Naba 16:27 - Buka Blahi Ka Cheke Holo

²⁷ Aonu naiknore ne thugha fadelei ka nodi suga thapuale mae Kora, mae Datan, nei mae Abiram re. Aonu mae Datan ghe mae Abiram jifla ne kegra neu baludi khetodi nei thudi teure ka grengathadi nodi suga thapuale thedire.

Naba 16:27 ပူးပေါင်းရင်းမြစ်များ

Profet Isaia 28:14

Eghume, famane fanomho mei ka nogna cheke Lord igne, ghotilo mae mala baubatu te gnafa Jerusalem te lase cheke fahaehaghe ra!

Proveb 18:12

Jame mae te fahaehaghe te pala hagheni nanghagna thegna, ke leghu na ginauna krofu pari. Iagho theome naba te hata nangha biꞌo na jame te theome kulu nhaꞌa fapari nigho themu na.

Proveb 16:18

Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Thoutonu Eigna Mae Job 9:4

God na thofno lalase fara, eghuteuna mana nolaghi fara. Eghuteuna theo kaisei naikno te tangomana te kegra haghe te uluni mana na.

Naba 16:1

Mae Kora gne, thugna mae Isaha ka vikegna mae Kohat ka vikegna mae Livae. Eghuteuna keha thilo mae eghu te balugna mana na, nanghadire mae Datan, mae Abiram nei mae On. Thilo mae igre jifla mei ka vikegna mae Ruben. Eghuteuna mae Datan ghe mae Abiram gre phei thugna mae Eliab. Eghuteuna mae On na thugna mae Pelet. Mare ne toredi phei gobi glimafulu mae lida mala baludi thedi mala magrini mae Moses.

Naba 26:11

Nu thugna mae Kora re ne theome lehe ka vido tuana.

Eksodas 33:8

Leuleghu fata na Moses nolo tei ka suga tapuale ikoi igne, naiknore tangomana te jifla mei te kegra ke ulu ka nodi suga tapuale re. Mare filo leghuni Moses ghilei tei dofini mana lamna.