Naba 15:3 - Buka Blahi Ka Cheke Holo

³ ne magnahaghei edi fafara te blahi nga ghotilo jare nu, ghotilo tangomana te atha kaisei buluka, ba sipu nei nanigot. Ka glepo te tautagu igre ghotilo ginauna tangomana te eni fafara te knoro ia, ba fafara naugna ghotilo neke eni kaisei nhaꞌa cheke, ba fafara mala edi ghotilo unha te magnahaghedi ghotilo re, ba keha fafara te magnahaghei edi ghotilo ka nomi gaghamhu re.

Naba 15:3 ပူးပေါင်းရင်းမြစ်များ

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Naba 28:27

Eghuteuna ka narane igne, ghotilo ginauna gahu fafara te siri famane gna na mala gleꞌa iara. Ghotilo ginauna fafara phei buluka nalhaꞌudi te majaghani, nei kaisei sipu nalhaꞌugna, eghuteuna fitu sipu nalhaꞌudi te ikodi te kaisei finoghadi are eghu.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Levitikas 27:2

“Jame kaisei naikno gna Israel magnahaghei snagla ke leghugna narane teke eni nhaꞌa cheke blahi te mala snakreni thegna ba kaisei thugna mala eni nogu gloku iara na,

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Diutronomi 12:17

Gobigna lepo te tufa ghotilo ka Lord igre, ghotilo thosei ghamu ka sugami re. Neubane kaisei ka fabothodi gano ba waen ba oel, eghuteuna neubane sua karha ulu ka nomi glepo te tautagu ghotilo, ba fafara eigna kaisei nhaꞌa cheke, ba kaisei fafara te eni ghotilo leghuni unha te magnahagheni ghotilo na, ba keha fafara la ngau, gobigna lepo jateula igre teuna blahi te ghamu ghotilo ka sugami re.

Diutronomi 12:11

Aonu ghotilo mala tei hata mei gobigna lepo teke chekedi re ka kaisei vido blahi kolho aheva Lord nomi God teke vahini te mala au nanghagna na jare. Ka vido blahi tuana kolho, te tangomana ghotilo hata te mei glepo teke chekedi iara ka ghotilo ra. Igne fafara te thofno krono na, nei keha nafnata fafara langau eghu, nei kaisei ka fabothodi nomi glepo re, nei kaisei nomi glepo te keli teke nhaꞌa cheke ghotilo te mala tusu lao ka Lord.

Diutronomi 12:6

ghotilo nate hata te mei unha te mala fafara na. Fafara te thofno krono nei keha nafnata fafara la ngau, nei kaisei nomi fabotho re, nei nafnata fafara te nheta eigna nhaꞌa cheke, nei keha nafnata fafara te edi ghotilo leghuni unha te magnahagheni ghotilo, nei nomi sua buluka te karha ulu.

Naba 29:8

Ka narane blahi igne, ghotilo mala gahu u fafara te siri famane gna na mala gleꞌa iara ka fafara tuana. Igre unha te mala fafara ghotilo re: Kaisei buluka nalhaꞌugna te majaghani, kaisei sipu nalhaꞌugna, nei fitu sipu nalhaꞌudi te ikodi te kaisei finoghadi are. Glepo te tautagu igre e theo kaisei thona ba thubu ka thinidire.

Levitikas 10:13

Ghotilo mala ghamu ka kaisei vido blahi, naugna nogna glepo blahi Lord teke tusu ari ka ghotilo. Cheke igne, Lord teke cheke ka iara na mala cheke ka ghotilo.

Levitikas 7:16

“Jame kaisei mae ei fafara naugna mana neke eni kaisei nhaꞌa cheke, ba fafara te eni mana leghuni unha te magnahagheni mana na, mana tangomana te ghamu nafnahi gna fafara igne ka narane tuanala nei jaola ka keha narane na.

Eksodas 29:41

Eghuteuna grafi, kate gahu ghotilo keha sipu na, ghotilo ginauna ke eni jateula teke eni ghotilo fafara hamerane ia eghu. Unha te gahu te thofno krono igre te mala tusu mei ghotilo ka iara na, eghuteuna iara Lord ginauna keli tagu fara ka famane sisirigna na.

Eksodas 29:25

Iagho atha glepo igre ka mare, eghuteuna thofno gahu ka olta ke kligna gna sipu ululahu teke gahuhi iagho igne. Glepo igre kaisei thufa blahi ranghi ghau iara Lord, eghuteuna famane sisiri gna na iara ginauna glealeꞌa fara tagna.

Fapea Korin 2:15

Ghehati na jateula nogna insens Kraes eghu mala kilo fnaknoni God ke lamnadi iheire God teke fakarhidi nei iheire te snivi fabrahu.

Fapea Korin 2:16

Ka iheire te snivi fabrahu re, sisiri igne siri diꞌagna fara, eghuteuna hata mei glehe ka mare. Nu ka iheire teke fakarhidi God re u sisiri igne thofno keli fara eghuteuna hata mei karha ka mare. Eghume ihei te nabagna na gloku igne?! Iara theome nabagu!

Nodi Khoje Hatimare Mae Jiu 54:6

Lord, iara keli tagu kolho te fafara ka iagho na. Iara ginauna na cheke fakeli nigho eigna iagho ne thofno keli fara.

Naba 6:15

Mana jaola mala fafara mei kaisei kharaꞌo balu thilo nafnata bret te theo isi. Ululahu bret na te edi koba ghotilo leghu fata are. Fapea bret na te ngingo ghotilo balu oliv oel ame beka nga teu are. Eghuteuna fatilo bret na te kuki muita ame ke ghiha oel nga ghotilo teu ia. Eghuteuna mana jaola mala fafara mei keha wit nei waen te famanedi are.

Esra 7:17

Iagho thosei koko tafri sileni igne, iagho mala foli buluka nalhaꞌudi nei sipu nalhaꞌudi nei sua sipu nei wit nei waen, mala fafara ke kligna olta ka nogna Sugablahi God na Jerusalem.