Naba 16:1 - Buka Blahi Ka Cheke Holo

^1-2 Mae Kora gne, thugna mae Isaha ka vikegna mae Kohat ka vikegna mae Livae. Eghuteuna keha thilo mae eghu te balugna mana na, nanghadire mae Datan, mae Abiram nei mae On. Thilo mae igre jifla mei ka vikegna mae Ruben. Eghuteuna mae Datan ghe mae Abiram gre phei thugna mae Eliab. Eghuteuna mae On na thugna mae Pelet. Mare ne toredi phei gobi glimafulu mae lida mala baludi thedi mala magrini mae Moses.

Naba 16:1 ပူးပေါင်းရင်းမြစ်များ

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Diutronomi 11:6

Thumi ghotilo gre theome filoni unha teke eni mana ka mae Dotan ghe mae Abiram, phei thugna mae Eliab vikegna mae Ruben, nu ghotilo naiknodi Israel filoni glose na neke thora na, eghuteuna phiamare balu nodi tharakna, nei nodi suga tapuale, nei nodi gobigna lepo fateote'o te karha re eghu ne snoꞌo pari lamna glose.

Eksodas 6:21

Isaha au thilo thugna nalhaꞌu, Kora, Nefeg nei Sikri.

Naba 27:3

Aonu reꞌe mei ne cheke eghu ka mae biꞌore, “Kmami ghehati na la lehe ka vido te moja na. Mana theome ke leghudi ngala iheire naikno te phile ka mae Kora te mala fadiꞌani Lord na. Mana lehe kolho ka nakhibogna thegna, nei mana theo kaisei thugna nalhaꞌu.

Eksodas 6:18

Eghuteuna Kohat au fati thugna nalhaꞌu, Amram, Isa, Hebron nei Usiel. Kohat karha ne posani kaisei gobi tolufulu thilo finogha neke lehe nga.

Naba 15:41

Iara ngala nomi Lord nei God teu ghotilo na. Iara ngala teke atha fajifla ghami ghotilo Ijep ia mala iara nomi God ghotilo na. Iara Lord te chekeni igne!”

Nodi Khoje Hatimare Mae Jiu 106:16

Jare ke lamnagna namono nagou na, keha mae ka mare ne goghotudi fara mae Moses ghe mae Eron, nogna mae pris Lord na.

Eksodas 6:16

Fatilo thugna mana na Livae, eghuteuna mana au thilo thugna, Geson, nei Kohat, nei Merari. Eghuteuna tharakna teke karha mei ke leghudi thiloi igre au nanghadi thiloi igre. Livae neke au nabagna kaisei gobi tolufulu fitu finogha.