Naba 14:11 - Buka Blahi Ka Cheke Holo

¹¹ Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Naba 14:11 ပူးပေါင်းရင်းမြစ်များ

Nodi Khoje Hatimare Mae Jiu 106:24

Nu ke leghu na mare ne tirodi fara te tei posa ka famane kantri Kenan, naugna mare neke theome fatutuani ni nogna nhaꞌa cheke God na.

Nodi Khoje Hatimare Mae Jiu 78:32

Neuba God ne edi kofubobhoi igre ka mare, mare heta ghedi fara ngala ka puhi nakhibo na nei te theome rouronu ka mana na eghu.

Nodi Khoje Hatimare Mae Jiu 78:22

Naugna mare ne theome rouronu ni mana, nei theome fatutuani ni mana eghu nate fakarhidire.

Diutronomi 1:32

“Nu neuba iara ne cheke faꞌunha teuna ka mare, mare theome tangomana te fatutuani ni Lord, noda God. Leuleghu fata na mana batu ghita mei mala gnafa ka vido te keli, eghuteuna mana falalase nabrou ka tahati, eghuteuna ka bongi na mana kulu tei ke uluda ka kaisei khaꞌaghi, eghuteuna ka narane na mana kulu tei ke uluda ka kaisei khoveo biꞌo te kegra fadoglo haghe, nu mare theome tangomana te fatutuani ni mana.”

Hibru 3:8

Thosei patugama nagnafami are, jateula teke eni mae ku'emi tifa teke huhughuni chekegna God. Mare neke edi unha te theome magnahaghedi mana re ke lamnagna namono nagou na.

Jone 12:37

Neubane edi mana kmana kofubobhoi ke uludi mae Jiu, mare theome fatutuani ni ngala mana ne mae Kraes teuna.

Naba 14:27

“Niha fata buiburi ghau iara si naikno te diꞌa igrea? Tutuani, iara nomhidi nodi cheke mare te buiburi ghau iara igre.

Naba 14:23

Eghume theo kaisei naikno ka mare te ginau filoni glose teke nhaꞌa chekeni iara ka kuꞌedi mare ra.

Hibru 3:18

Ka iheire si teke nhaꞌa cheke mana tadi mala theome gnafa balugna teku igrea? Mana neke cheke ka naikno te theome leghudi nogna chekere.

Hibru 3:16

Iheire si teke nomhini chekegna God na nu patugama nagnafadire me theome leghuni mana teku ia? Naikno te gnafare mae Moses teke baubatudi mala jifla kokoni Ijep.

Eksodas 16:28

Aonu Lord ne cheke eghu ka mae Moses, “Ghema Moses, niha fata tiromi fanomho ka nogu cheke nei ka nogu farirhiu teu iara gre siba ghotilo mae Israel grea?

Jone 15:24

Iara neke edi glepo te theome tangomana kaisei naikno te edi re fari hoteidi mare. Jame theome edi iara igre na, naiknore jame theome tangomana te filo glanidi nakhibodire. Eghume neuba ngau mare ne filodihi glepo te edi iara re, mare theome kafe magnahaghei ghami ghepa mae Mama.

Jone 10:38

Nu jame edi iara unha te edi mae Mama re, neubane theome fatutuani ghau iara ghotilo, ghotilo jame fatutuanidi unha te edi iara re. Aonu, ghotilo ginauna laseni mae Mama na au ke lamnagu iara, nei iara au ke lamnagna mae Mama.”

Nonomho Te Keli Teke Risoi Mae Mak 9:19

Mae Jisas ne cheke eghu, “Tore, ghotilo naikno gre theome fatutuani ni God kolho! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Matiu 17:17

Mae Jisas ne cheke eghu, “Tore, ghotilo naikno gre theome fatutuani ni God kolho! Puhimi ghotilo re thono kafe jafra fara! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Profet Sekaraea 8:14

“Tifa na, iara neke diꞌatagu ka kuꞌemi ghotilo ra. Iara neke ghaoghaho mala snakreni puhi biꞌo igne mala thokedi mare, eghume iara neke paradi mare.

Profet Hosia 8:5

Iara theome magnahagheidi buluka te horo maedi Samaria ka gol te pogho soru tagna igne. Iara thono diꞌatagu fara ka naikno igre. Niha fata thona fabrahu ka tathagu iara na si naikno igrea?

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Proveb 1:22

“Ghotilo iheire te theome au tami gaoghatho te keli ra, ghotilo magnahaghei te au jateula tuana eghu fabrahu? Ghotilo jateula naikno te fameomekro eghu. Ghotilo theome magnahaghei te hata glalase te keli, eghuteuna ghotilo cheke fahaehaghe tagna. Niha nau koko nga ghotilo puhi igne?

Nodi Khoje Hatimare Mae Jiu 95:8

“Ghotilo thosei maumaku jateula teke edi ku'emi tifa ka namono nagou Meriba te kiloi Masah.

Eksodas 10:3

Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Eksodas 32:9

Aonu Lord ne cheke eghu ka Moses, “Iara filodi naikno igre maku jateula thina eghu fara nagnafadi re.

Naba 32:10

Ka narane tuana, Lord ne diꞌatagna fara, ne cheke eghu ka ghehati,

Profet Jeremaea 13:10

Naikno te diꞌa igre tirodi leghu ghau iara. Mare theome fanomho, nu mare leghuni kolho unha te magnahagheni thedi na. Mare leghudi nei tarai eghu ka nodi god mae bongihehe. Naugna igne, naikno igre ginauna theo nafudi jateula pohe te theo nafugna te theo kaisei naikno te magnahaghei pipichi ka pohe tuana.

Profet Esikiel 20:13

“ ‘Neuba ngau, naiknodi Israel gre neke cheke fapari ghau iara ke lamna namono nagou. Eghuteuna neuba mare ne laseni eigna ihei te leghudi nogu vetula iara re mana ginauna au ka nakarha te keli teu igne, mare tirodi leghudi kolho nogu vetula, nei nogu farirhiu teu iara re, eghuteuna mare ghathoni narane Sabat gne jateula te fiti narane ra eghu kolho. Eghume te chekeni iara na, iara tarabanau kolho te mala goigonidi mare ke lamna namono nagou na, mala haimini mare te diꞌatagu iara ka mare na.

Eksodas 23:21

Ghotilo famane fanomho fakeli nei leghudi eghu unha te chekedi mana re. Te theome leghudi ghotilo unha te chekedi mana re, mana ginau na thono diꞌatagna fara ka ghotilo, naugna iara la tusu laohi ka mana nogu nolaghi na.