Naba 14:22 - Buka Blahi Ka Cheke Holo

²² Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Naba 14:22 ပူးပေါင်းရင်းမြစ်များ

Thoutonu Eigna Mae Job 19:3

Kmana fata ghotilo te cheke goigoni ghau iara na. Ba, ghotilo theome mamaja nomi kolho ka puhi te eni ghotilo ka iara igne?

Nodi Khoje Hatimare Mae Jiu 106:26

Aonu mana ne eni kaisei cheke te thono nheta fara te mala lehe mare ke lamnagna namono nagou na.

Jenesis 31:7

Nu kmana fata mana neke chaghi ghau iara nei mana neke tuthughu fofoligu iara na. Nu God na theome snakreni mae kmami ghopa gne te mala para ghau iara na.

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Eksodas 17:2

Aonu naiknore ne diꞌa tadi fara ka mae Moses, ne cheke eghu ka mana, “Tusu mei ka ghemi khoꞌu mala koꞌu ghehati!” Mae Moses ne cheke eghu ka naiknore, “Naugna unha site diꞌatami ghotilo ka iara gnea? Ba, ghotilo magnahaghei te fariu riuni nogna nolaghi Lord na sia?”

Hibru 3:9

God ne cheke eghu, ‘Iara neke au baludi mae ku'emi ghotilo ra ke lamnagna namono nagou phiatutu finogha. Jare hatimare neke fariuriu ghau iara neuba mare filodi kmana kofubobhoi nei fagaglana eghu teke edi iara re.’

Ululahu Korin 10:9

Eghuteuna tahati mala thosei fariuriuni Lord jateula mare eghu, eigna mogo na neke falehedi mare.

Ululahu Korin 10:5

Neuba God neke toghodi ngau, kmana theome thofno leghuni mana. Eghume God neke diꞌatagnadi fara nei falehedi neku ke lamnagna namono nagou na.

Matiu 4:7

Mae Jisas ne cheke eghu ka mana, “Nu te chekeni la ka grioriso te blahi ia, ‘Thosei fariuriuni Lord nou God!’ ”

Profet Malakai 3:15

Tahati filodi naikno te fahaehaghe igre mare au fakeli nodi nei glealeꞌa nodi eghu koba. Eghuteuna naikno te tapla jafra koba ka nakhibo igre mare au nodi kmana glepo te keli fara. Eghuteuna God na theome paradi kolho unha puhi te diꞌa te edi mare re eghu. Thono theo fara!’ ”

Nodi Khoje Hatimare Mae Jiu 106:14

Kate au teu mare ka namono nagou na, mare neke rofo fara, aonu mare neke tore gano ka God mala fariuriuni mana.

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Eksodas 14:11

Naiknore ne jaola ne cheke eghu ka mae Moses, “Iagho mala atha mei ghami ghehati agne mala lehe ka namono nagou igne neku sia? Ba, la ikohila si beku Ijep ia? Jame te keli na ghehati jame au neku kolho Ijep mala lehe kolho jare.

Jenesis 31:41

Iara neke loku jateula mae sneka neku ranghi nigho iagho varadaki finogha. Iara neke loku maladi phei thumu gaꞌase iagho igre nabotho fati finogha, eghuteuna keha namno finogha ra iara neke loku ranghi nigho iagho te mala hata keha nogu sipu nei nanigot teu na. Ka narane te loku iara ranghi nigho igre, iagho neke tughu fofoligu iara na nabotho fata ia eghu.

Eksodas 5:21

Aonu mae greireghi igre ne cheke eghu ka Moses ghe Eron, “Snakreni Lord mala para ghami ghopa eidi glepo te edi ghopa igre. Ghopa eni king nei nogna funei mana igre mala theome magnahaghei ghami ghehati jateula mae ihei te theome magnahagheni glepo te siri diꞌagna fara ia neu. Ghopa ei puhi ranghidi mare mala falehe ghami ghehati!”

Eksodas 15:24

Naiknore ne diꞌa tadi fara ka mae Moses ne nguru ngau ka mana ne ghusna eghu ka mana, “Ba? Na koꞌu unha si tahati ia?”

Eksodas 16:2

Naiknore ne diꞌa tadi fara ne nguru ngau ka mae Moses ghe mae Eron ka vido igne.

Eksodas 17:3

Nu naiknore ne thono rodi koꞌu fara ne nguru ngau fara ka mae Moses, ne cheke eghu ka mana, “Moses, mala unha neku neke atha ghami ghehati Ijep neke mei agne sagho ia? Ba, iagho atha mei ghami ghehati ka vido te theo khoꞌu gna igne mala lehe ghehati baludi thumi, nomi sipu nei nomi buluka teu igre ka groi koꞌu na neku sagho ia?”

Eksodas 17:7

Naiknore ne diꞌa tadi ne fariu riuni Lord ne ghusna eghu, “Lord na au baluda tahati ba theo?” Aonu mae Moses ne kiloni vido igne Masa, gaoghathogna na “Fariu riu” nei Meriba, gaoghathogna na “Diꞌa tadi.”

Naba 11:1

Aonu naiknore ne funu cheke faparini Lord, naugna mare ne au mei fara kmana puhi tadi. Kate nomhini igne, Lord ne thofno diꞌatagna fara, ne fasoru khaꞌaghi na ka mare, eghuteuna keha naikno ka mare ne lehe, eghuteuna keha vido, nei suga teu te au mare re ne nhako ka khaꞌaghi biꞌo na.

Naba 11:4

Ka vido tuana, keha naikno te diꞌare ne au baludi naiknodi Israel. Eghuteuna naikno te diꞌa igre magnahaghei te ima gano te keli, nafnata gano teke ima mare Ijep. Aonu naiknodi Israel re ne diꞌanagnafadi fara, ne funu cheke faparini Lord ne cheke eghu, “Ghehati magnahaghei te ima nafnahi sia!

Naba 12:1

Kate au teu mare ka vido Haserot na, mae Eron ghe Miriam gre ne cheke faparini mae Moses, mae thabusidi na, naugna mana ne tolaghi ka gaꞌase gna kantri Etiopia.

Naba 14:2

Aonu mare ne cheke balu diꞌatadi ka mae Moses ghe mae pris Eron, “Jame keli kolho teke lehe ghehati Ijep, ba ka namono nagou na!

Diutronomi 9:7

“Ghotilo thosei ghatho ihoni unha teke eni Lord nomi God ka namono nagou ia, mana neke diꞌatagna fara ka ghotilo. Funu ka narane teke jifla ghotilo Ijep te thoke ka narane te mei posa ghotilo ka namono igne, ghotilo neke theome leghuni Lord.

Nodi Khoje Hatimare Mae Jiu 78:41

Kmana fata mare magnahaghei te fariuriuni noda God tahati naiknoda Israel. Uve, mare tirodini mae ihei te blahi fara na.

Naba 32:12

Nu mae Kaleb thugna mae Jefune, ka tharaknagna mae Kenas nei mae Josua thugna mae Nun eghu kolho te tangomana tei jugru ka vido tuana. Naugna phiamare ne ghatho tahu ghau iara.’

Profet Isaia 42:20

Ghotilo neke filodihi kmana glepo, nu ghotilo theome filo glanini kolho kaisei glepo. Uve, ghotilo au khulimi. Nu ghotilo theome nomhi fakelini kolho kaisei glepo.”