Naba 13:1 - Buka Blahi Ka Cheke Holo

^1-3 Ka vido teke au teku mare ka namono nagou jare Paran, Lord ne cheke eghu ka mae Moses, “Iagho na vahidi nabotho phei mae lida, kaisei mae eghu ka vikemi ghotilo are. Eghuteuna iagho na kuru teidi mare mala tei filoni namono Kenan teke nhaꞌa cheke mala tufa ka ghotilo teku iara ia.” Aonu mae Moses ne edi jateula teke chekedi Lord re, ne vahidi nabotho phei mae lida mala tei filoni vido tuana.

Naba 13:1 ပူးပေါင်းရင်းမြစ်များ

Naba 12:16

Ke leghugna tuana, mare ne jifla kokoni vido Haserot na ne tei au ka namono nagou Paran.

Diutronomi 1:22

“Nu ke leghu na, kuꞌemi ghotilo ra mei filo ghau iara neke cheke eghu, ‘Te keli na tahati kuru tei keha mae mala tei fasigho poru ka namono igne. Eghuteuna kate pulo mei mare na, mare ginauna cheke ka tahati eidi namono nate thokedi tahati ginaure eghuteuna faꞌunha eghu tahati nate tei ka mare na.’

Diutronomi 1:23

“Eghuteuna igne jateula kaisei famane gaoghatho eghu ka iara. Aonu iara ne vahidi nabotho phei mae, kaisei ka kaisei vike.

Josua 14:7

Ka narane tura, iara neke phiatutu finogha gnahi, eghuteuna mae Moses nogna mae gloku Lord ia neke cheke ka iara mala tei fasigho ka namono Kades Banea. Aonu iara neke tei neke filodi unha te au teu jare na. Aonu iara neke pulo mei neke toutonu ka mana eidi unha teke filodi iara ka phei tathagu re. Iara neke theome chaichaghini mana.

Naba 13:13

Ka vikegna mae Asa na, mana ne vahini mae Setua, thugna mae Mikael.

Naba 34:17

“Mae pris Eleasa ghe mae Josua, thugna mae Nun, phiamare ngala mala fofotadi nodi vido naiknore te mala khotodi mare re.

Naba 34:18

Eghuteuna mae lida ka vikemi ghotilore mala toghodi phiamare.

Diutronomi 9:23

“Eghuteuna jare Kades Banea, Lord neke cheke ka ghotilo mala tei ghotilo hata glose teke nhaꞌa chekeni mana na. Nu ghotilo neke theome leghuni nogna cheke mana na. Ghotilo theome fatutuani ni mana, ba leghuni mana.

Josua 2:1

Kate au teu mae Josua baludi keha vikedi Israel ka vido te au gaju akesia igne, mana kurudi phei mae mala tei Kenan mala filo poru ka namono Jeriko nei ka namono te au faligohoni. Eghuteuna kate tei poru phei mae igre ke lamnagna namono igne, phei mae igre tei ne au ka sugagna kaisei gaꞌase vine, nanghagna na, Rehab.

Nodi Khoje Hatimare Mae Jiu 90:1

Lord, funu tifa tela ghilei mei posa gognaro gne, iaghou ngala te jateula sugami teu ghehati na.