Naba 14:24 - Buka Blahi Ka Cheke Holo

²⁴ Nu mae Caleb nogu mae gloku iara te leghu ghau nei kaisei gaoghatho ngau thegna teuna ngala te ginau tathalei te tei iara ka vido teke kulu tei filo thegna na. Eghuteuna thugna mana re te ginau khotogna vido tuana.

Naba 14:24 ပူးပေါင်းရင်းမြစ်များ

Efesus 6:6

Theome keli te leghudi ghotilo mare kate filo teu kolho mare na, tuana puhi mala famaemahedi kolho mare. Nu te keli na ghotilo thofno leghudi mare ka gaoghathomi fateo mala eni unha te magnahagheni God na, naugna ghotilo thofno nogna mae sneka Kraes.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Diutronomi 1:36

Nu mae Kaleb thugna mae Jefune kolho ginauna nate tei filoni namono igne, naugna mana ghatho tahu ghau iara fabrahu. Namono tela tapla tagna nei filonihi teu igne iara ginauna tusu lao ka mana baludi thugna mana re.’

Naba 26:65

Naugna Lord neke kulu cheke eidihi mare te ginau lehe ka namono nagou Sanai na, nu mae Kaleb thugna mae Jefune ghe mae Josua thugna mae Nun gre kolho te ginau karha ka vido tuana.

Naba 13:30

Nu mae Kaleb ne eni fagaglana ka iheire naikno te fodu balugna mae Moses re mala kmu mare, aonu mana ne cheke eghu, “Tahati na tei falehedi mare gognaro gne mala atha tahati vido tuana. Tahati tangomana ngala te uludi mare na!”

Kolose 3:23

Ka gloku te gnafa te edi ghotilo igre, ghotilo loku fakeli ka thofno gaoghathomi. Naugna ghotilo theome thofno loku ranghini naikno kolho, nu loku ranghini Kraes noda Lord. Eghume ghotilo kafe laseni Lord ginauna taba ghami ghotilo, eigna ghotilo ginauna hata u karha majaghani teke kulu tarabana mana kligna maladi nogna naiknore.

Nodi Khoje Hatimare Mae Jiu 119:80

Jame te keli na iara leghuni fara nou vetula iagho na mala theome tangomana iara te mamaja na.

Fapea Kronikols 25:2

King igne mana edi unha te doglo ka tathagna Lord, nu mana theome edi ka nagnafa gna fateote'o.

Ululahu Kronikols 29:18

Lord, iagho nogna God mae Ebraham, nogna God mae Aesak nei nogna God mae Jekop, thilo kuꞌemi ghehati tifa ra. Ghehati ghatho tahu nigho iagho, toghodi sagho iheire nate karha mei ke leghumi ghehati igre mala jaola au fabrahu nafnata gaoghatho igne, nei ghatho tahu nigho fabrahu.

Ululahu Kronikols 29:9

Naiknore ne thofno kelitadi fara naugna hatimare mae biꞌo re ne magnahaghei fara te tusu lao kmana glepo ka Lord. Eghuteuna King Devet jaola ne kelitagna fara ne salaꞌui.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Proveb 23:26

Thuguo, iagho famane fanomho fakeli ka iara. Leghuni kolho puhigu iara gne.

Nodi Khoje Hatimare Mae Jiu 119:145

Lord God, ka gaoghathogu fateote'o, iara te kilo nigho mala fakarhi ghau. Cheke tughu meini sagho nogu khiokilo iara gne, mala tangomana iara te leghuni nou vetula iagho na.

Naba 14:30

Theo kaisei mae ka ghotilo te ginau jugru haghe ka vido teke nhaꞌa chekeni iara mala au ghotilo gne. Mae Caleb thugna mae Jefune ghe mae Josua thugna mae Nun eghu kolho nate au ke lamnagna vido tuana.