Naba 11:13 - Buka Blahi Ka Cheke Holo

¹³ Heva te tangomana tei atha nafnahi iara maladi naikno igre na? Naikno igre tanhi fabrahu ka iara, ‘Ghehati magnahaghei ghemi nafnahi!’

Naba 11:13 ပူးပေါင်းရင်းမြစ်များ

Nonomho Te Keli Teke Risoi Mae Mak 8:4

Nogna mae fanomho mae Jisas re ne cheke eghu ka mana, “Nu tahati gne theome namo ka kaisei namono. Aheva nate hata naba gano tahati te mala kafe faghamudi naikno te kmana igre?”

Matiu 15:33

Nogna mae fanomhore ne ghusna eghu ka mana, “Vido igne namono nagou theo kaisei naikno te au agne na. Eghuteuna, agne na theo kaisei vido aheva te mala tei hata naba gano te mala faghamudi naikno te kmana fara igre.”

Nonomho Te Keli Teke Risoi Mae Mak 9:23

Mae Jisas ne cheke eghu ka mana, “Uve, te toreni iagho ka iara na, glahula me tangomana iara te togho nigho na. Te chekeni iara ka iagho na. Mae ihei te fatutuani ni God na, gobigna lepore tangomana ngala ka mana.”

Naba 11:21

Aonu mae Moses ne cheke eghu ka Lord, “Lord iagho la laseni hila, namno gobi thogha soldia site tei balugu iara igrea! Eghuteuna te chekeni iagho na, iara na tufa ghedi kmana nafnahi mala ima nabagna kaisei nhigra!

Naba 11:22

Ba, jame te falelehe ghehati bukrei nomi buluka nei sipu teu igre, na boho ghehati eghu sagho ia? Ba, jame atha mei ghehati bukrei sasa ka thongna gro, ginauna theome nanaba la ka ghehati!”

Naba 11:20

Thono theo fara, mare ginauna ima nabagna kaisei nhigra. Neubane jifla ka nehudi, foflodi, ba ghilei babaꞌodi neu mare, mare mala ima nafnahi re ghilei gnafa. Puhi igne thoke ghami ghotilo naugna iara au ngala balumi ghotilo, nu ghotilo tiromi ghau iara, nei cheke fapari ghau neke cheke eghu, ‘Mala unha site jifla kokoni tahati Ijep gnea?’ ”

Fapea Kings 4:43

Nu nogna mae gloku mana igne ne cheke eghu, “Gano igne thono ikoi fara, theome nabadi kaisei gobi mae profet igre.” Nu mae Elisa ne cheke eghu, “Hata tei sagho mala ghamu mare, naugna Lord na neke cheke eghu, ‘Mare ginauna ghamu boho, eghuteuna kehare ginauna salaꞌui u ngala.’ ”

Fapea Kings 7:2

Kaisei mae biꞌo te tei koba balugna king na ne cheke eghu ka mae Elisa, “Iagho chaghi! Neuba Lord ne tothora maloa na ne tofa soru gano gna kligna na gognarogne meuna, foligna gano na theome tangomana nate soru na!” Mae Elisa ne cheke eghu ka mana, “Iagho ginauna filoni ka tathamu themu na glepo igne, nu iagho ginauna na theome ghamuni kaisei glepo ka gano igre.”