Naba 13:31 - Buka Blahi Ka Cheke Holo

³¹ Nu keha mae teke tei balugna mana re ne cheke eghu, “Theo! Tahati theome naba te ari falehedi mare na! Naikno tuare ke nhetada tahati ngala!”

Naba 13:31 ပူးပေါင်းရင်းမြစ်များ

Diutronomi 1:28

Mala unha kolho si tahati te tei ka namono ignea? Mae teke tei fasigho ka namono igne pulo mei neke famamhaghu ghami ghehati kate chekeni mare te maedi ka namono tuana mare rheta fara nei thono brahu salaꞌu ghita tahati. Eghuteuna nodi namono biꞌo mare igre bara ka thina haghe fara kligna. Eghuteuna mare jaola filodi goigholi ka kokhologna mae Anak jare.’

Josua 14:8

Nu keha mae teke tei balugu iara ra teke edi keha nafnata thoutonu te mhaghu nodi naiknore. Tutuani fara, iara neke thofno leghu fakelini nogna cheke Lord, noda God tahati maeda Israel.

Hibru 3:19

Eghume te laseni tahati na, mare theome tangomana te thoke ka namono te mala gnafa na naugna mare ne theome fatutuani ni God.

Naba 32:9

Ke leghugna teke haghe thoke ka gloha Eskol, mare ne tei filo tonganadi namono tuare. Nu kate pulo dire, mare ne faglaꞌe gaoghathodi mare mala tei ka vido glose Kenan teke tufa Lord ka mare na.

Diutronomi 9:1

Aonu mae Moses ne cheke eghu, “Naiknomi Israel, ghotilo fanomho fakeli! Gognarona ghotilo namo kasa ka Khoꞌu biꞌo Jordan mala tei hata glose na ka naikno te nheta ulu ghami ghotilo. Nodi namono re biꞌo fara, eghuteuna gringni thina te bara te lithui na thono haghe fara.

Naba 13:30

Nu mae Kaleb ne eni fagaglana ka iheire naikno te fodu balugna mae Moses re mala kmu mare, aonu mana ne cheke eghu, “Tahati na tei falehedi mare gognaro gne mala atha tahati vido tuana. Tahati tangomana ngala te uludi mare na!”

Ululahu Samuel 17:33

King ne cheke eghu, “Theo, iagho theome nabamu! Mae igne mae soldia funu tifa mei, nu iagho kaisei mae majaghani kolho.”

Naba 32:7

Jame te eghu na, ghotilo ginauna faglaꞌe gaoghathodi mare re, mala tei salaꞌuni vido glose teke tufa Lord ka mare na.