Naba 13:22 - Buka Blahi Ka Cheke Holo

²² Ulu lahu na mare doglo ne tei mala filoni keha phile vido glose ke raru na ne ghilei thoke Hebron te au mae Ahiman, mae Sesae, nei mae Talmae. Naikno te au Hebron gre jifla mei ka tharakna gna mae Anak. Eghuteuna namono biꞌo Hebron gne neke eni haghe fitu finogha ke ulugna namono Soan jare Ijep.

Naba 13:22 ပူးပေါင်းရင်းမြစ်များ

Nodi Khoje Hatimare Mae Jiu 78:43

Ka narane tuana God neke edi kofubobhoi ka sare Soan jare Ijep, nu mare neke theome ghathodi kolho neku.

Nodi Khoje Hatimare Mae Jiu 78:12

God neke eni kaisei kofubobhoi mala filoni mare neku ka sare na jare Soa ka kantri Ijep.

Profet Isaia 19:11

Hatimare mae mala baubatu ka namono Soan, nodi namono biꞌo mae Ijep, mare fameomekro jateula glepo te theo nafudi eghu kolho. Eghuteuna nogna mae glalase king gna Ijep igre, mare tusu lao gaoghatho fameomekro ka mana. Tore! Jame teuna, faꞌunha eghu chekeni iagho ne lalase iagho teuna, eghuteuna faꞌunha eghu iagho tangomana te chekeni iagho neke vikedi mae king tifa ra teuna?

Profet Isaia 30:4

Nomi mae funei ghotilore la kulu teihi ke raru namono biꞌo Soa, eghuteuna mae mala hata nonomhore la teihi ke mata Hanes mala hara thotogho heva heva ka kantri Ijep.

Jajis 1:10

Eghuteuna mare tei ne magra ka naiknodi Kenan ka namono Hebron, nanghagna ulu lahu na Kiriat-Aba. Ka namono igne mare ne uludi vikegna Sesae, nei vikegna Ahiman nei vikegna Talmae.

Profet Isaia 19:13

Hatimare mae mala baubatu ka phei namono Soan ghe Mefis igre la fameomekro gognarona! Mae biꞌo ka kantri igne baubatu fadiꞌadi naiknore!

Fapea Samuel 2:11

Mae Devet ne au soru ka namono Hebron ne funei frunidi naiknodi Juda nabagna fitu finogha namno nhigra.

Fapea Samuel 2:1

Ke leghugna te lehehi mae Sol ghe mae Jonatan igne, mae Devet ne tarai eghu ka Lord, “Lord, iara tangomana te tei au ka kaisei namono jare Juda na, ba theo?” Lord ne cheke eghu, “Uve, iagho tangomana te tei na.” Aonu mae Devet ne cheke eghu ka Lord, “Ka namono aheva nate tei au iara na?” Lord ne cheke eghu ka mana, “Iagho tei au ka namono Hebron.”

Naba 13:17

Nu ame kuru teidi nga mare teuna, mana neke cheke eghu ka mare, “Ghotilo ginauna tei salaꞌuni namono nagou na ke phile raru gna Kenan, eghuteuna ghotilo ginauna doglo tei ke phile holo tei thoke ka thogele gro.

Jenesis 23:2

Naꞌa neke lehe ka kantri Kenan ka namono Kiriat Araba, fapea nanghagna na Hebron. Mae Ebraham ne thofno au diꞌanagnafa ne tanhi ni Sera.

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Naba 13:28

Nu naikno te au jare re nheta fara, nei namono dire thono biꞌo fara, eghuteuna au gringni thina biꞌo faligohoni namono na. Ghehati jaola filodi mae ka vikegna Anak. Mae iheire te nheta fara, brahu fara nei biꞌo fara.

Diutronomi 9:2

Eghuteuna naiknore brahu fara, nei thono nheta fara, mae igre vikegna mae Anak. Ghotilo lasedi eghuteuna te nomhidi ghotilo eidi mae igre na, mare chekeni te theome tangomana kaisei mae te uludi vikegna mae Anak.

Josua 10:36

Ke leghugna igne, mae Josua balugna nogna armi na jifla Eglon ne tei Hebron. Mare magra jare,

Ululahu Samuel 30:31

nei Hebron. Eghuteuna mana jaola fatei namha ka hatimare mae mala baubatu ka keha namono teke au balugna mana tifa ra.

Fapea Samuel 21:16

Kaisei mae biꞌo fara jateula goigholi teuna au ka armigna Filistia, nanghagna na Isbi-beno, mana magnahaghei te faleheni mae Devet. Mana hata kaisei goru te horo ka bras kheꞌigna na, eghuteuna tahu gna na, thilo kilo gram vidogna, eghuteuna mana jaola au kaisei naflahi majaghani mala magra.