Naba 10:33 - Buka Blahi Ka Cheke Holo

³³ Kate jifla kokoni mare Thogele Sanai na, mare ne nolo nabagna thilo narane. Nu mare ne kulu pala ne tei nogna Bokis Blahi Nhaꞌa Cheke Lord na, mala tangomana Lord te falalase namono te mala au mare tagna na.

Naba 10:33 ပူးပေါင်းရင်းမြစ်များ

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Profet Esikiel 20:6

Ka narane tuana, iara neke eni kaisei nhaꞌa cheke te rheta mala hata fajifladi Ijep, eghuteuna batu teidi ka kaisei namono aheva teke kulu vahini iara te mala au mare tagna na. Namono igne famane keli fara salaꞌudi keha kantri te gnafa ka nauthoglu igne. Glosegna na thono keli fara, eghuteuna leuleghu fata na au kmana gano tagna.

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Profet Jeremaea 3:16

Ghotilo ginauna na vuragha ka kantri igne. Eghuteuna ka narane igne, ghotilo ginauna na theome cheke eigna nogu Bokis Nhaꞌa Cheke iara teke atha ghotilo tifa ia. Eghuteuna ghotilo ginauna nake theome eni kaisei Bokis Nhaꞌa Cheke.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Profet Isaia 28:12

Mana magnahaghei fara te tusu lao vido mala gnafa ka mare mala kafe glealeꞌa, nu mare tirodi fara te fanomho ka mana na.

Nodi Khoje Hatimare Mae Jiu 95:11

Iara diꞌatagu fara ka mare, naugna igne iara neke cheke eghu, “Ghotilo ginauna theome tei thoke ka kantri teke magnahagheni fara te tusu ari ka ghotilo mala gnafa.”

Ululahu Samuel 4:3

Kate pulo mei ka namono na maedi Israel teke theome lehe ka magra igre na, nodi mae mala baubatu re ne cheke eghu, “Naugna unha si Lord te snakredi maedi Filistia gre te ulu ghita tahati gognaro gnea? Tahati na kafe tei Saelo mala pala mei nogna Bokis Nhaꞌa Cheke Lord ia. Eghuteuna kate tei tahati ka magra na, Lord ginauna tei baluda tahati mala togho ghita, eghuteuna mae naoka re ginauna theome tangomana te ulu ghita tahati na.”

Jajis 20:27

Ka narane tuana, nogna Bokis Blahi Nhaꞌa Cheke Lord na au Betel, eghuteuna pris biꞌo Finihas thugna Eleasa thugna Eron te reireghigna na. Aonu mare ne cheke eghu ka Lord, “Ba, ghehati ginauna nake puloi ka magra ba theo?” Eghuteuna Lord ne cheke eghu ka mare, “Uve, ke puloi si ghotilo. Nathuꞌu, iara ginauna snakre aridi mare ka khamemi ghotilo.”

Josua 4:7

Tahati ginauna cheke eghu ranghidi, ‘Igne tuthuana eigna narane teke pala mae pris nogna Bokis Blahi Nhaꞌa Cheke Lord na teke kasa ka Khoꞌu biꞌo Jordan igne, eghuteuna khoꞌu biꞌo igne neke krango. Thina igre ginauna au fabrahu ka vido igne, eghuteuna iheire nate karha mei ke leghuda tahati re ginauna ghathoni fabrahu unha teke eni ka tahati ka vido igne.’ ”

Diutronomi 31:26

“Ghotilo hata nogna Buka vetula Lord nomi God igne tei lilisei rhegna nogna Bokis Blahi Nhaꞌa cheke mana na. Igne jateula kaisei witnes eghu ka ghotilo naiknomi Israel jame te leghudi ghotilo puhi te diꞌa re.

Diutronomi 9:9

Ka narane tuana, iara neke haghe ka thogele na neke hata phei thina tataba te au nogna nhaꞌa cheke Lord teke eni mana balumi ghotilo ia. Eghuteuna iara neke au ka thogele igne phiatutu narane nei phiatutu bongi, eghuteuna ka narane tuare iara neke theome ghamu nei theome koꞌu.

Naba 10:12

eghuteuna naikno Israel re ne funu jifla kokoni namono nagou Sanai na. Gromno igne mei ne snoto jare Paran.

Eksodas 19:3

Mae Moses ne haghe ka thogele igne mala cheke balugna God. Aonu Lord ne cheke eghu ka mana, “Igne nogu cheke iara na mala tei cheke iagho ka naiknodi Israel vikegna mae Jekop ra.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Profet Jeremaea 31:2

Lord ne cheke eghu, “Tifa, kani teke au kuꞌemi ghotilore ka namono nagou ra, iara neke keli ranghidi neke theome lehe ka magra, eghuteuna hiro nodi namono te mala gnafa na.”