eghuteuna karha keligna me fufunu ure teura eghu. Eghuteuna nauthoglu igne ginauna fodu ka sisigna re.

Profet Isaia 13:11

Lord ne cheke eghu, “Iara ginauna parani nauthoglu igne naugna la thono diꞌa fara gognarona. Eghuteuna iara ginauna paradi naikno te diꞌa igre naugna mare ne tapla jafra fabrahu ka nakhibo. Iara ginauna nhaꞌa faparidi naikno te fahaehaghe are, eghuteuna iara ginauna goigoni fahui nodi puhi fahaehaghe mare te fakokhoanadi keha naiknore.

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Profet Isaia 5:24

Naugna igne, Lord ginauna thono para ghami ghotilo, jateula khaꞌaghi te ghamu buburu te brango ra eghu. Uve, Lord ginauna goigoni ghami ghotilo jateula gaju te boto glathigna na, eghuteuna chechenge gna na brango eghuteuna pala me tei nuri delei teura eghu. Mana eni igne, naugna ghotilo ne tiromi fanomho ka nogna farirhiu noda God tahati maeda Israel mae ihei te au nolaghi fateote'o igne.

Naba 17:10

Lord ne cheke eghu ka mae Moses, “Iagho ginauna ke lisei fapulo nogna khodo mae pris Eron na ke ulugna bokis blahi igne. Iagho ginauna tathaji jare mala filo glanidi iheire naikno te khuru cheke fara ka iara igre. Eghuteuna khodo igne ginauna na lilisei au kolho, jame te theome ke hui mare te khuru cheke ka iara na, mare ginauna orio lehe.”

Ululahu Korin 10:10

Eghuteuna tahati mala thosei buiburini nogna gloku God ka nakarhadare jateula mare eghu, eigna engel gna glehe na neke falehedi mare.

Eksodas 16:7

Hamerane nathuꞌu na ghotilo ginau na filoni nogna nolaghi nei siasigla teu Lord na, naugna Mana la nomhidihi te diꞌatami nei nguru ngau teu ghotilo ka Mana ra. Ghepa naikno kolho jateula ghotilo eghu, eghume ghotilo theome diꞌatami ka ghepa, nu ghotilo diꞌatami ka Lord.”

Naba 11:1

Aonu naiknore ne funu cheke faparini Lord, naugna mare ne au mei fara kmana puhi tadi. Kate nomhini igne, Lord ne thofno diꞌatagna fara, ne fasoru khaꞌaghi na ka mare, eghuteuna keha naikno ka mare ne lehe, eghuteuna keha vido, nei suga teu te au mare re ne nhako ka khaꞌaghi biꞌo na.

Naba 17:6

Aonu mae Moses ne cheke ka naiknore, eghuteuna nabotho phei mae lidadi nabotho phei vikegna Israel gre ne atha ne mei nodi khodo re ka mana. Mana atha khodo igre nei jaola nogna khodo mae pris Eron na baludi.

Nodi Khoje Hatimare Mae Jiu 105:26

Aonu Lord ne kurudi mae Moses ghe mae Eron, phia mae teke vavahi mana re mala tei Ijep.

Josua 4:7

Tahati ginauna cheke eghu ranghidi, ‘Igne tuthuana eigna narane teke pala mae pris nogna Bokis Blahi Nhaꞌa Cheke Lord na teke kasa ka Khoꞌu biꞌo Jordan igne, eghuteuna khoꞌu biꞌo igne neke krango. Thina igre ginauna au fabrahu ka vido igne, eghuteuna iheire nate karha mei ke leghuda tahati re ginauna ghathoni fabrahu unha teke eni ka tahati ka vido igne.’ ”

Fapea Kronikols 26:16

Nu kate haghe te rheta fara mana te fnakno nanghagna na, mana ne funu fahaehaghe fara ne ghilei groꞌe mana. Mana tapla jafra ka nakhibo ranghini Lord nogna God na kate tei ruma mana lamna ka nogna Sugablahi Lord na ne gahu insens ka Olta mala Gahu Insens.

Esra 2:62

Aonu mae pris igre ne filo ka buka susurei na mala laseni mae igre thofno au ka tharakna igne, nu mare ne theome filoni. Eghume mae biꞌodi mae pris gre theome snakredi mare te eni nogna gloku pris na.