Naba 14:19 - Buka Blahi Ka Cheke Holo

¹⁹ Eghume ka nou namha te biꞌo, iara tore nigho iagho mala atha fadelei nakhibodi naikno igre, jateula iagho teke atha fadelei nakhibodi naikno igre vuha ka teke jifla mare Ijep te thoke gognaro gne eghu.”

Naba 14:19 ပူးပေါင်းရင်းမြစ်များ

Eksodas 34:9

Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”

Nodi Khoje Hatimare Mae Jiu 78:38

Neuba mare ne eghu ngau, God na kokhoni nognadi fara, aonu mana ne hata koko nakhibodire ne theome paradi. Kmana fata mana diꞌatagna ka mare, nu mana loku fapulo diꞌatagna na.

Nodi Khoje Hatimare Mae Jiu 106:45

Mana kokhoni nognadi fara neke ghatho fapuloni nogna nhaꞌa cheke na, neke figri gaoghathogna na.

Eksodas 32:32

Neuba, iara tore nigho iagho mala atha koko nakhibodi naikno re. Nu jame te theo na, uve, iara tore nigho iagho mala ghiha koko nanghagu iara na ka buka teke rioriso nanghadi nou naikno iagho re ke lamnagna.”

Jemes 5:15

Te tarai ghotilo balu fatutuani na God ginauna na fakelini naikno te fogra tuana nei mana hata fadelei nakhibo jame teke edi mana re.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Profet Jona 4:2

Aonu mana ne tarai eghu, “Lord, kani au teku iara ka nogu kantri ia, iara lase nighohi te atha fadelei iagho nakhibodi naiknore. Ka puhi igne te fariu riu rikha te tei iara Spen ia. Iara kulu lase nigho iagho te keli fara nei kokhonidi teu naiknore. Iagho theome ghosei diꞌatamu, eghuteuna iagho ghatho tahudi fara naiknore. Uve, iagho tarabana fabrahu te mala atha fadelei nakhibodi naiknore, eghuteuna iagho theome mala paradi mare.

Profet Jona 3:10

God filoni te tughu nakarha naiknore. Aonu mana kokhonidi naiknore ne theome paradi leghuni unha teke chekeni mana tifa na.

Profet Daniel 9:19

Lord, fanomho sagho ka nomi tharai ghehati gre. Lord, hata fadelei sagho nakhibomi ghehati gre. Lord, fanomho mei ka ghehati sagho mala togho ghami. Faghose sagho, thosei ofo mala laseni naiknore te iagho God na. Kate au fakeli nou namono iagho Jerusalem igne nei ghehati nou naikno iagho gre au fakeli langau teuna, ghehati te gnafa na ginauna ghatho tahuni nanghamu iagho na.”

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Ululahu Kings 8:34

Te eghuna, neuba iagho ne au neu kligna, iagho fanomho mei ka nodi tharai nou naikno gre. Hata fadelei nakhibodi nou naikno iagho Israel. Eghuteuna ke hata fafigridi ka namono igne aheva teke tusu lao iagho ka kuꞌedi tifa ra.

Eksodas 33:17

Eghuteuna Lord ne cheke eghu ka Moses, “Iara ginauna thofno eni tutuani unha te toreni iagho na, naugna iara thofno lase nigho iagho fara, eghuteuna iara jaola keli tagu fara ka iagho.”

Naba 23:21

Iagho na theome filoni kaisei glepo te thokedi kokhologna mae Jekob ginauna. Eghuteuna theo kaisei hoholo te ginau thokedi naiknodi Israel gre. Lord na nodi God mare, eghuteuna leuleghu fata mana au baludi mare. Leuleghu fata na mare eha eigna God ngala nodi king mare na.

Nodi Khoje Hatimare Mae Jiu 85:2

Iagho neke atha koko nakhibomi nei atha fasnaglidi najafra teke edi ghehati nou naiknore.

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Profet Emos 7:2

mala ghilei thofno ghamu fahui gobigna lepo teke kotu ka vido tuana. Eghuteuna iara ne cheke eghu, “Lord God! Lord God hata fadeleidi nakhibodi nou naikno iagho te au Israel igre! Jame te paradi iagho naikno igre na, na faꞌunha eghu karha sigrea?”

Profet Emos 7:5

Iara ne cheke eghu, “Lord God! Iagho falelehe khaꞌaghi igne! Jame eghu te paradi iagho naikno igre na, na faꞌunha eghu karha sigrea?”