Naba 15:31 - Buka Blahi Ka Cheke Holo

³¹ Naugna te theome leghudi mana nogna cheke nei nogna vetula teu Lord na, uve, mana nabagna te mala au papara na nei mana jaola mala jifla ka naiknodi Israel gre.’ ”

Naba 15:31 ပူးပေါင်းရင်းမြစ်များ

Proveb 13:13

Mae te theome fanomho na, mana ginauna khale ka puhi. Mae te fanomho na, ginauna atha glepo te keli.

Fapea Samuel 12:9

Naugna unha sagho te tirouni fara chekegna Lord gnea? Naugna unha sagho te eni puhi te diꞌa ignea? Eigna iagho neke snakreni mae Uraea ka mae soldia di Amon igre neke faleheni mana neke blau khetogna mana na!

Profet Esikiel 18:20

Mae ihei te tapla jafra ka nakhibo na, mana ginauna mala lehe. Thugna mana re ginauna theome tangomana te au papara ka nakhibogna mae kmadi na, eghuteuna mae kmadi na theome tangomana te au papara ka nakhibodi thudi re. Ihei te au doglo na, mana ginauna hata nogna fablahi, nu ihei te diꞌa na mala au papara eidi glepo te diꞌa teke edi mana re.

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Nodi Khoje Hatimare Mae Jiu 119:126

Lord God, igne hila nou narane iagho te mala eni iagho unha te magnahaghei na, naugna naikno gre tirodi leghudi nou famane farirhiu iagho re.

Levitikas 5:1

“Jame kaisei mae au ka fate mala cheke thakleni glepo teke filoni ba te lase fakelini, nu theome cheke thakleni teuna, mae igne ei nakhibo eghuteuna mana nabagna te papara na.

Fapea Pita 2:21

Uve, te keli na mare thosei laseni nabrou te doglo igne. Naugna theome keli te laseni mare eigna nabrou igne, nei nomhini eigna vetula te blahi igne eghuteuna ke figri tagruni mare nabrou te doglo na teuna.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Profet Isaia 30:12

Nu igne unha te chekeni God te Blahi gna Israel, “Ghotilo tirominihi nogu cheke iara na, eghuteuna ghotilo fatutuanini fara puhi te chaichaghi nei cheke famaemahe teu igne nate togho ghami na.

Nodi Khoje Hatimare Mae Jiu 38:4

Gognaro na iara knoho ka nakhibo jateula te knoho ka nhorora neu, eghuteuna iara theome tangomana te pala haghedi nakhibogure naugna ne tahu fara.

Levitikas 26:43

Nu ulu lahu na, mare mala tei kokoni glose igne, mala tangomana glose igne mala gnafa fakeli kate krogha na. Eghuteuna mare te gnafa na mala papara naugna ghotilo neke figri tagru ghau iara, eghuteuna ghotilo tiromi leghudi nogu vetula iara re.

Levitikas 26:15

Jame te thofno tiromi leghudi ghotilo nogu vetula nei nogu cheke teu iara igre na, ghotilo huhughuni nhaꞌa cheke teke eni iara balumi ghotilo ia,

Nodi Khoje Hatimare Mae Jiu 107:11

Naugna mare neke thono figri tagruni fara chekegna God na, nei tirodi fanomho ka nogna farirhiu God mae ihei te thofno fnakno fara na.

Eksodas 30:33

Jame ihei te eni nafnata oel igne, ba tofa lao oel igne ka phaꞌugna ihei te theome pris na, mana au kosi ka naiknodi Israel.’ ”

Naba 9:13

Jame kaisei mae theome mei ka gaghamhu tuana, nu mana gae ka tathagu iara nei theome tei au ka namono delei teuna. Mana theome kaisei naikno gna Israel, naugna mana ne theome fafara mei ka iara. Mae tuana nabagna kolho te au papara ka nakhibo gna thegna na.

Diutronomi 17:12

Ihei te theome magnahaghedi nei cheke fadiꞌadi teu unha te chekedi nogna mae mala fate ba nogna mae pris Lord nomi God ghotilo igre mala lehe. Igne unha te mala eni ghotilo na te mala hata fadelei puhi te diꞌa igne ka namonomi ghotilo re.

Ululahu Samuel 3:14

Eghume iara neke cheke faheta ka mae Eli balugna tharaknagna mana na, eigna theome tangomana kaisei fafara ba unha te tusu lao ka mana na nate fatheꞌoni papara te nabagna nakhibodi mare re.”