Naba 15:30 - Buka Blahi Ka Cheke Holo

³⁰ “ ‘Nu jame keha mae eni kaisei puhi te diꞌa kate ghathoni mana na, neubane kaisei mae ka ghotilo, ba mae phosa te au balumi ghotilo are, mana jateula te cheke faparini Lord eghu, eghume mana ginauna jifla ka naiknodi Israel.

Naba 15:30 ပူးပေါင်းရင်းမြစ်များ

Hibru 10:26

Tahati mala edi glepo igre, naugna tahati lasedi glepo te tutuanire. Eghume ihei te heta ka puhi te diꞌa na, ginauna theo kaisei fafara te tangomana nate atha kokodi nakhibognare.

Nodi Khoje Hatimare Mae Jiu 19:13

Lhoti ghau mala thosei ke edi iara puhi te fameomekro te magnahaghedi iara gre, eghuteuna iagho thosei snakredi puhi te diꞌa igre mala funei fruni ni nakarhagu gne. Gognaro te haghe na iara mala snagla ka nogna nolaghi nakhibo.

Diutronomi 1:43

“Eghume iara chekeni igne ka mare leghuni unha teke chekeni Lord, nu mare theome fanomho. Mare cheke faparini Lord na ne haghe ka namono ka thogelero, naugna mare ne patugama.

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Matiu 12:32

Nu ihei te cheke fadiꞌa ghau iara mae teke mei funu ka God na, God ginauna tangomana te hata fadeleidi nakhibogna mana re. Nu ihei te cheke fadiꞌani mae Tharunga te Blahi na, God ginauna theome hata fadeleidi nakhibogna mana re, kau nauthoglu gognaro gne ba nathuꞌu nauriha na.

Fapea Pita 2:10

U fate tuana tulao maladi iheire te tapla jafra ka nakhibo te magnahagheni fara thedi, nei maladi iheire te filo faparini nogna nolaghi God. Mae velepuhi chaichaghi igre thono patugama fara, nei mare magnahaghei te leghudi kolho nagnafadi thedire. Eghume mare theome mhaghu te cheke fadiꞌadi engel di klignare.

Nodi Khoje Hatimare Mae Jiu 89:51

Lord God, hatimare mae naoka igre mare cheke faparini mae king teke vavahi iagho igne. Ka vido aheva te tei mana na, mare maꞌeni kolho mana.

Nodi Khoje Hatimare Mae Jiu 79:12

Lord, naiknodi keha kantri are cheke fadiꞌa nigho iagho. Paradi fabrahu sagho eidi cheke te diꞌa tuare.

Nodi Khoje Hatimare Mae Jiu 74:22

God, mei sagho mala cheke fajifladi eidi unha te edi iagho re doglou kolho. Ghathodi sagho iheire te theome fatutuani nigho gre, mare maꞌe nigho leuleghu narane funu hamerane ghilei posa fei grafi.

Nodi Khoje Hatimare Mae Jiu 74:18

Lord God, ghathodi sagho mae naoka te maꞌe nigho gre. Mare theome fatutuani nigho, nei cheke fapaiparini eghu nanghamu iagho na.

Naba 9:13

Jame kaisei mae theome mei ka gaghamhu tuana, nu mana gae ka tathagu iara nei theome tei au ka namono delei teuna. Mana theome kaisei naikno gna Israel, naugna mana ne theome fafara mei ka iara. Mae tuana nabagna kolho te au papara ka nakhibo gna thegna na.

Eksodas 21:14

Nu jame kaisei mae neke kulu ghathoni te mala aknu faleheni keha mae na, neuba mana ne rikha ne tei poru ka nogu olta iara na, ghotilo tei atha fajifla mala aknu faleleheni.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Nodi Khoje Hatimare Mae Jiu 69:9

God, leuleghu fata na iara thono ghatho tahuni fara nou Sugablahi iagho gne, eghuteuna leuleghu fata na gaoghatho igne loku fabrahu ke lamnagu iara jateula khaꞌaghi eghu. Thua cheke te diꞌa te edi mare ranghi nigho iagho igre, fadiꞌa ghau iara.

Levitikas 20:10

“Jame kaisei ka ghotilo tapla jafra ka khetogna keha mae na, ghotilo mala aknu falehedi repa.

Levitikas 20:6

“Eghuteuna jame kaisei ka ghotilo tei ka mae ihei tangomana te cheke baludi tharungadi naikno teke lehe tifa ra ba ka keha naitu, iara ginauna figri tagruni mana eghuteuna lisei fadeleini mana ka naiknodi Israel.

Levitikas 20:3

Mae ihei te eni igne mana goigoni ni nogu vido blahi iara na, nei goigoni ni nanghagu iara te blahi na. Eghume iara ginauna figri tagruni nei lisei fadeleini ka naiknodi Israel.

Jenesis 17:14

Mae ihei te theome tohi fagaglana na, mae tuana theome nogu iara, naugna mana ne huhughuni nogu nhaꞌa cheke iara na.”

Ululahu Jone 5:16

Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Naba 15:29

Vetula mala hata koko nakhibogna mae ihei te theome ghathoni mala eni teuna, maladi kolho naiknodi Israel nei naikno phosa te au balumi ghotilo are.

Diutronomi 32:27

Nu iara laseni jame te eni iara igne na, nomi naoka ghotilore ginauna cheke fadiꞌa eghu ghau iara, “Ghehati neke uludi naiknodi Israel ka nomi nolaghi themi, Lord neke theome togho ghami ghehati neke uludi mare!” ’

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Thoutonu Eigna Mae Job 38:15

Naphaegna naprai na, siasigla fara maladi naikno te diꞌa re. Nu hamerane na lhotidi mare te mala eni puhi te diꞌa na.

Profet Esikiel 20:27

“Maegna ka nauthoglu. Naugna glepo tugne igne, iagho mala cheke ka naiknodi Israel te iara Lord God te chekeni igne: ‘Ka puhi igne, kuꞌemi ghotilo ra neke cheke fadiꞌa ghau iara, eghuteuna mare tirodi ghau iara, nei tei koko ghau iara.

Eksodas 30:33

Jame ihei te eni nafnata oel igne, ba tofa lao oel igne ka phaꞌugna ihei te theome pris na, mana au kosi ka naiknodi Israel.’ ”

Ululahu Samuel 3:14

Eghume iara neke cheke faheta ka mae Eli balugna tharaknagna mana na, eigna theome tangomana kaisei fafara ba unha te tusu lao ka mana na nate fatheꞌoni papara te nabagna nakhibodi mare re.”