Eghume iara na soru mala fakarhidi ka nodi nolaghi naiknodi Ijep eghuteuna batu fajifladi ka namono igne. Iara ginauna athadi tei ka kaisei namono te krepa nei keli eghu, eghuteuna glosegna na thono keli fara, eghuteuna leuleghu fata na au kmana gano fara. Namono igne gognarona, vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus eghu te au teu tagna na.
Naba 13:27 - Buka Blahi Ka Cheke Holo27 Mare ne cheke eghu ka mae Moses, “Ghehati neke tei ka vido teke kuru tei ghami ghehati iagho ia, eghuteuna glose jare na famane fara nei gano re karha kelidi fara! Filo sagho, aro sisi te atha te mei ghehati re. အခန်းကိုကြည့်ပါ။ |
Naba 13:27
22 ပူးပေါင်းရင်းမြစ်များ
Eghuteuna iara neke nhaꞌa chekehi mala atha fajifla ghami ghotilo ka nakarha te ninhigrana ka namono igne. Iara ginauna hata ghami tei ka kaisei namono te keli fara glosegna na, eghuteuna leghu fata na au kmana gano tagna. Igne nodi namono vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus.’
Lord na neke kulu nhaꞌa chekehi ka mae kuꞌemi ghotilo tifa ra te mala atha mei ghami ghotilo ka nodi glose hatimare mae Kenan, hatimare mae Hit, hatimare mae Amo, hatimare mae Hivi nei hatimare mae Jebus. U glose igne thofno keli fara te mala karha gano na. Eghume kate atha ari ghami Lord ka vido glose igne na, ghotilo mala eni Gaghamu biꞌo eigna Bret te Theo Isi gna na leuleghu finogha ka nhigra Abib.
Iara ginauna hata teidi ka glose te thofno keli fara teke nhaꞌa cheke iara ka kuꞌemi ghotilo tifa ra. Eghuteuna kate au mare tagna na, mare na au ghedi kmana gano, eghuteuna mare ginauna glealeꞌa fabrahu. Neuba mare ginauna nake figri ke tarai nei pogho soru eghu ka keha god delei na figri tagru ghau iara, eghuteuna mare ginauna huhughuni u nhaꞌa cheke teke eni iara baludi mare ia.
Nu kani au nga teku naiknodi Israel gre ka namono nagou na, iara neke cheke faheta ka mare eigna iara ginauna na theome batudi mare tei ka famane namono aheva teke tusu lao iara ka mare na. Namono tuana thofno keli fara salaꞌudi keha kantri te gnafa ka nauthoglu igne. Glosegna na thofno keli fara, eghuteuna leuleghu fata na au kmana gano tagna.
Ka narane tuana, iara neke eni kaisei nhaꞌa cheke te rheta mala hata fajifladi Ijep, eghuteuna batu teidi ka kaisei namono aheva teke kulu vahini iara te mala au mare tagna na. Namono igne famane keli fara salaꞌudi keha kantri te gnafa ka nauthoglu igne. Glosegna na thono keli fara, eghuteuna leuleghu fata na au kmana gano tagna.
Eghuteuna iara neke tajini nogu nhaꞌa cheke na neke snakreni kaisei vido glose te biꞌo ka ghotilo.” Eghuteuna glose igne thofno keli fara ka gano na maladi mae kuꞌemi ghotilora.’ ” Igne namono te au ghotilo tagna gognarogne. Kate cheke te gnafa Lord cheke igre, iara ne cheke eghu, “Tutuani fara Lord, iagho tangomana te eni unha te chekeni iagho na!”
Nu iara neke nhaꞌa chekehi ka ghotilo te mala atha ghotilo nodi glose mare na. Uve, iara ginauna tusu ari ka ghotilo mala khotogna namono aheva glosegna na thofno keli fara, eghuteuna leuleghu fata na au kmana gano.” Iara Lord, nomi God ghotilo. Iara neke vahi ghami ghotilo neke hata fajifla ghami ka keha naikno re, mala nogu naikno iara.
Mare magra ne hata namono ringni te lithui ka thina nei glose te thofno keli fara teu igre. Mare neke hata suga te fodu ka famane glepo te keli nei seu teke dokhahi naikno teke au ka namono igne, nei nagare grep, nei nagare oliv, nei keha gaju te ure kmana sisi te keli tadi. Mare ghamu kmana gano fara ne ghilei blokha fara. Eghuteuna leuleghu fata na mare glealeꞌa fara ka glepo teke tusu lao iagho ka mare igre.
ကြော်ငြာတွေ