Naba 11:18 - Buka Blahi Ka Cheke Holo

¹⁸ “Nu gognaro na, iagho na tei chekedi naiknore, mala kaikaliti nei mala gae eghu mare ka tathagu iara na, naugna nathui na mare ginauna ima nafnahi. Iara ne nomhidi nodi natanhi nei nodi cheke teu te cheke eghu mare re, kani au teku Ijep ia ghehati neke ima ghemi gano te keli gnai te au ka vido igne. Uve, iara ginauna tufa lao ghedi gano mala ima mare.

Naba 11:18 ပူးပေါင်းရင်းမြစ်များ

Eksodas 19:10

Eghuteuna Lord ne cheke eghu ka mae Moses, “Iagho ke pulo ka naikno ra mala cheke ranghidi gognaro nei nathuꞌu iagho ginauna fablahidi, mala tangomana mare te pogho soru ka iara na. Mare mala jaola titihi fagae nodi pohere,

Mae Khuru 7:39

“Nu mae kuꞌeda tahati ra neke tirodi leghuni mae Moses. Mare ne huhughuni fara mana nei mare magnahaghei teke puloi ngala Ijep.

Naba 11:1

Aonu naiknore ne funu cheke faparini Lord, naugna mare ne au mei fara kmana puhi tadi. Kate nomhini igne, Lord ne thofno diꞌatagna fara, ne fasoru khaꞌaghi na ka mare, eghuteuna keha naikno ka mare ne lehe, eghuteuna keha vido, nei suga teu te au mare re ne nhako ka khaꞌaghi biꞌo na.

Jajis 21:2

Ke leghugna magra balugna vikegna Benjamin igne, naiknodi Israel igre neke khapru ka vido blahi Betel eghuteuna mare diꞌanagnafa fara ne tanhi fara ne ghilei rafi.

Josua 7:13

“Eghume iagho kegra haghe! Tei fagaedi naiknora, eghuteuna tarabana mala mei ke ulugu iara nathuꞌu. Naugna iara nomi Lord God ghotilo maemi Israel. Ghotilo neke hatahi glepo mala thosei hata ghotilo teku iara ra. Jame te theome koko ghotilo glepo igre na, ghotilo ginauna theome tangomana nate tapla faparidi mae naoka gre.

Eksodas 19:15

Aonu mae Moses ne cheke eghu ka naiknore, “Ghotilo tarabana malagna nauriha. Eghuteuna ghotilo thosei thuru baludi khetomi are ghilei thokeni narane te gnafa tarai na.”

Jenesis 35:2

Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.

Eksodas 19:22

Neubane mae pris, mae iheire te tangomana te mei rhegu iara te mala mei fafara igre, mare jaola mala kulu fablahidi thedi. Jame te theo mare na, iara ginauna paradi mare.”

Naba 11:19

Eghuteuna nafnahi igne na theome tangomana mare te ima kaisei narane, ba phei narane, ba glima narane, ba nabotho narane, ba varadaki narane teuna.

Thoutonu Eigna Mae Job 20:13

Mana magnahagheni fara mamahegna na, eghume mana gugumu ka foflogna na.

Thoutonu Eigna Mae Job 20:23

Kate ghamu mana gano te magnahaghedi re, God ginauna diꞌatagna na thono parani mana. Eghume diꞌatagna God igne ginauna mei jateula ghegna gano eghu naikno te diꞌa igne.

Nodi Khoje Hatimare Mae Jiu 78:20

Uve, tutuani fara, God na neke piphike thina re ne loloro mei fabiꞌo khoꞌu na, nu mana theome tangomana te tusu mei gano ka tahati na eghu.”

Eksodas 16:8

Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”