Naba 16:5 - Buka Blahi Ka Cheke Holo

⁵ Kate gnafa tarai na, mana ne cheke eghu ka mae Kora baludi keha mae kheragnare, “Hamerane nathui Lord ginauna fakakhana ka tahati mae ihei teke vahini mana mala nogna pris, eghuteuna mae tuana kolho mala loku ka nogna olta te blahi mana na.

Naba 16:5 ပူးပေါင်းရင်းမြစ်များ

Nodi Khoje Hatimare Mae Jiu 65:4

Iheire teke vahidi iagho te ari au ka sugamu na igre thofno keli fara. Mare keli tadi fara kate filodi glepo te keli te au teu ka sugamu iagho na igre, eghume ghehati kelitami fara te ari jare na naugna ghehati magnahaghei te pogho soru nigho nei cheke fakelini eghu nanghamu iagho na.

Naba 17:5

Eghuteuna mae ihei te vahini iara mala edi nogu gloku iara na, nogna khodo mana na ginauna kotu. Ka puhi igne, iara ginauna au baludi naiknore mala theome khuru cheke fabrahu mare.”

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Naba 16:3

Mare mei ka mae Moses ghe mae pris Eron ne cheke eghu, “Tore! Ghotilo raꞌe la salaꞌui fara! Unha site nhaꞌa fahaghe ghami themi ghopa ke klignami ghehati gnafa gnea? Naikno te gnafa igre naikno blahi, eghuteuna Lord na au balumi ghehati la!”

Thakle 1:6

Mana eꞌei ghita mala pris te mala toghodi nogna naiknore nei mala pogho soruni God Kmagna noda King. Tahati ginauna pala hagheni nanghagna na kligna, eghuteuna kilo fnaknoni fabrahu nogna nolaghi biꞌo na tifa tifa. Amen.

Mae Khuru 22:14

“Mae Ananias ne cheke eghu ka iara, ‘Nodi God mae ku'edara neke kulu vahi nighohi tifa, mala laseni iagho unha te magnahagheni mana na, nei mala filoni iagho mae te kiloni “Mae gloku te doglo fara” nei mala nomhidi iagho nogna cheke te cheke mei ka iagho ra.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Mae Khuru 1:24

Aonu ke leghugna igne, mare ne kafe tarai ne cheke eghu, “Lord, iagho kafe lasedi nagnafadi naikno te gnafare. Lord, vavahi ranghi ghami mae ihei ka phia mae igre

Mae Khuru 1:2

te ghilei posa kau narane God teke hata hagheni mana kligna. Ame haghe nga kligna teku na, mae Jisas neke kulu cheke ka nogna nolaghi mae Tharunga te Blahi unha te magnahaghei te mala eni nogna mae khuru teke vavahidi mana re.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Profet Esikiel 40:46

Eghuteuna chogho te figri tei ke raru igne, maladi mae pris mae iheire te mala fiofilodi gloku ka olta. Phei tothoghei mae pris igre kafe ka vikegna mae Sadok, mae pris biꞌogna tifa. Mae igre ka vikegna mae Livae kolho, mare au nodi nolaghi te mala mei namo ka Lord te edi nogna gloku mana re.”

Nodi Khoje Hatimare Mae Jiu 105:26

Aonu Lord ne kurudi mae Moses ghe mae Eron, phia mae teke vavahi mana re mala tei Ijep.

Ululahu Samuel 2:28

Ka vikedi mae Israel ra, iara neke vahi ghami ghotilo ka tharaknagna mae Eron mala nogu pris iara. Iara neke vahi ghami ghotilo mala loku ka olta, mala gahu insens, nei mala fahaghe phoko blahi efod. Eghuteuna iara tusu ari nolaghi ka tharaknagna mae Eron mala hata vido ka fafara blahi te gahu naiknodi Israel ke kligna olta.

Eksodas 28:1

Lord neke cheke eghui ka Moses, “Iagho ginauna mala kiloni thabusimu iagho Eron nei mae thugna mana ra, mae Nadab, Abihu, Eleasa nei mae Itama, iara vahidi mare ka naiknodi Israel mala taofi pris mala loku ranghi ghau iara.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Efesus 2:13

Uve, tifa na ghotilo neke au fakhaba ka God. Nu gognaro na ghotilo kaisei balugna mae Jisas Kraes. God hata ghami ghotilo mala mei namo ka mana, naugna dadaragna Kraes teke thofa ka glehegna jateula kaisei fafara.

Mae Khuru 15:7

Ke leghudi cheke te brahu eigna puhi igne, mae Pita kegra haghe ne cheke eghu, “Uve kheraguro, ghotilo lasenihi ka narane tela sala'u ra. God neke vahi ghau iara farihoteimi ghotilo mala toutonuni u Nonomho te Keli gne ranghidi naikno te theome Jiu gre mala fatutuani.

Levitikas 8:2

“Atha mei Eron baludi thugna ra ka grengathagna Suga Tapuale te Blahi. Atha mei nodi pohe blahi mae pris ra, nei oel blahi, nei buluka nalhaꞌugna ia mala fafara mala doglo mare ka tathagu iara na, nei phei sipu nalhaꞌudi nei kharaꞌo te au thilo nafnata bret te theo isi tadi. Eghuteuna iagho kafe kilo meidi ka vido tuana.”

Eksodas 28:43

Eron baludi thugnare mala fahaghe trasis igre kate mei mare lamna ka Suga Tapuale te Blahi na mala thafoni God, ka narane te mei loku mare ka olta ke lamnagna Chogho Blahi na. Mare mala eni igne, glahu lehe mare. “Eron baludi thugna re, nei iheire nate karha mei ke leghu re, mala leghuni fabrahu vetula igne.”

Naba 16:6

Uve, Kora, igne unha te mala eni iagho baludi kheramu are gognaro na: Hamerane nathui na, ghotilo ginauna atha nomi dis re, eghuteuna nhaꞌa lao khaꞌaghi nei insens eghuteuna atha tei ke ulugna Lord. Eghuteuna tahati ginauna filodi mae ihei ka tahati teke vahidi Lord re. Ghotilo mae vikegna Livae gre, pukuni salaꞌu fara!”

Naba 17:8

Ka keha narane na, kate mei mae Moses ka Suga Thapuale te blahi na, mana ne filodi nodi khodo vikegna mae Livae te au nanghagna mae pris Eron tagna na ne kotu. Khodo igne ne au khaklagna nei sisigna neu, nei jaola au keha ganogna gaju amon tela muitahi!

Profet Jeremaea 30:21

Kaisei mae ka mare thedi nate king te mala funei frunidi mare na. Iara ginauna atha meini mae igne mala mei namo ka iara. Naugna mare theome tangomana te mei thedi te namo ka iara na.

Profet Jeremaea 49:19

“Naoka na ginauna mei jateula lion te jifla mei rhegna Khoꞌu biꞌo Jordan te mei ka vido te au sipu tagna ra eghu na megei nga mei. Eghuteuna naiknodi Idom ginauna rikha kokoni nodi kantri na. Aonu iara ginauna vavahi kaisei mae te magnahagheni iara na mala funei fruni ka kantri igne. Theo kaisei mae jateula iara teuna! Ihei gne tangomana nate tapla fapari ghau iara na? Thono theo fara. Eigna theo kaisei mae te funei fruni te au nogna nolaghi te mala tapla fapari ghau iara na.”

Profet Jeremaea 50:44

Naoka igne ginauna mei jateula lion te jifla mei rhegna Khoꞌu biꞌo Jordan, eghuteuna tei ka vido aheva te au sipu ra eghu. Iara ginauna na jateula tuana eghu megei nga mei, eghuteuna maedi Babilonia igre ginauna rikha kokoni nodi namono na. Aonu iara ginauna vavahi kaisei mae ihei te magnahagheni iara te mala funei frunini namono igne. Naugna theo kaisei mae jateula iara teu te nabagna te mala funei fruni na. Nei jaola theo kaisei mae te au nogna nolaghi te mala kegra mei ke ulugu iara na!”

Profet Esikiel 43:19

Iagho hata mei kaisei sua buluka nalhaꞌugna mala fafara mala doglo naiknore ka tathagu iara na. Eghuteuna tusu lao buluka igne ka mae pris nate karha mei ke leghugna Pris Sadok, kaisei mae ka vikegna Livae tifa ia, eigna mare ngala te au nodi nolaghi te mala kegra haghe ke ulugu iara te mala eni nogu gloku iara na.

Profet Esikiel 45:4

Vido glose blahi igne ginauna maladi mae pris, naugna mae pris igre nate loku ke lamnagna nogu Sugablahi iara igne. Nodi suga mare re ginauna kegra ka glose igne, balugna nogu Sugablahi iara na.

Eksodas 28:41

Iagho mala toghoni thabusimu Eron nei thugna mana re, mala fahaghe pohe igre. Aonu iagho mala tofa oel blahi ka phaꞌudi mare re mala fablahidi mare, mala tangomana mare te eni nogna gloku pris na ranghi ghau iara.

Nodi Khoje Hatimare Mae Jiu 115:10

Ghotilo nogna mae pris God ra, ghotilo fatutuani ni Lord. Naugna mana ne togho ghami nei reireghi ghami neu ghotilo.