Naba 13:20 - Buka Blahi Ka Cheke Holo

²⁰ Ba faꞌunha ngau glose na keliu mala jaꞌi gano na ba theo? Ba au gaju ngau ba theo? Eghuteuna kate pulo na ghotilo ginauna atha mei keha sisi grep ka vido tuana eghu.” Naugna jare na la thokeni hila nhigra te vuha muita sisi grep re.

Naba 13:20 ပူးပေါင်းရင်းမြစ်များ

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Profet Esikiel 34:14

Iara ginauna reireghi fakelidi ka glose te keli igne. Eghuteuna reꞌe ginauna tangomana te thuru soru ka vido aheva te au buburu te keli, eghuteuna reꞌe tangomana te ghamu ghedi buburu ke kligna thogele Israel.

Nehemaea 9:35

Ka narane hatimare mae king teke funei frunidi nou naikno iagho ra, iagho neke thofno fablahidi kuꞌemi ghehati ra neke tusu glepo te keli ka mare. Mare au ka kantri biꞌo, eghuteuna glosegna kantri igne thofno keli fara. Nu neuba ngau, mare theome leghuni puhimu iagho te doglo na, eghuteuna mare theome figri nagnafadi re ka puhidi te diꞌa re.

Nehemaea 9:25

Mare magra ne hata namono ringni te lithui ka thina nei glose te thofno keli fara teu igre. Mare neke hata suga te fodu ka famane glepo te keli nei seu teke dokhahi naikno teke au ka namono igne, nei nagare grep, nei nagare oliv, nei keha gaju te ure kmana sisi te keli tadi. Mare ghamu kmana gano fara ne ghilei blokha fara. Eghuteuna leuleghu fata na mare glealeꞌa fara ka glepo teke tusu lao iagho ka mare igre.

Hibru 13:6

Eghume tahati jaola cheke eghu ka nagnafa te nheta, “Iara ginauna theome mhaghu naugna Lord na nogu thotogho iara. Neuba naiknore na eni kaisei glepo te diꞌa ba falehe ghau iara, iara ginauna theome tangomana te figri tagruni God na.”

Profet Maeka 7:1

Iara kokhoni ghau fara! Iara diꞌa nagnafagu fara! Iara jateula mae te rofo fara te tei tafri mala hiro sisi mala ghamu teura eghu kolho. Nu theo kaisei sisi te au ka gaju fig nei gaju grep. Mare la atha fateohi sisi te gnafa re.

Ululahu Kronikols 22:11

Eghuteuna mae Devet neke cheke eghu ka mae Solomon, “Thuguo, Lord ginauna au balumu iagho, eghuteuna mana ginauna togho nigho iagho, mala tangomana iagho te horo nogna Sugablahi mana na, leghuni unha teke nhaꞌa chekeni mana na.

Josua 2:3

mana kurudi keha mae ne tei ka gaꞌase igne, ne cheke eghu ka naꞌa, “Iagho falalase phei mae te mei filo poru ka noda namono tahati gne, te mei au teu ka sugamu iagho na are!”

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Josua 1:6

Josua, kegra heta! Thosei mhaghu, ba suaraghi. Iagho mala batudi naiknore mala tei ruma haghe ka namono teke nhaꞌa chekehi iara ka kuꞌemi ghotilo tifa ra.

Diutronomi 1:25

Eghuteuna mare sene keha sisi hata neke pulo mei. Eghuteuna igne ripot teke eni mare na, ‘Namono te tusu mei Lord ka tahati igne kaisei namono keli tutuani fara.’

Naba 13:19

Faꞌunha vido tuana keli ba theome keli? Ba vido tuana au gringni thina gna ba theo?

Diutronomi 1:24

Aonu mare jifla ne haghe ka thogelero eghuteuna mare mei ne thoke ka glogu Eskol, eghuteuna mare mei ne filo ligohodi namono igre.

Profet Daniel 11:24

Eghuteuna ka vido te faꞌioiho teu naiknore, mana ginauna hata nohi te au kmana dedei ke lamnagna. Mana ginauna edi kmana glepo te diꞌa teke theo kaisei naikno ka vikegna manare teke edi tifa re: Mana ginauna tufa ka kheragna thegnare gobigna lepo teke tei hata mana ka magra re. Eghuteuna mana ginauna au nogna gaoghatho te mala tei magra hatidi vido te mala poru re, nu mana ginauna na theome au raugha kolho.

Josua 2:1

Kate au teu mae Josua baludi keha vikedi Israel ka vido te au gaju akesia igne, mana kurudi phei mae mala tei Kenan mala filo poru ka namono Jeriko nei ka namono te au faligohoni. Eghuteuna kate tei poru phei mae igre ke lamnagna namono igne, phei mae igre tei ne au ka sugagna kaisei gaꞌase vine, nanghagna na, Rehab.