Naba 17:11 - Buka Blahi Ka Cheke Holo

¹¹ Aonu mae Moses ne edi jateula teke chekedi Lord re neu.

Naba 17:11 ပူးပေါင်းရင်းမြစ်များ

Naba 17:10

Lord ne cheke eghu ka mae Moses, “Iagho ginauna ke lisei fapulo nogna khodo mae pris Eron na ke ulugna bokis blahi igne. Iagho ginauna tathaji jare mala filo glanidi iheire naikno te khuru cheke fara ka iara igre. Eghuteuna khodo igne ginauna na lilisei au kolho, jame te theome ke hui mare te khuru cheke ka iara na, mare ginauna orio lehe.”

Naba 17:12

Aonu naiknore ne eha eghu ka mae Moses, “Tore! Ghehati ginauna thofno kafe lehe gnafa!

Levitikas 16:15

“Eghuteuna ke leghu na, mana mala aknu falehe nanigot gna fafara te mala ke doglo ghotilo ka tathagu iara na. Eghuteuna mana mala hata mei dadara gna na lamna ka Chogho te Thofno Blahi fara na, eghuteuna mana mala fuafusa lao katha ka thotoku gna Bokis Blahi na nei ka glose ke ulugna Bokis Blahi na, jateula teke eni ka dadara gna buluka ia eghu.

Levitikas 16:16

Eghume ka puhi igne, pris biꞌo tangomana te eni igne ka Chogho te Thofno Blahi fara na nei ka Suga Tapuale te Blahi na mala klino ka tathagu iara na. Eron mala jateula igne eghu ka nakhibodi naiknodi Israel naugna mare theome klino ka tathagu iara na.

Naba 11:33

Kate ima ghedi nafnahi teu keha naiknore, Lord ne diꞌatagna fara ka mare ne famei kaisei khabru te diꞌa fara ne lehe kmana naikno ka mare.

Fapea Kronikols 19:10

Eghuteuna kate mei kherada ka keha namono Juda igre mala fadoglidi ghotilo puhi biꞌo te au tadire teuna, ghotilo cheke ranghidi mala leghuni mare puhi te doglo na, mala theome eni mare kaisei nakhibo ranghini Lord. Neubane puhi biꞌo ka puhi te falehe naikno, ba fapholai ka thua nafnata vetula ba chekegna Lord, ghotilo mala cheke ranghidi. Jame te theome kulu cheke faheta ranghidi ghotilo na, Lord ginauna diꞌatagna ka ghotilo nei ka kherada tahati ra eghu. Nu jame te kulu cheke faheta ranghidi ghotilo na, ghotilo ginauna theo kaisei puhi biꞌo nate thoke ghami ghotilo na.