Naba 13:23 - Buka Blahi Ka Cheke Holo

²³ Kate thoke lao mare ka gloha Eskol, mare tei ne kato nure gna gaju grep te ure re. Nure gna gaju grep igre tahu fara, eghume keha phei mae te pala gna na eghu. Eghuteuna mare jaola atha keha sisi pomegranet baludi keha sisi gna gaju fig.

Naba 13:23 ပူးပေါင်းရင်းမြစ်များ

Naba 32:9

Ke leghugna teke haghe thoke ka gloha Eskol, mare ne tei filo tonganadi namono tuare. Nu kate pulo dire, mare ne faglaꞌe gaoghathodi mare mala tei ka vido glose Kenan teke tufa Lord ka mare na.

Naba 13:24

Mare kiloni gloha tuana na, Gloha Eskol, gaoghathogna na “Nure,” naugna nure gna grep te kato mare jare na biꞌodi fara.

Jajis 16:4

Ke leghudi igre, Samson ne magnahagheni fara kaisei gaꞌase te au ka glogu Sorek. Nanghagna Delila.

Jenesis 14:13

Nu kaisei mae teke rikha ka magra na ne tei posa ka mae Ebram. Mana tei ne toutonu ka mae Ebram eigna mae Lot nei eidi phei namono Sodom ghe Gomora gre. Mae Ebram gne tei au neu rhegna nogna gaju biꞌo mae Mamre na. Mae Mamre gne kaisei mae ka vikegna mae Amo, eghuteuna mana au phei mae thabusigna, mae Eskol ghe mae Aner. Thilo mae igre kheragna fofodu mae Ebram.

Diutronomi 8:8

Glose igne au nagare wit nei bali, nei sisi grep, nei sisi pomegranet, nei gaju fig, nei gaju oliv, nei jaola au kmana jurukuli.