Naba 16:35 - Buka Blahi Ka Cheke Holo

³⁵ Aonu Lord ne famei khaꞌaghi na ne nako fahui phei gobi glimafulu mae teke tufa insens.

Naba 16:35 ပူးပေါင်းရင်းမြစ်များ

Naba 26:10

Aonu kate mei khaꞌaghi biꞌo te faleheni mae Kora baludi nogna phei gobi glimafulu mae re, eghuteuna braga pea glose na, phiamare jaola ne lehe balugna mana. Igne kaisei faglaglana ka iheire naikno te theome leghuni Lord re.

Levitikas 10:2

Aonu khaꞌaghi igne megei nga ne jifla mei ka vido aheva te au teu Lord na ne gnhubra ne lehe phia mare ke ulugna mana.

Nodi Khoje Hatimare Mae Jiu 106:18

God ne kuru soruni khaꞌaghi na ke klignadi naikno teke leghudi phia mare re ne nhako ne theo tokadi.

Naba 16:17

Eghuteuna phei gobi glimafulu mae lida te phile ka iagho igre mala atha mei nodi dis thedire, eghuteuna mare ginauna gahu insens ka dis na ke ulugna Lord. Eghuteuna iagho nei mae pris Eron jaola mala atha mei nomi dis re.”

Thakle 11:5

Jame ihei te fariuriu goigonidi phei mae igre na, khaꞌaghi ginau jifla mei ka foflodi phei mae igre mala roꞌedi nei falehedi eghu nodi naokare.

Naba 16:34

Naikno te gnafa Israel re ne rikha kate nomhidi tanhidi mare re. Mare ne eha eghu fabiꞌo, “Rikha noda! Glose igne jaola na tomno ghita tahati!”

Naba 16:36

Aonu Lord ne cheke eghu ka mae Moses,

Naba 16:49

Nihai te lehe ka narane tuana thokeni nabotho fati thogha, fitu gobi, nu mare theome kahadi iheire teke lehe ka puhigna Kora.

Nodi Khoje Hatimare Mae Jiu 50:3

Noda God na la meihi, nu mana na theome au kmu. Khaꞌaghi te mala nhako gobigna lepore na mei ke ulugna mana, eghuteuna nuri blahi balu nakhete na au faligohoni mana.

Profet Esikiel 8:11

Fitusalei mae mala baubatu ka naiknodi Israel te au lamna ka chogho igne, eghuteuna mae Jasanaea, thugna mae Safan igne tei ne kegra farihoteidi mare. Mare ne kafe louloku dis mala gahu insens, eghuteuna khujogna insens igne haghe kligna.

Naba 3:4

Kate au teu mare ka namono nagou Sanai, mae Nadab ghe mae Abihu ne lehe ke ulugna Lord, naugna phiamare ne gahu insens ka khaꞌaghi te theome blahi na. Phiamare neke theo thudi. Nu mae pris Eleasa ghe mae Itama gre teke loku baludi mae kmadi na kani karha nga teku mana na.