Naba 14:42 - Buka Blahi Ka Cheke Holo

⁴² Ghotilo thosei tei! Naugna Lord na theome au balumi ghotilo, eghuteuna nomi mae naoka ghotilo re ginauna falehe ghami ghotilo.

Naba 14:42 ပူးပေါင်းရင်းမြစ်များ

Diutronomi 1:42

“Nu Lord ne cheke eghu ka iara, ‘Moses, iagho mala cheke faheta ka mare, eghuteuna iagho lhotidi mare mala thosei tei magra, naugna iara ginauna theome au baludi mare, eghuteuna nodi naoka mare igre ginauna uludi mare.’

Josua 7:12

Naugna igne, ghotilo theome tangomana te tapla faparidi nomi naokare. Ghotilo rikhadi mare, naugna ghotilo themi teke eni papara te thoke ghami ghotilo igne. Eghume, ghotilo te gnafa na mala lehe. Jame theome kafe gnubra ghotilo glepo teke blau ghotilo ra meuna, iara ginauna theome tangomana te togho ghami ghotilo na.

Josua 7:8

Lord, iara theome laseni unha nate chekeni gognarona. Naugna nomi naoka ghehati gre la ulu ghami, nei ngolhi fapulo ghami eghu ghehati.

Naba 14:43

Neubane rikha tei ghotilo ka nodi namono vikegna mae Amalek nei vikegna mae Kenan teure, ghotilo ginauna lehe ka magra. Lord na theome au balumi ghotilo sia, naugna ghotilo ne theome leghudi nogna cheke mana re.”

Diutronomi 31:17

Aonu kate eni mare igne na, iara ginauna diꞌatagu fara ka mare, eghuteuna iara ginauna lisadi mare. Iara ginauna poru ka mare, eghuteuna kmana puhi ginauna mei goigonidi mare. Mare ginauna thokedi kmana puhi biꞌo, eghuteuna kate thoke mei glepo te diꞌa ka mare na, mare ginauna laseni te theome au iara baludi mare na.

Jajis 16:20

Eghuteuna naꞌa ne eha eghu, “Samson dofra haghe! Maedi Filistia igre la mei!” Aonu Samson ne dofra haghe. Kate dofra haghe na, mana ghaoghathogna na ne keli neu kolho na snagla teu nogna eghu. Nu mana theome laseni nogna nolaghi Lord tela tei kokonihi mana na.

Nodi Khoje Hatimare Mae Jiu 89:43

Iagho neke goigonidi nogna glepo mana te mala magra re, eghuteuna iagho snakredi hatimare nogna mae naoka mana re mala uluni mana u magra na.