Naba 16:22 - Buka Blahi Ka Cheke Holo

²² Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Naba 16:22 ပူးပေါင်းရင်းမြစ်များ

Naba 27:16

“Lord, iagho ngala God te funei frunidi iheire naikno te karha igre, eghume iagho vahini kaisei mae mala ke batudi naiknodi Israel gre.

Profet Sekaraea 12:1

Kaisei nogna cheke profet: Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu,

Thoutonu Eigna Mae Job 12:10

Gobigna lepo te karha igre, au kolho ka thatabla khamegna mana. Eghuteuna nakarhagna naikno na, jaola au ka khamegna mana.

Hibru 12:9

Neubane para ghita koba mae kmada te gnafa ka nauthoglu gne, tahati ghatho tahudi koba mare. Naugna igne thofno keli fara tahati te leghuni mae Kmada te au kligna na mala au ka karha balugna mana.

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Letas Teke Riso Tei Mae Pol Ka Khiloau Rom 5:18

Eghuteuna jaola, eigna nakhibogna kaisei mae kolho, God neke fatedi naikno te gnafare ne cheke ka mare mala au ka glehe. Eghuteuna jateula tuana, ka nogna puhi te doglo kaisei mae, God neke eni kaisei nabrou ranghidi naikno te gnafare mala doglo nei hatani eghu thofno nakarha te tutuani na.

Profet Isaia 57:16

Iara ginauna na theome figri tagru ghami, ba diꞌatagu ka ghotilo, naugna jame te eghu fabrahu iara na, ghotilo ginauna na glaꞌe soru. Uve, jame te eghu ghotilo na, ghotilo iheire teke tusu ari iara nakarha na tami ra ginauna lehe.

Fapea Samuel 24:17

Kate filoni King Devet engel te goigonidi naiknore igne, mana ne tarai eghu ka Lord, “Lord, iara la thofno tapla jafra ka nakhibo! Naikno igre jateula sipu eghu leghuni nodi mae mala baubatu na kolho. Mare theome eni kaisei glepo te diꞌa. Jame te keli na, iagho para ghau iara nei tharaknagu iara gre eghu kolho.”

Naba 16:45

“Ghopa riu fadelei ka naikno igre! Mala tangomana iara te falehedi naikno igre gognarola!” Nu Moses ghe Eron ne pogho soru foflodi nei tathadi teure pari ka glose na, ne tarai.

Naba 14:5

Aonu mae Moses ghe mae Eron ne pogho soru ke uludi naikno te khapru jare re ne thoke phaꞌudire ka glose na mala tarai ka Lord.

Jenesis 18:32

Mae Ebraham neke cheke eghui, “Lord, thosei diꞌatamu ka iara, iara magnahaghei te eni kaisei cheke leghu lahu ka iagho. Jame te filodi iagho nabotho naikno te doglo kolho jare na ba?” Lord ne cheke eghu, “Jame te filodi iara nabotho naikno te doglo jare na, iara ginauna na theome roꞌeni namono tuana.”

Ululahu Korin 13:7

Mana theome babaꞌo kate thakle mei puhi biꞌo na nu mana mala heta fabrahu ka nogna fatutuani nei mala rouronuni nogna nhaꞌa cheke God na nei sasaꞌa mala ofou kolho.

Fapea Samuel 24:1

Lord ne diꞌatagna ka naiknodi Israel. Aonu mana ne tusu lao gaoghatho ka mae Devet mala eꞌei puhi biꞌo ka mare. Lord ne cheke eghu ka mae Devet, “Iagho tei kaha naiknodi Israel ghe Juda.”

Naba 16:4

Kate nomhini mae Moses cheke igne, mana pogho soru pari ne tarai.

Levitikas 4:3

“Jame mae pris biꞌo na tapla jafra ka nakhibo. Naugna nakhibogna mana igne, ghotilo te gnafa na ginauna kafe jafra ka tathagu iara na. Eghume mana atha kaisei buluka nalhaꞌugna majaghani te theo kaisei thona ka thinigna na, te eghuna mana fafara mala doglo ka tathagu iara na.

Levitikas 10:6

Mae Moses ne cheke eghu ka mae Eron baludi phei thugna mana igre, mae Eleasa ghe mae Itama, “Ghotilo thosei fakakhana te diꞌanagnafa ghotilo ka glehedi phia mae igre, eigna ghotilo mala thosei pore, ba rerheku nomi pohere. Jame te eghu ghotilo na, Lord ginauna diꞌatagna na falehe ghami ghotilo. Nu kherami te gnafa ghotilo Israel igre tangomana te tanhidi phia mae te lehe ka khaꞌaghi teke kuru mei Lord igne.

Naba 16:23

Aonu Lord ne cheke eghu ka mae Moses,

Josua 22:18

Ba, ghotilo ginauna leghuni mana ba theo? “Jame te tei kokoni mana ghotilo gognarogne, nathuꞌu na mana ginauna para ghita gnafa.

Profet Jeremaea 32:27

“Iara Lord, nodi God naikno te gnafa ka nauthoglu igne. Theo kaisei glepo te ninhigrana ranghi ghau iara na.

Profet Jeremaea 38:16

Nu King Sedekaea ne cheke faꞌikoi ka mae Jeremaea ne eni kaisei nhaꞌa cheke, ne cheke eghu, “Iara eni nhaꞌa cheke igne ka nanghagna Lord mae ihei te karha te tifa, nei tusu ranghi ghita u karha: Iara ginauna na theome falehe nigho iagho, eghuteuna iara ginauna na theome snakre lao nigho ka khamedi mae iheire te magnahaghei falehe nigho iagho igre.”

Profet Esikiel 18:4

Mae te gnafa igre nogu iara. Uve, ido nei mama nei goro sua langau teu igre nogu iara. Nu mae ihei te tapla jafra ka nakhibo na, mana ginauna lehe ka nakhibogna thegna.

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.