Naba 14:23 - Buka Blahi Ka Cheke Holo

²³ Eghume theo kaisei naikno ka mare te ginau filoni glose teke nhaꞌa chekeni iara ka kuꞌedi mare ra.

Naba 14:23 ပူးပေါင်းရင်းမြစ်များ

Naba 32:11

‘Naugna te theome ghatho tahu ghau iara ghotilo gne, mae iheire te funu ka varadaki finogha te haghe ba iheire teke jifla Ijep tekura ginauna theome tangomana tei thoke ka vido teke nhaꞌa cheke iara ka mae Ebraham, Aesak nei mae Jekob tifara!

Naba 26:64

Eghuteuna keha mae teke kahadi mae Moses ghe mae pris Eron kani au teku mare ka namono nagou Sanai re, theo kaisei mae te karha nga teku na, mare ne orio lehe.

Profet Esikiel 20:15

Nu kani au nga teku naiknodi Israel gre ka namono nagou na, iara neke cheke faheta ka mare eigna iara ginauna na theome batudi mare tei ka famane namono aheva teke tusu lao iara ka mare na. Namono tuana thofno keli fara salaꞌudi keha kantri te gnafa ka nauthoglu igne. Glosegna na thofno keli fara, eghuteuna leuleghu fata na au kmana gano tagna.

Hibru 4:3

Nu tahati naikno te fatutuani gre tangomana te ruma ka namono mala gnafa na tifa tifa. “Tahati laseni kaisei namono te thofno tutuani mala gnafa naugna God neke cheke eghu eidi mae Israel, ‘Ginauna na theome tangomana te mei ka namono te au iara na mala gnafa balugu iara!’ ” God ne cheke eghu theome eigna teke theome kulu tarabana mana kaisei namono te mala gnafa na, theo. Namono igne la kulu tarabanahi kate ke loku fagnafa nogna gloku na ka teke vuavuhadi mana gobigna lepo ka nauthoglu gne. Tutuani, nogna gnafa mana na fufunu ka narane tuana tifa tifa.

Nodi Khoje Hatimare Mae Jiu 106:26

Aonu mana ne eni kaisei cheke te thono nheta fara te mala lehe mare ke lamnagna namono nagou na.

Nodi Khoje Hatimare Mae Jiu 95:11

Iara diꞌatagu fara ka mare, naugna igne iara neke cheke eghu, “Ghotilo ginauna theome tei thoke ka kantri teke magnahagheni fara te tusu ari ka ghotilo mala gnafa.”

Nehemaea 9:23

Iagho tusu ranghidi kuꞌemi ghehati ra kmana sua mala jateula nathunu te au ka maloa na are neu. Eghuteuna iagho neke hata meidi mala au ka namono aheva teke chekeni iagho ka kuꞌedi mare ra.

Naba 26:65

Naugna Lord neke kulu cheke eidihi mare te ginau lehe ka namono nagou Sanai na, nu mae Kaleb thugna mae Jefune ghe mae Josua thugna mae Nun gre kolho te ginau karha ka vido tuana.

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Profet Jeremaea 18:10

Nu mare tirodi leghu ghau iara ne edi fabrahu glepo te theome keli ka gaoghathogu iara na. Eghuteuna iara ginauna theome edi glepo te keli teke kulu ghathodi iara mala edi ranghidi mare teku ra.