Naba 10:36 - Buka Blahi Ka Cheke Holo

³⁶ Eghuteuna kate thoke mare ka vido te mala augna bokis blahi igne, mae Moses neke tarai eghu, “Lord, iara toreni nigho iagho mala au balumi ghehati naikno gna Israel te thokeni thogha salaꞌu naikno gre!”

Naba 10:36 ပူးပေါင်းရင်းမြစ်များ

Diutronomi 1:10

Lord, nomi God ghotilo igne fablahi ghami ghotilo la kmana fara la jateula nathunu ka maloa na are lau.

Profet Isaia 63:17

Lord, naugna unha sagho te snakre ghami te tei snivi ghehati ka puhimu iagho te keli gnea? Naugna unha sagho te snakre ghami te thufu ghehati te figri fadelei ka iagho gnea? Funu tifa te ghilei mei posa ka narane gognaro igne, ghehati nou naikno iagho, eghuteuna ghehati nou naikno gloku iagho. Iagho ke pulo mei mala togho ghami!

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Nodi Khoje Hatimare Mae Jiu 132:8

Lord God, Sugablahi igne te mala aumu iagho na. Mei sagho au fabrahu agne balugna Bokis Blahi te falalase ni nou nolaghi biꞌo iagho na.