Naba 14:28 - Buka Blahi Ka Cheke Holo

²⁸ Ghopa ginauna cheke eghu ka mare, ‘Igne unha te chekeni Lord na. Iara Lord te karha fabahu, iara nomhidihi unha glepo te edi ghotilo re, eghume iara na eni igne ka ghotilo:

Naba 14:28 ပူးပေါင်းရင်းမြစ်များ

Naba 14:21

Nu jateula iara te karha fabrahu nei nogu nolaghi iara te tei tongana ka nauthoglu gne, iara na nhaꞌa cheke eghu:

Hibru 3:17

Iheire si teke diꞌatagnadi God ka phiatutu finogha igrea? Iheire teke edi glepo te diꞌare teke lehe ka namono nagou na!

Naba 14:23

Eghume theo kaisei naikno ka mare te ginau filoni glose teke nhaꞌa chekeni iara ka kuꞌedi mare ra.

Naba 14:2

Aonu mare ne cheke balu diꞌatadi ka mae Moses ghe mae pris Eron, “Jame keli kolho teke lehe ghehati Ijep, ba ka namono nagou na!

Diutronomi 1:35

‘Ghotilo naikno te diꞌa gognaro gre ginauna theo kaisei ka ghotilo nate filoni famane namono teke nhaꞌa cheke iara mala tusu lao ka kuꞌemi ghotilo teku ia!

Naba 32:11

‘Naugna te theome ghatho tahu ghau iara ghotilo gne, mae iheire te funu ka varadaki finogha te haghe ba iheire teke jifla Ijep tekura ginauna theome tangomana tei thoke ka vido teke nhaꞌa cheke iara ka mae Ebraham, Aesak nei mae Jekob tifara!

Naba 11:1

Aonu naiknore ne funu cheke faparini Lord, naugna mare ne au mei fara kmana puhi tadi. Kate nomhini igne, Lord ne thofno diꞌatagna fara, ne fasoru khaꞌaghi na ka mare, eghuteuna keha naikno ka mare ne lehe, eghuteuna keha vido, nei suga teu te au mare re ne nhako ka khaꞌaghi biꞌo na.

Naba 14:39

Kate cheke fajifladi mae Moses nogna cheke Lord ka naiknore, mare ne thofno diꞌanagnafadi nei tanhi neu.

Diutronomi 1:34

Mae Moses ne cheke eghu, “Kate nomhini Lord unha te chekeni ghotilo na, mana ne diꞌatagna fara. Eghuteuna mana ne cheke faheta eghu,

Diutronomi 2:14

“Nu tolufulu nhana finogha funu ka narane teke jifla tahati Kades Banea, te ghilei mei posa ka narane te kasa tahati ka Khoꞌu Sered. Eghuteuna ka narane tuare, mae te nabadi te mala magra ka magra biꞌo ra mare la kafe lehehi ke lamna namono nagou jateula teke chekeni Lord ia neu.

Diutronomi 2:15

Leuleghu fata na Lord snakre laodi koba ka mae naoka mala lehe mare, ghilei theo kaisei ka mare te karha na.

Thoutonu Eigna Mae Job 21:20

Mae te diꞌa na au nogna papara thegna, mala haimini mana diꞌatagna God mae ihei te au nolaghi fateote'o na.

Nodi Khoje Hatimare Mae Jiu 95:11

Iara diꞌatagu fara ka mare, naugna igne iara neke cheke eghu, “Ghotilo ginauna theome tei thoke ka kantri teke magnahagheni fara te tusu ari ka ghotilo mala gnafa.”

Nodi Khoje Hatimare Mae Jiu 106:26

Aonu mana ne eni kaisei cheke te thono nheta fara te mala lehe mare ke lamnagna namono nagou na.

Profet Esikiel 12:25

Eghuteuna iara Lord ginauna cheke, eghuteuna gobigna lepo te chekedi iara igre ginauna thoke mei tutuani. Uve, theo kaisei glepo tangomana nate fanograni te mala theome thoke mei dire. Ghotilo iheire te karha nga teu gognaro igre te figri tagru ghau iara ra, iara ginauna edi gobigna lepo te chekedi iara igre ginauna thoke mei ka ghotilo, uve, glepo igre ginauna thoke mei tutuani. Igne nogu cheke iara Lord.”

Diutronomi 32:40

Iara karha fabrahu, eghuteuna iara eni kaisei nhaꞌa cheke eghu,