Naba 16:10 - Buka Blahi Ka Cheke Holo

¹⁰ Mana neke faꞌari gloku igne ka iagho nei ka keha mae Livae are, nu gognaro na ghotilo magnahaghei fara te mae pris themi na!

Naba 16:10 ပူးပေါင်းရင်းမြစ်များ

Fatilo Jone 1:9

Iara neke rioriso kaisei letas kmoꞌei ranghini khiloau eigna igne. Nu mae Diotrefes tirogna fanomho ka unha te chekeni iara na. Eigna mana magnahaghei te fnakno nei mae biꞌo eghu ka khiloau gne.

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.

Letas Teke Riso Tei Mae Pol Ka Khiloau Rom 12:10

Fari namhai jateula thabusigna eghu ka Kraes. Ghatho tahudi keha thabusigna ka khiloau gne ke tulaomi themi.

Luku 22:24

Mae khurure ne funu fapholai eigna mae ihei nate mae biꞌo lahu ka mare na.

Proveb 13:10

Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Naba 18:7

Nu iagho nei mae thumu iaghore eghu kolho te mala loku nei reireghidi teu glepo blahi ka olta nei glepo te au ka chogho te blahi na. Iara ginauna tufa ari keha glepo blahi ka nomi gloku ghotilo mae pris are, mala kaikalitidi ghotilo glepo blahi ka Suga Thapuale te blahi gne. Nu jame te mei namo keha mae te theo nogna nolaghi te mei rhegna glepo blahi igre na, ghotilo ginau faleheni mae tuana.”

Naba 3:10

Mae Eron baludi thugna re eghu kolho te mala loku jateula mae pris teuna. Jame keha mae delei te mei lamna ka vido blahi igne na, ghotilo ginauna faleheni mae tuana eghu.”

Naba 18:1

Lord ne cheke eghu ka mae pris Eron, “Jame kaisei glepo diꞌa thokedi glepo blahi igre ba Sugablahi igne na, iagho baludi thumure nei ihei ka vikegna mae Kohat teure, ghotilo tangomana au papara eigna igne. Nu iagho nei mae thumure eghu kolho mala mae pris na, eghuteuna jame te loku fadiꞌa ghotilo eigna nodi gloku mae pris na, ghotilo kolho ginau jaola au papara eigna igne.

Jajis 17:12

Aonu Maeka ne fablahini mae majaghani igne mala kaisei mae pris, eghuteuna leuleghu fata na mae igne au kolho ka sugagna Maeka.

Naba 3:6

“Cheke meidi mae ka vikegna Livae ra mala mei toghoni mae pris Eron.