Naba 13:21 - Buka Blahi Ka Cheke Holo

²¹ Aonu nabotho phei mae igre jifla ne tei mala filoni vido tuana. Mare ne funu ka namono nagou Sini ke mata, ne doglo ne tei ka namono Rehob, rhegna vido Lebo-Hamat ke raru Kenan.

Naba 13:21 ပူးပေါင်းရင်းမြစ်များ

Naba 33:36

Ke leghugna te jifla mare Esion-Geba na, mare neke tei au Kades ka namono nagou Sini.

Naba 20:1

Ka nhigra ululahu ka finogha tuana, naiknodi Israel re ne mei thokei ka namono nagou Sini ne mei au Kades. Ka vido tuana, Miriam ne lehe, aonu mare ne giugiluni naꞌa jare.

Naba 27:14

Iagho ginauna jaola lehe, naugna tifa na, kani au teku ghotilo ka vido te moja ka glokha khoꞌu jare Meriba ia, naiknore neke cheke fadiꞌa ghau iara, eghuteuna ghopa jaola neke theome leghu ghau iara nei theome fakakhana ka naiknore te blahi iara na.” (Glokha khoꞌu Meriba gne neke au ka vido te moja jare Sini, rhegna namono Kades.)

Josua 15:1

Igne nodi glose vikegna mae Juda. Glose igne funu ka namono nagou Sini eghuteuna tei thoke ka nohi ke mata nodi glose maedi Idom.

Josua 13:5

Eghuteuna ghotilo theome athau nodi vido glose mae Gebol keha phile ke maghati Lebanon, funu ka namono Balgad rhegna Thogele Hemon tei posa ka fofoflogna nabrou te tei posa ka namono Hamat.

Profet Emos 6:2

Ke leghugna te tei filoni namono biꞌo Kalneh na, ghotilo tei ne filoni namono biꞌo Hamat. Eghuteuna ghotilo lithui tei mala filoni namono biꞌo Gat ka kantri Filistia. Nu ghotilo theome tangomana te lasedi namono biꞌo igre te nheta ba nate ulu ghami ghotilo te au ka phei kantri Israel ghe Juda.

Fapea Samuel 8:9

Kate nomhini mae Toi king gna Hamat te uluni mae Devet nogna armi king Hadadesa igne.

Diutronomi 32:51

Naugna ghopa neke theome ghatho tahu ghau iara ke uludi naiknodi Israel tifa ra. Ka narane tuana ghopa neke au ka khoꞌu Meriba, rhegna namono Kades ke lamna namono nagou Sin, eghuteuna ghopa neke theome fakakhana te mae blahi iara na ka tathadi naiknodi Israel.

Diutronomi 1:24

Aonu mare jifla ne haghe ka thogelero eghuteuna mare mei ne thoke ka glogu Eskol, eghuteuna mare mei ne filo ligohodi namono igre.

Profet Jeremaea 49:23

Igne nogna cheke Lord eigna Damaskas. Mana ne cheke eghu, “Phei namono Hamat ghe Apadi ginauna nomho thoutonu diꞌa, eghuteuna mare ginauna nanga nodi fara nei mhaghu nodi fara eghu. Mare ginauna diꞌa thinidi fara jateula mae te au lamna vaka kate malu ra eghu.

Profet Jeremaea 52:9

Mare lokini mana jare atha ne tei ka King Nebukadnesa, te au ka namono Ribla ka nohi Hamat. Ka namono igne, King Nebukadnesa ne fateni mana.

Profet Esikiel 47:16

Aonu tei posa ka phei namono Berota ghe Sibraem, te au ka nohi te fofotadi phei namono Damaskas ghe Hamat. Eghuteuna nohi igne tei posa ka namono Hasahatikon, te au rhegna nohi Haoran.

Naba 34:8

aonu tei leghuni nabrou te tei salaꞌuni thogele Hamat, tei thoke Sedad,

Jajis 18:28

Theo kaisei te toghodi naiknodi Lais igre naugna Saedon au khaba fara ka mare, eghuteuna naiknodi Lais igre theome tangomana te au baludi naikno te au rhedire. Namono igne au ka kaisei glogu rhegna namono Bet-Rehob. Ke leghu, vikegna Dan igne neke horo fakeli namono igne neke au tagna.