Naba 10:9 - Buka Blahi Ka Cheke Holo

⁹ Kate tei ghotilo te magradi nomi mae naoka te magnahaghei goigoni ghami ghotilo are, ghotilo ginauna ifu faghose thilo fata. Eghuteuna kate nomhini iara Lord nomi God ghotilo gne, iara ginauna togho ghami, nei fakarha ghami ka nomi mae naoka ghotilo are.

Naba 10:9 ပူးပေါင်းရင်းမြစ်များ

Ululahu Samuel 10:18

Mae Samuel ne cheke eghu ka mare, “Lord noda God tahati maeda Israel, mana ne cheke eghu: kani au teku kuꞌemi ghotilo Ijep tifa ra, iara neke fakarhidi mare. Iara neke atha fajifladi mare ka nodi nolaghi naiknodi Ijep, nei ka nodi nolaghi keha naikno teke jaola teke gonidi mare ra.

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Jenesis 8:1

God ne theome ghatho ihoni mae Noa nei glepo tautagu te au teu balugna mana ka vaka na. Aonu God ne kuru meini kaisei nuri ne mei ka nauthoglu gne. Eghuteuna khoꞌu na neke funu thugha soru pari.

Nodi Khoje Hatimare Mae Jiu 106:42

Hatimare mae naoka gre ne paradi fara mare ne ghilei kokhonidi fara.

Nodi Khoje Hatimare Mae Jiu 106:4

Lord God, ghatho ghau ka vido te mei iagho te toghodi nou naiknore. Uve, ka vido te mei iagho te mala fakarhidi re, iagho jaola mei fakarhi ghau iara.

Fapea Kronikols 13:14

Kate filoni armigna Juda te mei armigna Israel te mei magra ke ulu nei ke leghu teuna, mare ne tarai ka Lord. Aonu hatimare mae pris ne kufli trampet re.

Jajis 10:12

nei vikegna Saedon, nei vikegna Amalek, nei vikegna Maon teu igre neke thofno goigoni ghami ghotilo. Eghume ghotilo tanhi mei ka iara mala togho ghami ghotilo. Leuleghu fata na iara ngala te hata fajifla ghami ghotilo ka khamedi mare igre.

Jajis 10:8

Aonu ka finogha te lehe Jaea igne, mare mei ne thofno goigonidi naiknodi Israel te au Gilead ka nodi rijon vikegna Amoa ke maghati Khoꞌu biꞌo Jordan nabagna nabotho nhana finogha.

Josua 6:5

Kate nomhini ghotilo te kufli te raugha mare na, ghotilo kafe eha fabiꞌo. Ka vido narane igne, gringnigna namono te bara ka thina igne ginauna phaꞌe khoko soru pari. Eghuteuna nou mae soldia iagho igre ginauna doglo tei ruma lamna namono.”

Naba 31:6

Mae Moses ne kuru teidi mare mala tei ka magra na. Aonu mae Moses jaola ne vahini mae pris Finehas, thugna mae pris Eleasa na mala tei baludi mare. Mae Finehas gne mala atha tei keha glepo te blahire baludi keha trampet ka magra na.

Ululahu Korin 14:8

Jaola, jame te theo kaisei naikno te kufli fakeli na, naiknore na theome tarabana mala magra.

Profet Emos 3:6

Jame te kufli kate posa mei magra ka namono na, ba, naiknore na theome mhaghu? Jame kaisei namono thoke mei tagna kaisei hoholo biꞌo, unha eghu te ghathoni ghotilo na? Lord neke theome kuru meini hoholo igne? Uve, cheke igre thofno tutuani fara!

Profet Jeremaea 6:17

Iara neke lilisei mae greireghi mala togho ghami ghotilo, neke cheke eghu ka ghotilo, ‘Ghotilo fanomho fakeli kate kufli mae greireghi igre.’ Nu ghotilo neke cheke eghu, ‘Ghehati theome tangomana te fanomho ka nodi cheke mae greireghi igre na.’ ”

Profet Jeremaea 4:21

Niha fata filoni si iara flagi magra ignea? Niha fata nomhini si iara naoglagna khufli ignea?

Profet Jeremaea 4:19

Iara diꞌa nagnafagu fara, eghuteuna iara haimini te kabru ka thiꞌagu na. Iara theome tangomana te au snoto na, naugna iara nomhidi naogladi khufli, nei nomhidi hatimare mae naoka te eha fabiꞌo kate posa mei mare ka magra na.

Profet Jeremaea 4:5

Lord ne cheke ka mae profet Jeremaea mala cheke eghu ranghidi naiknodi Juda nei Jerusalem, “Ghotilo tei kufli ka vido te gnafa ka kantri igne mala nomhini naiknore! Eghuteuna tahati te gnafa na ginauna kafe rikha tei poru ka namono te bara te lithui ka thina biꞌo.

Profet Isaia 58:1

Lord ne cheke eghu ka iara, “Iagho eha fabiꞌo jateula naogla khufli eghu! Toutonu ranghidi nogu naikno iara Israel, eigna puhi te figri tagru ghau nei eidi nakhibo teu are.

Profet Isaia 18:3

Ghotilo naikno te au ka nauthoglu ra! Mare ginauna lilisei haghe kaisei flagi ke kligna thogele mala tangomana ghotilo te filoni. Eghuteuna kate filoni ghotilo flagi igne ghotilo tarabana mala magra! Mare ginauna kufliu, eghume ghotilo fanomho fakeli eghu!”

Nodi Khoje Hatimare Mae Jiu 136:23

Kate mei noda naokare te tapla soru ghita te au teu tahati pari na, mana theome ghatho iho ghita. Mana ne namha ghita tahati tifa tifa.

Jajis 6:34

Ka narane tuana, Tharunga gna Lord ne mei ka Gidion. Eghuteuna Gidion kegra haghe ne kufli mala kilodi vikegna Abiesa re mala mei leghuni mana mala tei magra.

Jajis 6:9

Uve, iara neke batudi kuꞌeda ra mala jifla Ijep. Eghuteuna ke leghu na, iara jaola neke toghodi mare kani teke magra ka ghotilo naiknodi Kenan. Iara neke ngolhi fajifladi nomi naoka ghotilo ra neke tusu ari nodi glose mare ra ka ghotilo.

Profet Sefanaea 1:16

Ka Narane tuana naiknore ginauna nomhini naoglagna khufli na, eghuteuna mae soldiare ginauna eha fabiꞌo, eghuteuna mae soldia igre ginauna mei snura ka namono biꞌo te bara te maku, nei ka suga brahu te mala toetoe.

Profet Hosia 5:8

Lord ne cheke eghu, “Ghotilo maemi ka namono Gibea, Rama, Betel, nei Benjamin teura, ghotilo kufli mala tarabana tei ka magra.

Profet Esikiel 7:14

“ ‘Mare kufli, mala kaikaliti tei ka magra. Nu theo kaisei naikno kolho nate tei ka magra na, naugna iara diꞌatagu fara ka mare eghuteuna iara ginauna paradi mare hui.

Profet Jeremaea 6:1

Lord ne cheke eghu, “Ghotilo vikegna mae Benjamin ra, ghotilo jifla Jerusalem rikha tei poru! Ghotilo te au ka namono Tekoa mala kufli. Ghotilo te au ka namono biꞌo Bet-Hakerem, ghotilo ifu khaꞌaghi ka thogele ke leghu namono biꞌo, mala laseni naiknore tela meihi mae naokare. Puhi biꞌo igne na jifla mei ke raru mala mei goigoni ghami ghotilo.

Levitikas 23:24

“Cheke ka naiknodi Israel, leuleghu finogha, ka fafitu nhigra ka narane ulu lahu gna nhigra tuana, ghotilo mala tathaji kaisei narane mala thofno gnafa kolho. Kate nomhini ghotilo naogla gna trampet te taitanhi fabiꞌo na, igne fagaglana gna narane biꞌo na, ghotilo te gnafa na mala kafe mei mala kilo fnakno ghau iara.

Fapea Kronikols 13:12

God na au balumi ghehati! Mana ngala nomi lida ghehati na. Nomi pris ghehati gre ginauna tarabana mala kufli trampet mala kilo mei ghami ghehati mala magri ghami ghotilo. Ghotilo maemi Israel, ghotilo thosei magrini Lord nodi God kuꞌemi ghotilo tifa ra! Ghotilo theome tangomana nate uluni magra na!”

Profet Jeremaea 49:2

Nu kate thoke mei narane na, naikno gna namono biꞌo Raba ginauna nomhini te kufli mae naokare. Mare ginauna paꞌe sukha namono igne, eghuteuna mare ginauna gnubra ka khaꞌaghi namono te gnafa te au faligohoni namono igne. Israel ginauna mei brue fajifladi naiknodi Amon teke atha fajifla mare igre.” Igne cheke gna Lord.

Diutronomi 20:1

Mae Moses ne cheke eghu, “Kate tei ghotilo te magra ka nomi naokare, ghotilo jame filodi kmana hose nei kmana chariot mala magra, nei kmana soldia salaꞌu ghami ghotilo. Nu ghotilo thosei mhaghudi mare, naugna Lord nomi God, mae ihei teke hata fajifla ghami ghotilo Ijep ia ginauna au balumi ghotilo.