Naba 11:22 - Buka Blahi Ka Cheke Holo

²² Ba, jame te falelehe ghehati bukrei nomi buluka nei sipu teu igre, na boho ghehati eghu sagho ia? Ba, jame atha mei ghehati bukrei sasa ka thongna gro, ginauna theome nanaba la ka ghehati!”

Naba 11:22 ပူးပေါင်းရင်းမြစ်များ

Matiu 15:33

Nogna mae fanomhore ne ghusna eghu ka mana, “Vido igne namono nagou theo kaisei naikno te au agne na. Eghuteuna, agne na theo kaisei vido aheva te mala tei hata naba gano te mala faghamudi naikno te kmana fara igre.”

Fapea Kings 7:2

Kaisei mae biꞌo te tei koba balugna king na ne cheke eghu ka mae Elisa, “Iagho chaghi! Neuba Lord ne tothora maloa na ne tofa soru gano gna kligna na gognarogne meuna, foligna gano na theome tangomana nate soru na!” Mae Elisa ne cheke eghu ka mana, “Iagho ginauna filoni ka tathamu themu na glepo igne, nu iagho ginauna na theome ghamuni kaisei glepo ka gano igre.”

Jone 6:9

“Kaisei mae sitei agne au glima bret nei phei sasa. Nu gano igre ginauna theome naba kolho ka naikno te kmana igre!”

Luku 1:34

Meri ne cheke eghu ka engel na, “Faꞌunha eghu tangomana te chekeni iagho gne? Eigna iara gne theo khetogu!”

Luku 1:18

Mae Sekaraea neke cheke fapulo ka engel na, “Faꞌunha eghume laseni iara glepo igne ne tutuani teuna eghu? Naugna ghepa gne la kafe naikno biꞌo hi.”

Nonomho Te Keli Teke Risoi Mae Mak 8:4

Nogna mae fanomho mae Jisas re ne cheke eghu ka mana, “Nu tahati gne theome namo ka kaisei namono. Aheva nate hata naba gano tahati te mala kafe faghamudi naikno te kmana igre?”

Nonomho Te Keli Teke Risoi Mae Mak 6:37

Mae Jisas ne cheke eghu ka mare, “Fei ghedi si ghotilo mala ima mare.” Mare neke cheke eghu ka mana, “Tore, jame kaisei mae loku kaisei finogha te nabagna te mala foli gano te mala faghamudi naikno igre!”

Naba 11:13

Heva te tangomana tei atha nafnahi iara maladi naikno igre na? Naikno igre tanhi fabrahu ka iara, ‘Ghehati magnahaghei ghemi nafnahi!’

Naba 11:21

Aonu mae Moses ne cheke eghu ka Lord, “Lord iagho la laseni hila, namno gobi thogha soldia site tei balugu iara igrea! Eghuteuna te chekeni iagho na, iara na tufa ghedi kmana nafnahi mala ima nabagna kaisei nhigra!

Naba 11:23

Nu Lord ne cheke eghu, “Ba, ne theome tangomana iara te edi re eghu sagho ia? Filo sagho!”