Naba 12:1 - Buka Blahi Ka Cheke Holo

¹ Kate au teu mare ka vido Haserot na, mae Eron ghe Miriam gre ne cheke faparini mae Moses, mae thabusidi na, naugna mana ne tolaghi ka gaꞌase gna kantri Etiopia.

Naba 12:1 ပူးပေါင်းရင်းမြစ်များ

Eksodas 2:21

Aonu mae Moses mei ne au baludi mare. Ke leghu, Jetro ne snakre lao thugna gaꞌase Sipora igne ka mana mala khetogna mana.

Jenesis 27:46

Aonu Rebeka ne cheke eghu ka mae Isak, “Iara theome magnahaghedi fara gaꞌase vikegna mae Hit igre. Jame tolaghi Jekop gne ka kaisei gaꞌase ka vikegna mae Hit igre meuna, iara gne nabagu na mala lehe kolho.”

Jenesis 24:37

Eghuteuna mana neke cheke faheta eghu fara ka iara, ‘Those hata kaisei gaꞌase agne ka kantri Kenan. Aheva te au teu iara igne te mala khetogna mae thugu iara na. Nu iagho mala ke pulo ka thofno namonogu nei vikegu teu iara ra mala filoni kaisei gaꞌase jare mala khetogna Isak mae thugu iara igne.’ Eghume iara neke nhaꞌa cheke leghudi nogna cheke nogu mae funei Ebraham.

Galesia 4:16

Ba, gognaro na ghotilo nogu naikno naoka iara naugna te chekeni iara glepo te tutuani na?

Jone 7:5

Neubane mae thabusigna mae Jisas gre mare theome fatutuani ni mana.

Matiu 10:36

Eghume, ginauna thofno tharaknagna mana na ngala te nogna mae naoka mana re.

Jenesis 24:3

Iara magnahaghei nigho iagho te mala nhaꞌa cheke ka nanghagna Lord God, mae ihei te fnakno kligna nei pari teu igne. Thosei hata kaisei gaꞌase agne Kenan ka kantri te au teu iara igne te mala khetogna mae thugu iara mae Isak gne.

Levitikas 21:14

Mae pris biꞌo theome tangomana te tolaghi ka gaꞌase glehe kokoi, ba gaꞌase teke divos mare, ba kaisei gaꞌase vine. Eghuteuna mana mala tolaghi ka kaisei gaꞌase majaghani ka vikegna Livae, teke theo kaisei mae teke thuru balugna naꞌa teku na.

Eksodas 34:16

Glahu atha ghotilo thudi gaꞌase mare tuare mala tolaghi ka thumi nalhaꞌu re, ka nafnata puhi igre, goro gaꞌase tuare ginauna korho thumi nalhaꞌu ghotilo tuare mala tei koko ghau iara mala tei leghudi nodi god naikno bongihehe igre.

Jenesis 41:45

Mae king ne kiloni mae Josep “Safenat Panea” ka chekegna Ijep. Eghuteuna tusu lao kaisei gaꞌase ka mana. Nanghagna gaꞌase igne na Asenat, thugna mae Potifera, mae pris gna suga tharai te au ka namono biꞌo Heliopolis. Aonu mae Josep ne mae funei ka namono Ijep.

Jone 15:20

Thosei ghatho ihoni cheke teke cheke eghu iara ka ghotilo tifeiro ia, ‘Mae gloku na theome tangomana te uluni nogna mae funei na.’ Te theome magnahaghei ghau iara mare na, naiknore ginau nake theome magnahaghei ghami la ghotilo. Te leghudi mare nogu cheke iara re, mare ginauna leghudi la nomi cheke ghotilo re.

Matiu 12:48

Mae Jisas ne cheke eghu ka mana, “Ihei idogu iara na? Iheire thabusigu iara re?”

Eksodas 2:16

fitu gaꞌase ne mei ka vido igne. Gaꞌase igre thugna mae Jetro kaisei mae pris gna Midian. Gaꞌase igre mei balu nogna sipu nei nanigot eghu Jetro mae kmadi na mala fakoꞌudi.

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Naba 26:59

Aonu mae Amram ne tolaghi ka thugna gaꞌase mae Livae na, nanghagna na Jokebed. Jokebed gne neke karha Ijep. Aonu repa ne au thilo thudi, igre nanghadi thilo thudi repa re: Mae Eron, mae Moses nei Miriam.