Naba 12:6 - Buka Blahi Ka Cheke Holo

⁶ Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Naba 12:6 ပူးပေါင်းရင်းမြစ်များ

Ululahu Kings 3:5

Ka bongi igne mae Solomon ne thuru Gibeon, eghuteuna Lord ne mei ka mana ka kaisei mifi. Eghuteuna God ne cheke eghu ka mana, “Iagho tangomana te tore ka iara unha te magnahagheni iagho na, eghuteuna iara ginauna tusu ari ka iagho.”

Jenesis 46:2

Ka bongi tuana God ne thakle ka mana ne cheke eghu, “Jekop, Jekop!” Mae Jekop ne cheke eghu ka mana, “Iara au teu ao Lord.”

Luku 1:22

Kate ke figri meigna na, mana ne theome tangomana te facheke ka mare na. Eghume hatimare ne laseni Lord te thakle ranghini mana ka Sugablahi na. Naugna te theome cheke na, mana ne eꞌei fagaglana kolho kau khamegna na.

Luku 1:11

Eghuteuna, kaisei engel nogna Lord na ne mei thakle ka mae Sekaraea, ne kegra neu fei khame nheta ka olta mala fafara na.

Profet Daniel 10:8

Iara thegu kolho te au ka vido tuana, iara filoni mifi igne ne jaglo nogu fara. Aonu iara mhaghu nogu fara ne ghilei glaꞌe soru thinigu na.

Profet Esikiel 1:1

Iara mae Esikiel, thugna mae Busi, eghuteuna iara kaisei mae pris. Ka falima narane ka fafati nhigra ka fatolufulu finogha, God neke tothora maloa na neke fakakhana ka iara keha glepo ka mifi. Ka narane tuana, iara au neu ka geri Khoꞌu Keba ka kantri Babilonia baludi keha naikno teke hata mare teke jifla kokodi nodi namonore teke mei au Babilonia.

Mae Khuru 10:11

Mana ne filoni te thora u maloa na, eghuteuna kaisei glepo ne soru mei pari. Fifilogna na jateula kaisei pohe biꞌo te loku naikno ka fati khukrugnare te farurhu soru ra eghu.

Matiu 1:20

Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Profet Daniel 8:2

Ka mifi igne, iara kegra neu ke lamna bara ka namono biꞌo Susa ka provins Elam, eghuteuna iara kegra neu rhegna khoꞌu Ulai.

Matiu 2:19

Ke leghugna te lehe mae Herod na, kaisei engel nogna Lord ne thakle ranghini mae Josep kau mifi na ka namono biꞌo Ijep,

Profet Daniel 7:1

Ka finogha ululahu te funei fruni King Belsasa Babilonia igne, mae Daniel thuru ne filoni kaisei mifi. Aonu mana ne rioriso soru unha teke filodi mana ka mifi igne.

Profet Jeremaea 23:28

Jame kaisei mae profet chaichaghi magnahaghei te toutonu eigna nogna mifi na, mana tangomana te eni igne gognarona. Nu mae ihei te nomhini thofno chekegu iara na, mana na famane cheke fadoglo jateula teke tusu lao iara ka mana na eghu. Nodi mifi mae igre nei chekegu iara na teuna theome nanaba, naugna khune wit nei ganogna teure jaola theome nanaba!

Nodi Khoje Hatimare Mae Jiu 105:15

Mana neke cheke eghu ka hatimare mae king, “Ghotilo thosei goigonidi naikno teke vavahi iara igre, nei ghotilo thosei eni kaisei glepo te diꞌa ka nogu mae mala cheke iara igre eghu mae Ebraham, mae Isak nei mae Jekop.”

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Thoutonu Eigna Mae Job 33:15

Kate thuru teu naiknore, God tangomana te cheke mei ka mifi.

Thoutonu Eigna Mae Job 4:13

Igne kaisei mifi mei bongiro kate thofno thuru iho teu iara na, eghuteuna iara ne mhaghu nogu fara.

Eksodas 7:1

Aonu Lord ne cheke eghu ka Moses, “Fanomho ka igne. Kate tei iagho ka king na, iara ginauna tusu ari nolaghi ka iagho mala jateula God eghu ka mana. Eghuteuna thabusimu iagho Eron ginauna jateula kaisei profet eghu mala chekedi nou cheke iaghore ka king.

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Thakle 11:10

Naiknogna nauthoglu igne ginauna gleale'a fara kate nomhini tela lehehi phei mae profet igre na. Aonu naiknore ginauna eꞌei gaghamu nei tufa namha fari thedi. Naugna phei mae profet igre neke paradi fara kmana naikno ka nauthoglu igne.

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Mae Khuru 10:17

Kate hironi teu mae Pita u gaoghathogna u mifi igne, thilo mae teke kuru meidi mae Konilias re mei ne deni suga mae Simon na. Thilomare mei kegra neu ke kosi ka grengathagna u bara na.

Luku 20:6

Nu jame ‘Naikno kolho teke tusu lao nolaghi na ka mae Jone’, teu tahati na, naikno te gnafare ginauna fada falehe ghita ka thina, naugna mare fatutuani ni mae Jone gne kaisei nogna mae profet God.”

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Matiu 23:34

Eghume te chekeni iara ka ghotilo na. Iara ginauna kuru meidi ka ghotilo hatimare mae profet nei hatimare mae glalase nei hatimare mae velepuhi. Ghotilo ginauna falehedi keha naiknore. Ghotilo ginauna na tupijuru kehare kau gaju fafatha. Ghotilo ginauna puphuri kehare ke lamnadi nomi suga tharai re. Ghotilo ginauna ngolhi tafridi leuleghu namono.

Matiu 23:31

Ka nomi cheke themi tuare ghotilo cheke thakle ghauhi themi, ghotilo ngala thofno vikedi hatimare mae teke falehedi mae profet ra.

Matiu 27:19

Mae Paelat chekedi glepo igre kate gnokro mana ka sape fate na. Kate gnokro mae Paelat te fateni mae Jisas na, khetogna gavana igne ne famei kaisei nonomho. Nonomho igne cheke eghu, “Thosei eni kaisei glepo ranghini thau te theo kaisei nakhibogna tuana. Naugna ginei iara ne mifi eigna naꞌa ne theome thuru fakeli nogu.”

Hibru 1:1

Tifa na God neke vahidi keha mae profet mala cheke ranghidi mae ku'edara. Mana neke cheke ka mare kmana fata nei kmana nafnata puhi.

Jenesis 28:12

Kate thuru teu mana jare na, mana ne mifi ne filoni kaisei glalako funu pari posa kligna. Eghuteuna mana ne filodi nogna tothoghei engel God re ne haghe nei soru neu ka glalako igne.

Naba 24:4

Igne nogna cheke mae ihei te nomhini chekegna God na. Uve, igne nogna cheke mae ihei te filoni ka mifi unha te mei funu ka God te nolaghi.

Ululahu Samuel 3:15

Aonu mae Samuel nomhini cheke igne ne thuru soru ka nogna sape na ne ghilei rane. Eghuteuna kate dofra haghe hamerane na, mae Samuel tei ne tora grengathagna nogna Sugablahi Lord na. Nu mae Samuel ne mhaghu nogna te cheke thakleni cheke igne ka mae Eli na.

Ululahu Samuel 28:6

Aonu mana ne tarai ne toreni Lord unha nate eni mana na. Nu Lord ne theome cheke tughuni nogna tharai mana na, eghuteuna theo kaisei cheke tughu te mei ka mifi, ba ka hatimare mae pris, ba ka hatimare mae profet.

Ululahu Kings 3:15

Kate dofra haghe na, mae Solomon laseni Lord te cheke ka mana ka mifi igne. Aonu mana neke pulo Jerusalem. Eghuteuna mana tei ne kegra ke ulugna nogna Bokis Nhaꞌa Cheke Lord na ka vido aheva te mala gahu fafara na, keha gahu faknoro, keha fafara re mala fagaglana gna te au ka pharikeli balugna God. Ke leghugna igne, mana ne eni kaisei gaghamu biꞌo maladi nogna mae nafnaknore.

Profet Jeremaea 23:25

“Iara nomhidihi mae profet te toutonu chaichaghi ka nanghagu iara na igre. Mare cheke eghu, ‘Iara filoni kaisei mifi teke funu mei ka God! Iara filoni kaisei mifi teke funu mei ka God!’

Profet Daniel 2:19

Ka bongi igne, God ne fakakhana ka mae Daniel glepo igre ka mifi. Aonu mae Daniel ne cheke fakelini God,

Jenesis 28:16

Aonu mae Jekop ne dofra haghe ne cheke eghu, “Iara theome laseni te au teu Lord ka vido igne na! Tutuani fara, Lord na au ngala agne balugu iara.”

Jenesis 37:5

Kaisei fata mae Josep ne mifi. Kate toutonu ni mana eigna u mifi igne ka mare na, mare ne thofno diꞌatadi fara ngala ka mana.

Jenesis 37:9

Ke leghugna igne mae Josep neke fapea mifi. Mana ne jaola neke toutonu ka mae ke biꞌogna re eigna u mifi igne. Mana ne cheke eghu ka mare, “Iara neke filoni keha mifi na neke thakle mei ka iara, eghuteuna gognaro na naprai ghe glaba nei nabotho kaisei nathunu teure ne pogho soru ke ulugu iara.”

Diutronomi 18:15

Mana ginauna kuruni kaisei mae profet jateula iara eghu mala mei ka ghotilo. Mae profet igne kaisei mae kherami ghotilo, eghuteuna ghotilo ginauna mala leghuni mana.

Diutronomi 18:18

Uve, iara ginauna kuru mei kaisei mae profet jateula iagho eghu, eghuteuna mana ginauna kaisei mae kheradi thedi. Iara ginauna cheke lao ka mana nogu chekere, eghuteuna mana ginauna cheke ka naiknore gobigna lepo teke chekedi iara ka mana ra.

Ululahu Samuel 3:21

Eghuteuna leuleghu fata na Lord tangomana te mei ka mae Samuel Saelo, te cheke ka mana na.

Fapea Samuel 7:4

Nu ka bongi igne, Lord ne cheke eghu ka profet:

Profet Hosia 12:11

Neuba iara ne edi glepo igre, kmana ka ghotilo te au ka namono biꞌo Gilead igre edi kmana puhi te diꞌa. Ghotilo naikno te au ka namono tuana fafara ka mumuju. Eghuteuna ghotilo ginauna na kafe lehe kolho. Eghuteuna, nomi olta ghotilo te mala fafara ka mumuju tuare ginauna na jateula bukrei thina te au ka vido te gaera eghu theo nafudi kolho.

Profet Joel 3:1

Lord ne cheke eghu, “Ka narane tuana, iara ginauna nake tusu fapulo kmana glepo te keli ka naikno te au ka namono biꞌo Jerusalem nei ka keha vido ke lamnagna kantri Juda.

Profet Sekaraea 1:8

Ka bongi, iara ne filoni kaisei mifi. Ka mifi igne iara ne filoni kaisei engel nogna Lord ne gnokro ka hose ukru te kegra ke paridi gaju ikoi te kiloni mare matel ka kaisei glogu ikoi. Ke leghugna mana keha mae gnokro ke kligna hose te ukru, nei hose te via, nei hose te vegha.