Naba 14:12 - Buka Blahi Ka Cheke Holo

¹² Iara ginauna falao kaisei khabru te diꞌa mala lehe mare. Nu iara ginauna eni nigho iagho mala kuꞌedi keha vike teke biꞌo nei ke nhetadi mare teu are.”

Naba 14:12 ပူးပေါင်းရင်းမြစ်များ

Eksodas 32:10

Iara thono diꞌatagu fara ka naikno igre, eghuteuna iara ginauna goigonidi nei roꞌedi eghu mare. Iagho thosei fariuriu lhoti ghau iara. Iara ginauna eni nigho iagho baludi iheire nate karha mei ke leghumu iagho re mala kaisei vike biꞌo.”

Fapea Samuel 24:1

Lord ne diꞌatagna ka naiknodi Israel. Aonu mana ne tusu lao gaoghatho ka mae Devet mala eꞌei puhi biꞌo ka mare. Lord ne cheke eghu ka mae Devet, “Iagho tei kaha naiknodi Israel ghe Juda.”

Naba 25:9

Khabru igne neke falehedi varadaki fati thogha naikno.

Eksodas 5:3

Nu Eron ghe Moses heta ghedi fabrahu ne cheke eghu, “Nomi God ghehati mae Hibru neke chekehi balumi ghepa. Snakre ghami ghehati sagho mala tei ghehati ka namono nagou gno mala fafara ka Lord nomi God nabagna thilo narane. Jame te theome eni ghehati igne na, God ginauna falehe ghami ka fogra ba kau magra.”

Levitikas 26:25

Iara ginauna snakreni magra biꞌo na mala roꞌeni nomi vido ghotilo na, mala para ghami ghotilo naugna ghotilo ne huhughuni nhaꞌa cheke teke eni iara balumi ghotilo ia. Eghuteuna jame te rikha te tei poru ghotilo ka vido keli ka nomi namonore, iara ginauna kuru ari thua nafnata fogra mala thoke ghami ghotilo, eghuteuna iara ginauna snakre lao ghami ghotilo ka khamedi nomi naoka ghotilo re.

Diutronomi 28:21

Eghuteuna Lord ginauna snakre ari fogra biꞌo ka ghotilo mala ghilei lehe fahui ghotilo, eghuteuna theo kaisei naikno nate au ka glose aheva nate tei te au ghotilo tagna na.

Profet Esikiel 20:13

“ ‘Neuba ngau, naiknodi Israel gre neke cheke fapari ghau iara ke lamna namono nagou. Eghuteuna neuba mare ne laseni eigna ihei te leghudi nogu vetula iara re mana ginauna au ka nakarha te keli teu igne, mare tirodi leghudi kolho nogu vetula, nei nogu farirhiu teu iara re, eghuteuna mare ghathoni narane Sabat gne jateula te fiti narane ra eghu kolho. Eghume te chekeni iara na, iara tarabanau kolho te mala goigonidi mare ke lamna namono nagou na, mala haimini mare te diꞌatagu iara ka mare na.