Naba 14:9 - Buka Blahi Ka Cheke Holo

⁹ Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Naba 14:9 ပူးပေါင်းရင်းမြစ်များ

Diutronomi 7:18

Nu ghotilo thosei mhaghudi mare! Khogla ke ghathodi unha Lord nomi God teke edi ka king nei ka naikno te gnafa Ijep tifa ra.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Diutronomi 31:6

Eghume ghotilo farerheta gaoghathomi are, eghuteuna ghotilo mala kegra heta leghu fata. Thosei mhaghu nei bobolo nomi eghu, naugna Lord nomi God ghotilo na au balumi ghotilo. Mana ginauna na theome tei koko ghami ghotilo, ba ghatho iho ghami.”

Nodi Khoje Hatimare Mae Jiu 74:14

Uve, iagho neke aknu poaposa phaꞌudi mogo thongna te biꞌo fara re neke lisa lao ka naikno gna namono nagou na neke ghamu mare.

Fapea Kronikols 32:8

Mana au nogna nolaghi, nu nogna nolaghi mana tuana mei funugna ka naikno kolho. Nu tahati au tada nogna nolaghi Lord noda God. Mana ginauna magra ranghi ghita mala uluni tahati magra igne.” Aonu nogna cheke King Hesekaea igne ne farerheta gaoghathodi mare re.

Fapea Kronikols 20:17

Ka narane tuana, ghotilo thosei magra ka mare. Nu ghotilo kegra heta, tarabana ofou kolho. Iara ginauna magra ranghi ghami ghotilo, eghuteuna ghotilo ginauna filo ghau iara Lord nate uludi mare na. Ghotilo thosei mhaghu nei glaꞌe soru eghu. Nathuꞌu na ghotilo ginauna tei ke uludi mare, eghuteuna iara ginauna au balumi ghotilo.’ ”

Diutronomi 31:8

Lord thegna ginauna batu ghami ghotilo, eghuteuna mana ginauna au balumi ghotilo. Mana ginauna theome tangomana nate lisa koko ghami ghotilo na, eghume gaoghathomi ghotilo re mala theome glaꞌe soru nei mhaghu eghu.”

Naba 24:8

Lord na neke batu fajifla ghami ghotilo Ijep. Ghotilo nheta fara ka magra jateula buluka mata te theo kaisei mae te lokuni ra eghu. Eghume ghotilo ginauna goigonidi nomi mae naoka re. Eghuteuna, ghotilo ginauna lolhopa nhubradire nei fadi falehedi ka nomi khuali re.

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Nodi Khoje Hatimare Mae Jiu 121:5

Lord ginauna reireghi ghita, nei au baluda eghu.

Nodi Khoje Hatimare Mae Jiu 14:4

God ne cheke eghu, “Tore, naikno igre te edi puhi te diꞌa igre, ba, theome lalase sigrea? Ba, theo pha'udi sigrea? Mare karhau kolho ka unha teke blau mare ka nogu naikno iara re, nei jaola tirodi tarai ka iara.”

Diutronomi 9:7

“Ghotilo thosei ghatho ihoni unha teke eni Lord nomi God ka namono nagou ia, mana neke diꞌatagna fara ka ghotilo. Funu ka narane teke jifla ghotilo Ijep te thoke ka narane te mei posa ghotilo ka namono igne, ghotilo neke theome leghuni Lord.

Diutronomi 1:26

“Nu kuꞌemi ghotilo tifa ra neke tirodi fanomho ka nogna cheke Lord nomi God na neke tirodi tei ruma ka namono igne.

Profet Daniel 9:9

Neuba ghehati ne theome keli ranghi nigho iagho, iagho kokhoni ghami ghehati fabrahu kolho, nei hata fadelei nakhibomi ghehati re.

Diutronomi 32:42

Nogu jata iara gre ginauna apu ka dadaradi naikno te tirodi ghau iara re. Nogu naflahi mala magra iara na ginauna ghamu thinidire, eghuteuna ginauna falehedi mae te au ka sosolo, eghuteuna kusu phaꞌudi mae biꞌo te naokare.’

Diutronomi 7:21

Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Profet Jeremaea 48:45

“Iheire te fariuriu rikha mala tei poru ka namono Hesbon teu igre ginauna glaꞌe sukha, naugna ka namono tuana nogna suga King Sihon igne ginauna gnhubra ka khaꞌaghi baludi keha suga te au rhegnai. Eghuteuna khaꞌaghi igne ginauna jifla mei mala nhako vido te gnafa ka kantri igne baludi nodi suga iheire te foflo biꞌo gognaro gre.

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Profet Isaia 41:14

Neuba ghotilo mae Israel gre ne glaꞌe fara, ghotilo thosei mhaghu, naugna iara ginauna togho ghami ghotilo.” Igne chekegna Lord nodi thofno God te Blahi mae Israel mae ihei te fakarhi ghami ghotilo.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Profet Isaia 32:2

Mae igre jateula kaisei vido te rheta te mala poru ka nuri nei nakhete teura eghu. Mae igre ginauna na jateula glokha khoꞌu te fura haghe ka namono nagou ra eghu, ba jateula kaisei naungo thina biꞌo te mala poru ka naprai ra eghu.

Profet Isaia 1:2

Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Fapea Kronikols 13:12

God na au balumi ghehati! Mana ngala nomi lida ghehati na. Nomi pris ghehati gre ginauna tarabana mala kufli trampet mala kilo mei ghami ghehati mala magri ghami ghotilo. Ghotilo maemi Israel, ghotilo thosei magrini Lord nodi God kuꞌemi ghotilo tifa ra! Ghotilo theome tangomana nate uluni magra na!”

Jajis 1:22

Phei vikegna Josef, Efrem ghe Manase igre tei ne magra ka namono Betel, nanghagna tifa na “Lus”. Ka magra igne, Lord ne toghodi mare. Nu ame tei nga mare ka magra teuna, mare neke kulu kuru tei keha mae mala filo glani namono igne.

Eksodas 33:16

Jame te theome tei iagho balumi ghehati na, faꞌunha eghu laseni naiknore te tei iagho balumi ghehati na? Nu jame te au iagho balumi ghehati na, keha naiknore ginauna laseni te ghehati gne nhogriu ka keha naikno ka nauthoglu igne.”

Jenesis 48:21

Aonu mana ne cheke eghu ka mae Josep, “Fanomho iagho ia. Iara gne la namo lehe. Nu God ginauna na au balumi ghotilo eghuteuna mana ginauna nake hata fafigri ghami ghotilo ka namonodi kuꞌemi ra.

Profet Daniel 9:5

Ghehati naikno diꞌa fara. Ghehati edi puhi te diꞌare ka tathamu iagho na. Ghehati theome leghudi nou vetula nei cheke teu iaghore.

Diutronomi 1:29

“Nu iara neke cheke eghu ka mare, ‘Ghotilo thosei mhaghudi naikno igre!

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Profet Jeremaea 1:19

Mare ginauna diꞌatadi fara ka iagho, nu mare ginauna na theome tangomana te tapla fapari nigho iagho na. Naugna iara ginauna na au balumu iagho mala reireghi fakeli nigho. Igne chekegna Lord!”

Profet Jeremaea 42:11

Gognarona ghotilo mhaghuni king gna Babilonia, nu ghotilo thosei mhaghuni mana. Iara ginauna au balumi ghotilo mala fakarhi ghami ghotilo.

Eksodas 14:13

Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Naba 13:30

Nu mae Kaleb ne eni fagaglana ka iheire naikno te fodu balugna mae Moses re mala kmu mare, aonu mana ne cheke eghu, “Tahati na tei falehedi mare gognaro gne mala atha tahati vido tuana. Tahati tangomana ngala te uludi mare na!”

Naba 17:6

Aonu mae Moses ne cheke ka naiknore, eghuteuna nabotho phei mae lidadi nabotho phei vikegna Israel gre ne atha ne mei nodi khodo re ka mana. Mana atha khodo igre nei jaola nogna khodo mae pris Eron na baludi.

Naba 20:2

Uve, vido te au mare na theome au khoꞌu. Aonu naiknore mei ne bara faligohodi mae Moses ghe mae pris Eron.

Josua 14:12

Eghume, iagho snakre mei ka iara thogele teke chekeni Lord ka narane teke toutonudi iara unha teke filodi ka phei tathagure. Iagho nomhinihi unha teke chekeni iara ia, jame maedi Anak te nheta fara nei mae brahu eghu te au ka namono biꞌo te bara te maku na. Nu jame te au teu Lord balugu iara na, iara tangomana te tei brue fajifladi mae igre jateula teke chekeni Lord igne eghu.”

Nodi Khoje Hatimare Mae Jiu 46:8

Mei ghotilo mala filoni unha te eni God na. Ghotilo na filodi glepo ninhigrana te edi mana ka nauthoglu igne.

Nodi Khoje Hatimare Mae Jiu 106:24

Nu ke leghu na mare ne tirodi fara te tei posa ka famane kantri Kenan, naugna mare neke theome fatutuani ni nogna nhaꞌa cheke God na.