Naba 12:10 - Buka Blahi Ka Cheke Holo

¹⁰ eghuteuna gromno na jaola ne jifla kokoni Suga Thapuale te blahi na. Ke leghugna tuana, kaisei khabru te thono diꞌa fara na ne thokeni Miriam ne fadiꞌani thinigna naꞌa na, eghuteuna guligna Miriam na jaola ne vegha fara. Aonu Eron figri lao ka naꞌa ne filodi thubu ka thinigna Miriam na.

Naba 12:10 ပူးပေါင်းရင်းမြစ်များ

Diutronomi 24:9

Ghotilo ghathoni unha Lord nomi God teke eni ka Miriam kani teke jifla ghotilo Ijep ia.

Fapea Kings 5:27

Naugna te eni iagho igne, iagho nei vikemu iagho teu igre ginauna au papara fabrahu ka khabru leprosi teke au ka thinigna mae Naman na igne.” Kate jifla mae Gehasi ka mae profet Elisa na, khabru te diꞌa igne ne kasa ka mae Gehasi, eghuteuna thinigna mana na ne thofno vegha fara.

Fapea Kings 15:5

Lord ne nhaꞌa lao kaisei thubu te thono diꞌa fara te kiloi leprosi ka thinigna mae king na ne ghilei lehe mana. Aonu mana tei ne au sopa thegna ka kaisei suga, eghuteuna mae Jotam thugna mana igne teke gavana ka kantri Juda.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Profet Hosia 9:12

Eghuteuna neubane au thumi ghotilo, nu iara ginauna na kafe falelehe thumi ghotilore. Ghotilo kokhoni ghami fara. Eigna kate tei koko ghami iara na, kmana nafnata puhi te diꞌa ginauna na thoke ghami ghotilo.

Eksodas 4:6

Lord neke cheke eghu ka Moses, “Iagho nhaꞌa lao khamemu na lamna ka nou pohe na.” Aonu Moses ne leghuni unha te chekeni Lord igne ne nhaꞌa lao lamna ka nogna pohe na. Eghuteuna kate atha fajifla mana khamegna na, bakua ne thafru ka khamegna na mana na, eghuteuna khame igne ne thofno diꞌa filogna na.

Naba 5:2

“Cheke ka naiknodi Israel mala kuru fajifladi iheire naikno te au khabru ka guli, ba khabru te jifla glotho, ba iheire te habo lao ka thinidi naikno te lehe ka namono igne.

Fapea Kings 7:3

Ka narane igne, fati mae te au kmana thubu biꞌo te kiloi leprosi ka thinidi re au neu ke kosi grengatha gna namono biꞌo Samaria. Eghuteuna mare ne cheke eghu fari thedi, “Naugna unha si tahati te ofo teu agne nate ghilei lehe gnea?