Naba 14:2 - Buka Blahi Ka Cheke Holo

² Aonu mare ne cheke balu diꞌatadi ka mae Moses ghe mae pris Eron, “Jame keli kolho teke lehe ghehati Ijep, ba ka namono nagou na!

Naba 14:2 ပူးပေါင်းရင်းမြစ်များ

Eksodas 15:24

Naiknore ne diꞌa tadi fara ka mae Moses ne nguru ngau ka mana ne ghusna eghu ka mana, “Ba? Na koꞌu unha si tahati ia?”

Naba 16:41

Ka keha narane na, naiknore mei ne cheke balu diꞌatadi ka Moses ghe pris biꞌo Eron ne cheke eghu, “Ei! Ghopa falehedi nogna naikno Lord re!” Eghuteuna kate cheke balu diꞌatadi te gnafa ka Moses ghe Eron na mare filo tei ka nogna Suga Tapuale te Blahi Lord na, ne filoni khoveo te toku tafru Suga Tapuale te Blahi na eghuteuna siasigla gna nogna nolaghi Lord na ne agha tongana ka vido tuana.

Eksodas 17:3

Nu naiknore ne thono rodi koꞌu fara ne nguru ngau fara ka mae Moses, ne cheke eghu ka mana, “Moses, mala unha neku neke atha ghami ghehati Ijep neke mei agne sagho ia? Ba, iagho atha mei ghami ghehati ka vido te theo khoꞌu gna igne mala lehe ghehati baludi thumi, nomi sipu nei nomi buluka teu igre ka groi koꞌu na neku sagho ia?”

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Ululahu Korin 10:10

Eghuteuna tahati mala thosei buiburini nogna gloku God ka nakarhadare jateula mare eghu, eigna engel gna glehe na neke falehedi mare.

Profet Jona 4:8

Eghuteuna kate haghe naprai na, God ne eni nuri te brana fara na ne ghaghafa mei ke maghati. Eghuteuna naprai na ne brana soru ka phaꞌugna mae Jona na ne glaꞌe soru mana. Aonu, mana ne cheke eghu, “Mala unha site karha teu iara gnea? Iara nabagu na mala lehe kolho!”

Profet Jona 4:3

Eghume Lord, snakre ghau mala lehe nogu. Mala unha site karha iara gnea? Nabagu na iara mala lehe kolho.”

Nodi Khoje Hatimare Mae Jiu 106:24

Nu ke leghu na mare ne tirodi fara te tei posa ka famane kantri Kenan, naugna mare neke theome fatutuani ni nogna nhaꞌa cheke God na.

Diutronomi 1:27

Mare au neku kolho ka nodi suga tapuale re, neke khuru cheke eghu, ‘Jauna Lord na tirogna ghami ghehati eghume mana hata fajifla ghami Ijep mala lehe ka khamedi kokhologna mae Amoa.

Naba 11:15

Eghuteuna jame te eghu fabrahu iagho puhi igne ka iara na, falehe ghau iara gognarola. Nu te reireghi ghau iara iagho na, thofno lisa ghau iara ka glehe mala theome thoke ghau puhi!”

Naba 11:1

Aonu naiknore ne funu cheke faparini Lord, naugna mare ne au mei fara kmana puhi tadi. Kate nomhini igne, Lord ne thofno diꞌatagna fara, ne fasoru khaꞌaghi na ka mare, eghuteuna keha naikno ka mare ne lehe, eghuteuna keha vido, nei suga teu te au mare re ne nhako ka khaꞌaghi biꞌo na.

Nodi Khoje Hatimare Mae Jiu 106:45

Mana kokhoni nognadi fara neke ghatho fapuloni nogna nhaꞌa cheke na, neke figri gaoghathogna na.

Thoutonu Eigna Mae Job 3:11

“Naugna unha ne theome lehe lamna ka thi'agna idogu na sara gnea? Naugna unha ne theome lehe kate jifla mei ka thiꞌagna idogu na sara gnea?

Ululahu Kings 19:4

Aonu mae Elija nolo kaisei narane thongana ne tei ka namono nagou na. Mana tei ne filoni kaisei gaju ikoi ne tei gnokro ka naungo gna gaju igne ne tarai, “Nabahi! Lord, iagho hata fadelei nakarhagu iara gne. Te keli na iara mala lehe jateula mae kmagu ra eghu kolho.”

Hibru 3:16

Iheire si teke nomhini chekegna God na nu patugama nagnafadire me theome leghuni mana teku ia? Naikno te gnafare mae Moses teke baubatudi mala jifla kokoni Ijep.

Naba 11:5

Ka teke au teku Ijep ia, ghehati neke ima ghemi sasa te magnahaghei ghehati re! Jaola, leuleghu fata re ghehati tangomana te ghamu ghemi kiukamba, melen, sulate, onioni, nei galiki eghu sia.

Naba 14:1

Ka bongi tuana naiknore ne vuha tanhi fabiꞌo naugna mare ne nomhini thoutonu eidi maedi vikegna mae Anak.

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Naba 16:13

Filo sagho! Iagho neke atha fajifla ghami ghehati ka famane namono Ijep mala falehe ghami ghehati ka namono nagou igne! Ne unha site magnahaghei funei ghami ghehati iagho gnea?

Naba 20:3

Mare ne cheke eghu, “Jame keli kolho teke lehe ghehati baludi iheire naikno teke lehe ke ulugna Lord ra!

Naba 20:4

Naugna unha si ghopa te tathalei fajifla ghami ghehati ka namono nagou gnea? Ba, mala lehe ghehati agne baludi nomi buluka igre?

Naba 21:5

Aonu mare ne cheke eghu ka Lord nei ka mae Moses, “Ba, iagho atha fajifla ghami ghehati Ijep mala lehe ka namono nagou igne sia? Vido igne theo gano nei khoꞌu eghu tagna na. Ghehati theome gleꞌa kolho te au agne na, nei ghehati tiromidi kolho gano te diꞌa fara igre.”

Nodi Khoje Hatimare Mae Jiu 106:25

Mare au neu ka nodi suga thapuale re ne cheke buiburini God, ne tirodi leghuni mana.

Eksodas 14:11

Naiknore ne jaola ne cheke eghu ka mae Moses, “Iagho mala atha mei ghami ghehati agne mala lehe ka namono nagou igne neku sia? Ba, la ikohila si beku Ijep ia? Jame te keli na ghehati jame au neku kolho Ijep mala lehe kolho jare.

Naba 17:6

Aonu mae Moses ne cheke ka naiknore, eghuteuna nabotho phei mae lidadi nabotho phei vikegna Israel gre ne atha ne mei nodi khodo re ka mana. Mana atha khodo igre nei jaola nogna khodo mae pris Eron na baludi.

Naba 20:2

Uve, vido te au mare na theome au khoꞌu. Aonu naiknore mei ne bara faligohodi mae Moses ghe mae pris Eron.

Diutronomi 9:23

“Eghuteuna jare Kades Banea, Lord neke cheke ka ghotilo mala tei ghotilo hata glose teke nhaꞌa chekeni mana na. Nu ghotilo neke theome leghuni nogna cheke mana na. Ghotilo theome fatutuani ni mana, ba leghuni mana.