Naba 11:5 - Buka Blahi Ka Cheke Holo

⁵ Ka teke au teku Ijep ia, ghehati neke ima ghemi sasa te magnahaghei ghehati re! Jaola, leuleghu fata re ghehati tangomana te ghamu ghemi kiukamba, melen, sulate, onioni, nei galiki eghu sia.

Naba 11:5 ပူးပေါင်းရင်းမြစ်များ

Eksodas 16:3

Naiknore ne cheke eghu ka phia mare, “Jame te keli na Lord gne jame neke falehe ghami ghehati kolho Ijep. Au teku jare ia ghehati neke au ghemi kmana nafnata gano te magnahaghedi ghehati re. Nu ghopa ne atha mei ghami ghehati ka namono nagou te theo kaisei gano gna igne neu. Ba ghopa magnahaghei ghami ghehati te mei lehe agne sia? Jame au meu ghehati Ijep me lehe meu na keli!”

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Naba 14:2

Aonu mare ne cheke balu diꞌatadi ka mae Moses ghe mae pris Eron, “Jame keli kolho teke lehe ghehati Ijep, ba ka namono nagou na!

Profet Isaia 1:8

Gognarona, Jerusalem baludi nogu naikno iara te au ka namono igne au sopa jateula kaisei grorofe teke hohoro kaisei mae ka nogna nagare na ia eghu, ba jateula namono te au farihoteidi mae naokara eghu.

Profet Jeremaea 44:18

Nu funu ka narane te theome gahu insens nei tofa waen teu ghehati ka Kuin gna Kligna na, ghehati kmoꞌe ka gobigna lepo igre. Eghuteuna noda naikno tahati gre lehe ka magra nei ka theo gano.”