Naba 10:32 - Buka Blahi Ka Cheke Holo

³² Eghuteuna jame te mei iagho balumi ghehati na, keha glepo te keli teke tufa mei Lord ka ghehati re, ghehati ginauna tufa ka iagho.”

Naba 10:32 ပူးပေါင်းရင်းမြစ်များ

Jajis 4:11

Ka narane tuare, Heba kaisei mae ka vikegna Kein, mana neke tei kokonihi vikegna na. Vike igne neke jifla mei ke leghugna Hobab, kaisei nanghogna Moses. Heba neke fakegra haghehi nogna suga thapuale na ka namono Kedes, rhegna kaisei gaju biꞌo ka vido te kiloi mare Sananim.

Jajis 1:16

Vikegna nanghogna naꞌa Moses te vikegna Kein igne, mare ne tei baludi vikegna mae Juda. Mare ne kafe jifla ka namono Jeriko te kiloi namono thubo igne, eghuteuna mare ne tei ne au ke mata namono nagou rhegna namono Arad baludi naiknodi jare re.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Diutronomi 10:18

Mana reireghi fakelidi naikno biꞌo te lehe khetodi re nei naikno glehe kokoi, mala theome chaghidi mare. Mana fakakhana nogna namha na ranghidi naikno phosa te au balumi ghotilo eghuteuna tufa ghedi gano nei nodi pohe.

Levitikas 19:34

Ghotilo mala ghathodi narane teke au ghotilo Ijep jateula naikno phosa teku jare ra. Ghotilo namhadi naiknodi delei are jateula te namha ghami themi eghu, eghuteuna ghotilo mala reireghi fakelidi, jateula ghotilo te reireghi fakelidi tharaknami themi are eghu. Iara Lord, nomi God ghotilo.

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”