Naba 13:8 - Buka Blahi Ka Cheke Holo

⁸ Ka vikegna mae Efrem na, mana ne vahini mae Hosea, thugna mae Nun.

Naba 13:8 ပူးပေါင်းရင်းမြစ်များ

Naba 11:28

Mae Josua thugna mae Nun mae ihei teke toghoni mae Moses kani majaghani gna teku na, mana tei ka mae Moses ne cheke eghu, “Nogu mae velepuhi ia, chekedi mare mala kmu!”

Eksodas 24:13

Aonu mae Moses ghe mae Josua ne tarabana ne jifla ne tei, eghuteuna mae Moses ne haghe ka nogna thogele God na.

Josua 1:16

Vikegna mae Ruben, vikegna mae Gad, nei vikegna mae Manase ne cheke eghu ka mae Josua, “Gobigna lepo te chekedi iagho ka ghehati igre, ghehati na ediu, eghuteuna ka vido aheva iagho te magnahaghei kuru tei ghami na, ghehati ginauna tei tagna.

Diutronomi 34:9

Eghuteuna mae Josua thugna mae Nun neke tughuni mae Moses, eghuteuna Lord ne toghoni mae Josua ne lalase fara, naugna mae Moses neke taofinihi mana. Aonu naiknodi Israel igre ne leghuni mana ne edi jateula teke chekedi Lord ka mae Moses ra neu.

Diutronomi 32:44

Aonu Moses ghe mae Josua, thugna mae Nun, ne iuꞌiju chekegna khoje igne ka naiknodi Israel te mei fanomho igre.

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Diutronomi 31:14

Aonu Lord ne cheke eghu ka mae Moses, “Gognarona, nou narane te mala lehe iagho na la namohi. Kilo meini mae Josua mala mei ka nogu Suga Tapuale te Blahi iara na. Eghuteuna iara ginauna fablahi ni mana jare mala nodi lida mae Israel.” Aonu mae Moses ghe mae Josua ne tei ka Suga Tapuale te Blahi na.

Naba 13:16

Igre nabotho phei mae teke kuru tei mae Moses mala tei filoni vido Kenan na. Eghuteuna mana neke tughu nanghagna Hosea thugna mae Nun na, ne kiloni mana Josua.

Eksodas 32:17

Josua neke balugna Moses ka teke soru mana funugna holo ka thogele ro, eghuteuna mae Josua ne nomhidi naogladi naikno te eha fabiꞌo re, aonu mana ne cheke eghu ka Moses, “Iara ne nomhidi naogladi re jateula mae naoka te mei te magra ka naikno tahati ra eghu!”

Naba 13:7

Ka vikegna mae Isaka na, mana ne vahini mae Igal, thugna mae Josef.

Naba 13:9

Ka vikegna mae Benjamin na, mana ne vahini mae Palti, thugna mae Rafu.

Ululahu Kronikols 7:27

Mae Nun ne karha ka mae Elisama. Eghuteuna mae Josua neke karha ka mae Nun.