Naba 12:15 - Buka Blahi Ka Cheke Holo

¹⁵ Aonu mare tei ne liliseini naꞌa ke kosigna namono na nabagna fitu narane. Eghuteuna mare ne theome tei kokoni vido tuana ne ghilei thokeni narane mala ke pulo mei naꞌa na.

Naba 12:15 ပူးပေါင်းရင်းမြစ်များ

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Profet Maeka 6:4

Kani teke loku jateula naikno sneka teku kuꞌemi ghotilo Ijep tifa ra, iara neke atha fajifladi ka kantri tuana mala snagla mare. Iara neke kuru teidi Moses, Eron, nei greghadi Miriam mala batudi mare mala ke pulo mei.

Lamentations 3:32

Neuba mana ne para ghita, nu mana ginauna tangomana te kokhoni ghita nei keli ranghi ghita teuna, naugna mana ghatho tahu ghita fabrahu.

Eksodas 20:12

“Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.

Levitikas 14:8

“Ke leghu, mae igne mala titihi fagae nogna pohe re eghuteuna ghoighori khakla gnare, eghuteuna mana mala apu, eghuteuna kate edi mana glepo igre, mana ginauna klino ka tathagu iara na. Funu ka narane tuana, mana tangomana te mei lamna ka vido aheva te au ghotilo tagna na, nu mana theome tangomana te tei lamna ka nogna suga tapuale na. Mana mala thuru kosi ka nogna suga tapuale na ghilei thokedi fitu narane.

Naba 12:16

Ke leghugna tuana, mare ne jifla kokoni vido Haserot na ne tei au ka namono nagou Paran.