Naba 11:10 - Buka Blahi Ka Cheke Holo

¹⁰ Aonu mae Moses ne filodi naikno te tanhi kegra teu ka grengathadi nodi suga thapuale re. Nu Lord neke diꞌatagna fara ka mare, nei mae Moses jaola ne diꞌanagnafa gna fara.

Naba 11:10 ပူးပေါင်းရင်းမြစ်များ

Nodi Khoje Hatimare Mae Jiu 78:21

Aonu, kate nomhini Lord nodi cheke mare igne, mana ne thono diꞌatagna fara, diꞌatagna mana ka mare na thono biꞌo fara jateula kaisei khaꞌaghi te dudulu fabiꞌora eghu. Uve, diꞌatagna mana na raꞌe ne heta fara.

Nonomho Te Keli Teke Risoi Mae Mak 10:14

Kate filoni mae Jisas igne, mana ne diꞌatagna fara ka mae fanomhore, ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Profet Jeremaea 17:4

Diꞌa tagu iara na ginauna brana fara jateula khaꞌaghi biꞌo eghu na gnubra ghami ghotilo. Naugna puhi te edi fabrahu ghotilo igre, ghotilo ginauna theome khotogna namono teke snakre lao iara ka mae kuꞌemi ghotilo tifa ra. Eghuteuna iara ginauna snakredi mae naokare mala atha ghami ghotilo tei ka namono aheva ghotilo te theome laseni mala loku jateula sneka eghu.”

Profet Isaia 5:25

Ghotilo nogna naikno Lord, nu naugna ghotilo ne eni igne ne diꞌatagna fara mana. Mana ginauna falehe ghami ghotilo, naugna mana ne diꞌatagna fara ka ghotilo. Mana ginauna edi thogele igre mala nghali tongana, eghuteuna kmana naikno ginauna lehe, eghuteuna thinidi naikno te lehe igre ginauna na jateula chara eghu thuru tafri ka glalaba, ba leghu nabrou jateula chara eghu. Nu neuba Lord neke paradi, mana diꞌatagna fabrahu ka mare. Eghuteuna mana ginauna tarabana mala ke paradi ngala mare.

Nodi Khoje Hatimare Mae Jiu 139:21

Lord God, iara tirogudi fara iheire te tirodi nigho iagho re. Uve, iara thofno tirogudi fara, naugna mare ne theome leghu nigho iagho.

Nodi Khoje Hatimare Mae Jiu 106:25

Mare au neu ka nodi suga thapuale re ne cheke buiburini God, ne tirodi leghuni mana.

Nodi Khoje Hatimare Mae Jiu 78:59

Kate filodi mana glepo igre, mana ne hongoni fara ka mare ne thono diꞌatagna fara.

Diutronomi 32:22

Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.

Naba 21:5

Aonu mare ne cheke eghu ka Lord nei ka mae Moses, “Ba, iagho atha fajifla ghami ghehati Ijep mala lehe ka namono nagou igne sia? Vido igne theo gano nei khoꞌu eghu tagna na. Ghehati theome gleꞌa kolho te au agne na, nei ghehati tiromidi kolho gano te diꞌa fara igre.”

Naba 16:27

Aonu naiknore ne thugha fadelei ka nodi suga thapuale mae Kora, mae Datan, nei mae Abiram re. Aonu mae Datan ghe mae Abiram jifla ne kegra neu baludi khetodi nei thudi teure ka grengathadi nodi suga thapuale thedire.

Naba 12:3

Uve, mae Moses gne kaisei mae nhaꞌa faparini thegna. Theo kaisei naikno ka nauthoglu gne te tangomana nhaꞌa faparini thegna jateula mana teuna.

Naba 11:1

Aonu naiknore ne funu cheke faparini Lord, naugna mare ne au mei fara kmana puhi tadi. Kate nomhini igne, Lord ne thofno diꞌatagna fara, ne fasoru khaꞌaghi na ka mare, eghuteuna keha naikno ka mare ne lehe, eghuteuna keha vido, nei suga teu te au mare re ne nhako ka khaꞌaghi biꞌo na.

Naba 11:11

Mana ne cheke eghu ka Lord, “Ne unha ne famei sagho puhi igne ka iara nou mae gloku gnea? Unha site eni fadiꞌa iara ka iagho te famei iagho puhi igne ranghidi naikno grea?

Naba 12:9

Lord ne thono diꞌatagna fara ka repa, ne jifla kokodi repa,