Naba 11:29 - Buka Blahi Ka Cheke Holo

²⁹ Aonu mae Moses ne cheke eghu, “Unha site nanga nou iagho ka iara te mala kmu mare teu gnea? Iara magnahagheini Lord te tufa lao nogna nolaghi gna Tharunga te Blahi na ka mare, mala cheke jateula mae profet eghu mare!”

Naba 11:29 ပူးပေါင်းရင်းမြစ်များ

Ululahu Korin 14:5

Tutuani, iara magnahaghe ghami ghotilo hui te hata nolaghi te mala cheke ka soasopai nafnata cheke, ke tulaoi, nolaghi te mala toutonuni chekegna God na. Nu jame kaisei mae ka khiloau na au jare mala rurutha gaoghathodi cheke igre ka soasopai nafnata cheke, mana toghoni naikno khiloau na jateula mae mala toutonuni eghu chekegna God na.

Jemes 5:9

Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Luku 10:2

Mae Jisas ne cheke eghu ka mare, “Naikno kmana te filodi ghotilo igre jateula gano te au ka nagare tela ghanohira eghu. Nu theome kmana naikno gloku te mala toghodi mare te mala fatutuani ghau iara na. Ghotilo tore ka God, mae khotogna nagare na, mala kuru mei mana kmana mae gloku te mala toutonuni Nonomho te Keli igne, nei toghodi mare mala fatutuani ghau iara. Kate tei loku na, mare jateula mae te tei pulei gano ka nagare ia eghu.

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.

Ululahu Pita 2:1

Eghume, thosei nomire eghudi puhi te diꞌare. Thosei chaghidi naiknore. Thosei goghotu ba cheke fadiꞌadi keha naiknore.

Ululahu Korin 13:4

Naikno khiloau na mala namhadi keha naiknore jateula Kraes te namhadi naiknore eghu. Eghume naikno khiloau na mala au kmu nei keli ranghidi keha naiknore. Mana mala theome goghotu, nei theome mala ghatho tahuni thegna, nei theome mala fahaehaghe.

Ululahu Korin 3:21

Eghume ghotilo theome naba te cheke fahaehagheni unha te eni naikno na! Tutuani fara, gobigna lepore nomi ghotilo.

Mae Khuru 26:29

Mae Pol ne cheke eghu, “Neubane vido kmoꞌei ba vido brahu, iara tarai ka God malamu iagho nei naikno te gnafa te fanomho teu ka iara agne gognaro gre mala jateula iara eghu. Nu iara theome magnahaghedi chen te au ka khamegu iara igre te ari ka ghotilo na!”

Ululahu Korin 3:3

Tutuani, puhimi ghotilo re kaisei nanaba ngala ka naikno te leghuni puhigna nauthoglu igne. Naugna goghotu koba, magra koba teu ghotilo igre ngala fagaglana gna te leghuni ghotilo puhigna nauthoglu na, theome leghuni mae Tharunga te Blahi.

Naba 11:30

Aonu mae Moses baludi mae lida re neke pulo ka nodi suga thapuale thedire.

Ululahu Samuel 10:6

Eghuteuna Tharunga gna Lord na ginauna mei sagheleghu nigho iagho, eghuteuna iagho ginauna jaola tei baludi mare mala ragi nei koje eghu mala kilo fnaknoni God.

Profet Joel 2:27

Ghotilo maemi Israel, ghotilo ginauna lase fakeli ghau iara nomi Lord nei nomi God te au balumi ghotilo. Theo kaisei god aheva nga Iara ngala. Ghotilo nogu naikno iara ra na theo kaisei naikno nate famamaja ghami ghotilo na.”

Profet Joel 3:1

Lord ne cheke eghu, “Ka narane tuana, iara ginauna nake tusu fapulo kmana glepo te keli ka naikno te au ka namono biꞌo Jerusalem nei ka keha vido ke lamnagna kantri Juda.